عندما يعشق الشيطان الجزء الرابع

21

الحلقة 21
تعدا نهار خايب عليهم ناس لكل كان فيه برشا حركة و برشا مصايب و حقيقة تعيف تلموا لكل بعد العملية لي صارت في دار جاد
دخلوا مشا قعد وا بش يرتاحوا مشاو لبنات جابولهم عصير و حاجة ياكلوها و قعدوا معاهم
جاد تكلم ...لولاد ياخي توا اسيل مرا و زعما بش تكون وحدها باز لا يعني سخط البوص لتوا لطاح يا زاحي لعبها لعبة بأصولها و دارسها بلڨدا
جوزيف ...عرفوا لولاد شاممها ڨارصة توا مدام اسيل و بنتها طاحوا يعني اكيد عندهم علاقة بلبوص و موش بش يقعد ساكت بش يشعل نار تحرقنا لكل
آلبرتوا ...يا جماعة ركزتوا مع كلامها وقت قالت لي تلوجوا عليه انتم هناء مهوش موجود هيا هك قربت لينا لي بوص موش موجود هناء
اليزا ..لولاد لازم ناخذوا احطياط كامل توا ورودبالكم على رواحكم اكثر واكثر توا لعبة ولات اخطر من قبل

ايهم  لازم نولوا اكثر احطياط بورجولية
جاد تكلم ...بالنسبة ليا نار لي فيا و الشيطان لي عاود فاق فيا هوا سبب فيه و نار متاعي بش تحرقوا هوا قبل ميعمل هوا حاجة
اما لازم نعمل حاجة لجوزيف لازم نطلبوا دعم يضهرلي راجعين لتونس على قريب لولاد و تبسم  تعدا لوقت وهوما قاعدين يحكيوا و يفسروا في كل معلومة تعرضهم
✋✋✋✋✋✋
نرجعوا لتونس لي متبدل شي في فيلة آل راشد كان انوا سامر و هند ليوم راجعين
خرجوا من المطار شادين يدين بعضهم و يفدلكوا ويضحكوا هههه ضاهر تقلب السحر على الساحر و هند طاحت في حبك درباني مع سي سامر 😂

خرجوا من المطار يلقاو العيلة لكل تستنا فيهم
مشات هند تجري وفي يديها شهادة حملت راشد بابا بابا لييوم رجعت وحققققت لحاجة لي نحلم بيها سنين بعد عام و شهرين ليوم انا وليت اكبر طبيبة تشريح و اختصاص مطلوب اكثر في تونس و من غدوة نبدا الخدمة في اكبر كلينك في تونس
فزت عيشة تزغرتتتتتت ورررراااااااااارررريي حمدوله ياا ربييي حمدوللللههههه
اسمعوا هيا هيا نحب نشوف ميرال و يحيا و جاد معاش نجم نصبر راو انا هيا هيا 😂😂
خدموا كراهبهم طريق الفيلا وين كانت ايثار واثير و دانا و هديل هنيدة و سمر و سحر يستنوا في الجماعة يوصلوا حبست الكرهبة خرجت ايثار محملا يحيا و دانا شادة جاد من يدوا و اثير في يدها ميرال
هبططت هند تجري
ياااااااا يا عمريييي انا رام كبروا هوما فكرتهم لكل و هيا تبوس وتعاوددد شبعت فيهم قريب تاكلهم لحاصل
حتى خرجت هديل و هنيدة
وصاحت فيهم هند
لااااع نارك نتوم زادا ولهي سقاط لكلكم وكلاب حد مبشرني اشومي
هههههه هديل اسكت عاد لتخذنا بنفس
ههههه قولولي شعندكم
انا طفل وهنيدة زوز بنات توما
ههههههههه يا ربي رام عسل لكل حتا انا جبتلهم كدوات بلغير منعرف 😂😂
جاها سامر من تالي و قلها حتى انا نحب نولي بو راو هيا وجها حمار و العيلة تفلقت عليهم بضحك
✋✋✋✋✋
صباح جديد جاء ومعاه مصايب جديدة وربي يستر منوا هالنهار لمشوم قاموا الولاد على حس ضربان الباب بلقوي و دقان موش عادي شوية ويطيح لباب
قام جاد مدهشر مشا بش يحل و قلها صار هيا نتي شبي عزاك اصباح
دخلت تصيح عليهم
كااررثة كاررثةةة يا ربي و تبكي
تلموا لولاد لكل على صياحها
ايهم شبيك اليزا شصار لباس
آلبرتوا وخيتي شبي عزاك
يااااا ولادي مصيبة مشيت لدار الينا بش نهزها دقيت دقيت مخرج حد انا دزيت الباب و لقيتوا محلول دخلت نلقا دنيا كل مقلوبة و دار تقول صار فيها حرب و نلقا دم في الحيط
غادي وين تمسمروا لكل و آزر كان يعقل مشالها يجري يخض فيها
اش صار ويني يزي بلا تفدليك على صباح بلاهي مشوا لعب راهوا

تبكي و له وله نقلكم في للحقيقة
جاد ضرب ايدوا على الطاولة و جوزيف بدا يسب و يلعن
آلبرتوا بدا يكلم في السلطات الامريكية
وايهم يهدي في اليزا و آزر كان يعقل مشا يجري يلبس في مريولوا وهز مفاتح الكرهبة و خرج يجري حاولوا لولاد يوقفوه متجموشوا خرج يجري و هز لكرهبة و خلا كان الغبار

جاد ايهم امشي وراه فيسع واحنا تلموا معلومات و نترقبوا الساعة لي في يدها
كل واحد شد بلاصة حتى وصلتهم رسالة تهديد على ايمايل مجهول
حلها جاد وبدا يقرى
هههههههههههههههههههههههههههههههه ولاد ال راشد طلعتوا بهايم بزايد راهوا منغير متلوجوا في امريكا و هذا موش تنبيه هذا بش يكون دمار ليكم
جاد طلعلوا الدم و بدا يسب
ديم ام ام امك يا ولد .....  آلبرتوا بدا يتعقب في الايمايل و منڨالة الينا ضرب يدوا وتكلم
نعن دين اموا كيف ماكنت متصور
جوزيف ..شفما
طحان في تونسسسس لازم نرجعوا فيسع
كلم جاد آزر بش يرجع و لي هوما تقريب لقاو بلاصة الينا و ايهم و اليزا رجعوا فيسع ريڨلوا اومورهم بش يرافقهم الدعم اما في طيارة خاصة
ساعة من زمان و كانوا في المطار  لكلهم يكروا في فاليزاتهم آزر تقول قاعدين عجمر يرحي في الدخان رحيااان موش عارف اخرتها وين و لا تخماموا على الينا لتصيرلها حاجة. و قتها معاش يسامح روحوا
طلعت الطياارة و تعدات ساعتين و نص هبطت الطياارة في مطار تونس قرطاج
خرجوا لكلهم ورا بعضهم ريقلوا اومورهم و بقاو قدام المطار يستنوا حتى توصل كرهبهم
حتى قص على هذا الكل الايمايل لي وصل جاد
يقرى فيه و موش مصدق عينيه قريب بش يطيح التاليفون على طولوا

زعما شنوا بش يصير ؟؟
شفيه الايمايل؟
شنيا توقعاتكم الحلقات الجاية؟