الحلقة 10
دخلت للفيلا وراها دانا بكرهبتها هبطوا و داخلين مع بعضهم يسمعوا في دار تغلي
هههههه او الحس جاء تسمع
ههههه اش بش يسلكها عاد
هيا هيا اطلع خوذ بيجاما معندي متقعدش هكك بحوايج لخدمة
اي وله حتى انا فديت
دخلت هيا ودانا سلموا عجماعة
راشد ....اهوكا بناتي لمزيانين جووو كان محمل جاد و ماشي لإيثار و دانا يبوس ويحمل.
نتوما بيلحق بناتي
ايثار ...عيشك بابا حتى انا نحبك
هند اوووو بديت نغير انا 😂
سمر شنوا احنا موش بناتك بابا😞
دانا. ههههههه ختمت هاي تحلت حرب الغيرة توا اش بش يسلكها😂😂😂
ايثار امشي امشي نبدلوا دبشنا و نرتاحوا شوية من الخدمة خلي ياكلوا بعضهم 😂😂
سحر اووووهو عيشك ليله ايثار مقصرتش😂
ههههه بابا خلي عندك جاد اتوا نجي
برا بنتي برا
طلعت هيا ودانا عطاتها بيجما لبست هيا بيجما كلسون نوار و مريول ڨري خفيف فيه فونط منا ومنا طويل شوية عملت بوماضة لوجها و يديها شرهالها جاد قبل ميمشي ريحتها تفتق عملت فولارا نوار اكك وبرا موش كابستها وهبطت بحذا الجماعة تشم في ريحة المقرونة عرفتها من يديات عيشاااا دخلت شافتهم كان يستحقوا حاجة ياخي سحتوها لكل😂😂 ( انا كان تبدا فما لمة و ندخل خلاتي وامي يبعثوني نغسل لماعون ومنحكيلكمش عاد تقول ماعون عرس😂)
ههههه باهي منغير ضرب اني خارجة
خرجت بقات بحذا لبنات و لولاد لي كانوا ضاربن طرح حبك درباني يتمعشقوا و يدككوا على بعضهم 😂😂
تعدا الوقت اكك حتى تحطت الطاولة فيها لخيرات السبعة من مقرونة لطواجين لسلايط لغلا لعصير لڨزوز نخلوا مصنفوا نسا 😂 ركحت هيا تاكل و تعاود عاد 😂 كملوا جات بش تقوم تعاونهم ياخي جاد فاق ولا يبكي
عيشة ايثار بنتي برا رضع ولدك واحنا هاو معانا لبنات كيفك اثير برا ارتاح بنتي متعبش روحك
دانا هههه اكهو حتى انا بش نعرس بش معاش نمد ونجيب شي
هند اكست عزيزتي اسكت ههههه اذوكم يحايلوا
سيلين دا يلمكم فزوا تڨعدوا😂
مشات اذيكا قعدت و لوخرا رضعت ولدتها و حملتوا حتى كملوا غسلوا جماعة لماعون و دخلوا بش يحلڨوا كلعادة و دخلوا لبنات بلڨلاص و ديسار
راشد ايثار بنتي علاه لميتنا لباس ماهوا
لباس بابا لاباس حبيت نلمكم بش نقلكم خبر
عيشة شبيك بنتي شفما
سيلين احكي يا بنتي فجعتنا
مراد نشاله خير
هههههه متتفجعوش جاد صغرون بش يولي عندوا خو ولا اخت صغيرة وحطت يدها على كرشها
قاموا النسا يزغرطوا واك لبنات ترماو عليها يبوسوا ويحملوا
اسامة يتكلم وحدوا ههههه زايد طحان عملها 😂
اثير ياااااااا منيش مصدقة ايا ملا من توا بش تخليني جاد لبنتي و ولدك هذا لبنتي لي جاية نشاله😂 مرة اخرى
طبس عليها اسامة يحكي في وذنها
حبي كان تحب توا نجييوها ميسالش😂
وجها حمار و بدات دز فيه 😂
راشد هانهار سعيد يااا ربي الف الف مبروك ايجا لبابا ايجا
( موقف هذا يحسسكم قداه الحموا ينجم يكون كيف البو بضبط و يحن عليك حتى وانتي ماكش من صلبوا💕)
اما وصتهم لكل بش ميقولوا حتى شي ل جاد يعني جوزيف بش تحب تعملوا سوربريز كيف يرو صحيح بش يتغشش خاطر خبات عليه لحكاية اما ميسالش خليه اكك😂 ( تحب تعذبوا شوية)
دانا مرتاحة و فرحانة خاطر تعرف لي طفل ولد جاد موش جوزيف 😂 وكانت طايرة لسابع سماء 😂 ومش مصدقة نهار لي بش تتلم بيه مرة اخرى حتى تكلم راشد
لبنات العرس معاش عليه بكري راهوا لازم تمشوا تتفاهموا مع سونتر و تريڨلوا اوموركم
ايثار اما خممت غدوة ناخذوا كونجي ونمشيوا نعملوا شوبينڨ و نتعداو نقيسوا روب
هديل ههههه املا لا نمشوا انا لولا
دانا اي وله عندك لحق
لكلهم فرحانين عكس هند لي كانت مادة وجها و موش عارفة كيفاه تخرج من هالمشكلة
سامر كان حاس بيها اما كان واعد روحوا كان متحبوش في فترة متاع عرسهم يخليها تشوف حياتها وياقفش في طريقها 😞💔
كملوا سهريتهم و كل واحد هز عيلتوا وروح اثير واسامة شدوا بيتهم سيلين كيف كيف هزت ايثار جاد و رقدتوا بجنبها في الفرش 💕
________
نمشيوا لجاد و الجماعة العمل😂 لي كانوا متقابلين مع بعضهم فوق طاولة جابلهم آلبرتوا مناڨل على اعدادهم و في نفس لوقت فيهم ميكروا يتواصلوا منوا تفاهموا بش يقسموا رواحهم زوز ڨروبات ڨروب فيه الاخوة الثلاثة و معاهم الينا و لڨروب لاخر فيه ايهم و اليزا و آلبرتوا بش يمشيوا لبلاصة لي دلهم عليها الراجل ويبدوا من غادي مهمتهم ........
علاقة آزر والينا طورت بعثلها انفي على فيسبوك وكلعادة بداوها بعركة مهمش بش يبطلوا لعرك اذوما😂 اما لليوم مقالهاش على حبوا ليها قرر انوا يعترفلها بعد متوفا لحكاية هذي لكل
عكس ايهم و اليزا لي كانت نضرت لحب في بعضهم واضحة وضوح الشمس في عينيهم و قرر حتى هوا يعترفلها بحبوا وعلى قريب
كملوا تفاهموا وكل واحد شد داروا مشا آزر يوصل في الينا و الاولاد مروحوش باتوا في دار آزر تفرشوا كل واحد. في بلاصة ومخوا وين سارح ايهم في اليزابطيبعية
جوزيف في دانا لي ميت وفاني في وحشهاااا و يجبد كل درج يتفرج في تصاورها 😞💔.
خلي عاد جاد مقال حد لحد مشا طلع في البركون قعد علكرسي لوح راسوا لتالي تفكر لورقة لي حطهت في جيبوا بش يقراها ليوم صباح و مقراهاش جبدها. وحلها وبدا يقرى .....
وبقلبي وليس بقلمي...
سأكتب لكِ رسائل حبي حتى آخر قطرة من دمي..
ولحظة من حياتي...
وإذا ماتوقفت نبضات الحياة يوما"..
وانتهت رحلة العمر...
وفارقت الروح الجسد..
وتوقف القلب..فأن روحي الهائمة بكِ ...
تكتب لك دائما" في كل مشرق ومغرب شمس... رسالة حب..
من قلب قتله شوقه إليكِ...
وأحياه حبه لكِ..
فالقلب الذي أحب دائما"...لا يموت أبدا"..💕💕💕💕
كمل قرى طواها و قال
ايثار وراس حبك وراسك نتي راجعلك راجعلككك وراس حبي ليك نتخطى لموت و نجيك ومنضيعش لاحضة من وقتي ونتي مكش فيه نحببككك و نموت فيك 😞
وعد مني ليك راجعلك على قريب💕
( صبر وله وجعولي قلبي زاح البعد و الحب حاجتيني ميركبوش على بعضهم 💔💔💔💔)
أنت تقرأ
عندما يعشق الشيطان الجزء الرابع
Actionهذا الجزء الرابع كمالة للكرونيك هذا الي مولاتو لاصلانية ماكملتوش نحنا كملناه بأقلامنا #Ritta & #Hyba
