ظواهر سلبية في مجتمعنا الليبي

الظاهرة6^ليبيا♥️^

السلام عليكم كيف حالكم شني اموركم
الظاهرة متاعنا اليوم ظاهرة منتشرة بشكل كبير اكثر حتي من الكاورونا هههه
المهم اليوم الظاهرة تحكي علي الحرب في ليبيا لحظة💢 منحكيش علي الحرب الجبهة الي في الواقع لا نحكي علي الجبهة الي في السوشل ميديا الجبهة الي بين الخوت والخوات الجبهة الي في كل حوش ليبي ايوا اكيد فهمتو قصدي
يعني احني نتعاركو وخاشين في بعضنا ونقتلو في بعض والدم واصل الي الركاب وهما مرتاحين في حياشهم ومطمنين علي صغارهم الي عايشين برا وعندهم الضي والميه والتعليم الناجح واحني اهني عيشتنا عيشة كلاب^ حشاكم^ ومتبهدلين شني يعني بينفعنا السراج ولاحفتر كلهم يجرو وراء مصالحهم
فيه بنات في السوشل ميديا يتعرضو الي مضايقات من الموضوع هادا
زي بنت كاتبة في ايميلها بنت الكرامة اتخشلها بنت من بنات البركان واتقولها البنت ردي المتابعة اتقولها لا اني منتابعش في القرامطة
ولا بنت البركان اتقولها ردي المتابعة اتقولها لا انتي بنت بركان واني بنت كرامة
طيح سعدك انتي وياها
انتم بنات ليبيا لا بركان لاكرامة انتم بنات ليبيا فاهمين ولا😡
وخليك مع الولاد يخش علي بنت يلقاها كاتبة بنت الكرامة ولا بنت البركان ويطيح في سبان ويتمرجل اعليها اصلا انته كانه راجل جديات متتمرجلش علي بنت وكانه تبي تتمرجل برا هوني الجبهة قدامك وورينا فلاحتك
اسمعو انتم ولاد وبنات ليبيا لاكرامة تنفعك لابركان ينفعك
ريتو زي ماطلعتو في 2011 وهادا يبي معمر وهادا يبي الثورة استفدتو حاجة بعد ماكلمت الحرب ها الي استفاد ايجي ايقولي مفيش حد استفاد استفادو هما الرؤس الكبار الي حرضوكم وخلوكم اديرو الثروة الغبرة هادي ترا قولولي شني استفدتو استفدتو انه لافيه ضي لااميه لاتعليم زي العالم والناس وخليك من الخطف والقتل والسجل الإجرامي الي تعبا والسجون الي معبيا ونصهم مظلومين
اوك اني اهني منبيش نحكي علي السياسة لانه مدخليش فيها فخار يكسر بعضه اني اهني بنحكي علي ولاد وبنات بلادي الي يقتلو في بعضهم بالكلام اني اهني نحكي علي الناس الابرياء الي وجعها قلبها علي بلادها اني اهني نحكي علي الناس الي تموت اني اهني نحكي علي ام الشهيد وزوجة الشهيد واخت الشهيد اني اهني نحكي علي بنت الشهيد اني اهني نحكي علي الام الي تستنى ولدها ايروحلها بي الشهادة روحلها في كفن اني اهني نحكي علي الناس الي تبكي دم علي ليبيا وين حبكم الي ليبيا هكي حبكم الي ليبيا هكي اتحبوها انتم امنين تقتلو في بعض واتسبو في بعض واتقولو قرامطة وبريوش وزبادي اتقولي بركان وكرامة شني بتستفيدو غير اتعالو قولولي شني اتسفدتو لما اتسبي بنت بلادك شني بتستفيدي لما تتشمتي انه واحد مات في الجبهة من جيهة العدو شني بتستفيدو فيقو علي روحكم الي اديرو فيه غلط كبير غلط انتم تقتلو في بعضكم بالعرق انتم تدفنو في بعضكم وانتم حيين وين غيرتكم علي بلادكم وين غيرتكم علي امكم واختكم وبنتكم وزوجتكم ها وينها
غيرتكم انكم تسلمو بلادكم للمستعمر بالك انسيتو ايام العثمانين شني صار فيكم ياناس فيقو علي روحكم باللهي اعليكم وطلعو الوطنية الي عندكم طلعو حب بلادكم وينها وينها بلادكم بلادكم كل يوم اتريح وانتم السبب في الشي هادا انتم السبب لانكم مش مصفين قلوبكم صفو قلوبكم وخليكم ايد وحدةةوشوفو ليبيا كيف اتولي
وبالك انسيتو لما جيبتو اليهودي في 2011 ويخطب بيكم ويحرض فيكم
وينه توا عايش معاكم الكلب اليهودي عايش المعاناة متاعكم عايشها لا اخدي مصلحته وفلوسه وامشي ولا كانه يعرفكم
وتوا بديرو نفس غلطة 2011 وبتجيبو الأتراك الي بلادكم حياتكم بتزيد للاسواء بتبدو تشبحو في بناتكم قدامكم ايموتو وانتم تتفرجو انتم اكيد فاهمين اعليا اني منبيش نحكي حاجات مفروض منقولهاش
وين غيرتكم
ردو بالكم راكم ماشيين للجحيم برجليكم صفو قلوبكم ونيتكم وخليكم خوت انتم ليبين وتعرفو شني معنى ليبين احني الليبين كنا امنين نسافرو يفرشولنا الارض ورد توا امنين نسافرو يلوحو في الجوازات اعلينا تلويح
اي تلويح تعرفو اعلاش لانه احني مدرناش قيمة الي روحنا ونظمنا بلادنا تبو البرانية ايديرولكم قيمة اكيد لا
ياناس بلادكم وطنكم الغالي بالك تحسابو كلمة ليبيا ساهلة لا لا كلمة ليبيا حاجة كبيرة ليبيا حتي حسين الجسمي قال ياليبيا ياجنة ليبيا جنة بالحق غير احني تفكيرنا تغير وخش الحقد والحسد بيناتنا والكلاب متاعين الدولة غسلولكم دماغكم وخلوكم خوت تكرهو بعض خلوكم خوت تقتلو في بعض خلوكم خوت تسبو في بعض خلوكم خوه يلز خوه من الحوش لانه يبي الكرامة خلوكم خوه يقتل خوه لانه يبي البركان وين هادا وين ماشيين بيه وين هكي علموكم اتحبو بلادكم هكي حتي ربي والرسول صلي الله عليه وسلم وصو علي الوطن وانتم مدايرينه بطش وتلعبو بيه ههههه
حلول للظاهرة هادي💢💢
1موضوع السياسة في السوشل ميديا الغوه نهائي فوتوه بكل ومعاش تحكو فيه حتي في الواقع
2 الي تتعاركو عالخطارهم مش حيفيدوكم شي اصلا كانهم رجالة راهو ينزلو هما للجبهة
3 ردو بالكم من بعضكم راكم خوت في الدم واللحم والدين وراكم ليبين
4 وحل للنهاية الحرب يمشو الكلاب الزوز الي الصحراء يتعاركو هما بروحهم من غير شبابنا الي ضاع والي يفوز ايجي يحكم البلاد
5 نبو راجل يحمينا منبوش مفرخ يلعبو بينا ويبعيو في بلادنا للاتراك
معاش نقدر انقول اكثر من هكي لانه بجد الموضوع عصبني اعطوني رايكم في التعليقات واسفة لو قلت كلام مفروض مينقالش
واعطوني حلول في التعليقات
مع السلامة 💖
الكاتبة: لولو حبيب♥️