ظواهر سلبية في مجتمعنا الليبي

الظاهرة 2( تشويه السمعه)

السلام عليكم كيف حالكم شني اموركم
اليوم الظاهرة بنحكو فيها علي تشويه السمعه
طبعا هادي الظاهرة انتشرت هلبا في وقتنا هادا واكيد هيا حتكون
من ولد مقدرش يمتلكك
ولا من بنت حاولت تكون زيك ومقدرتش
طبعا اول طريقة يقدرو يشوهو بيها سمعتك هيا الانترنت اني مش حنعطيكم طرق بش متقولوش اتساعد فيهم اني بنعطيكم مواقف وحكايات
نبدو بالحكاية الاولي
هيا بنت عمرها صغير بس عقلها كبير ومشالله شاطرة في القراية وعيلتها ايحبوها هلبا واقرابها كلهم ايحبوها ومحبوبة حتي في المدرسة وتعرف اطيب واضم وتسيق ولاهية بالحوش هيا لانها البنت الكبيرة في الحوش
عندها بنت خالها اتغار منها من امته هما صغار لدرجة انها تحسد فيها حتي علي الدم الي يجري في عروقها
في الحرب هادي جت بنت خالها نازحة عندهم
والبنت هديكا معندهاش لافيس لاانستا ولا عندها في دوة النت هلبا امشت اتطيب في الغدي وبنت خالها دارت ايميل باسم البنت هادي
وكلمت ولاد ليبيا كلهم واتقوللهم اسمي كذا وعمري كذا اعطتهم كل الملعومات علي البنت هديكا حتي وين تسكن ومن اما قبيلة وبعتتلهم حتي صورها
فجاة خو البنت فاق بالموضوع لانه هكر الايميل هادا
وشبحو كل شي حرقو الايميل وع الساس تم الموضوع ومات
لكن البنت قاعدة تغلي من داخل تستنا امتي تشوف بنت خالها عشان توريها نجوم القايلة لكن خال البنت وامها رافضين قالولها مديري شي لانه تقدر ادير احرف من هكي وبوك واعر لو يسمع اعليك حاجة حتي بالكذب يقتلك طول
هادي حكاية من حكايات تشويه السمعة
اسباب تشويه السمعة💥💥
1 الغيرة والحسد^ ردو بالكم اتخلو الغيرة والحسد يعمو عيونكم راهو الدنيا دوارة والي بديروه تلقوه^
2 الغرور مثال البنت اتكون مغرورة بالسيف يبدو يشوهو في سمعتها
3 اكثر حكايات تشويه السمعة اتجي الاقارب ردي بالك تعطي سرك الي حد الا امك امك هيا الي تحفظ سرك ردو بالكم يابنات
الصراحة معنديش حلول الي الظاهرة هادي
انتم اعطونا حلول كيف انصلحو الظارهة هادي وننهوا من مجتمعنا
وخافو ربي في كل عمل راهو يوم غذوة بتتعاقبو علي ابسط حاجة
وربي يهديهم الناس هادي وخلاص
////
مع السلامة
الكاتبة: لولو حبيب