ظواهر سلبية في مجتمعنا الليبي

الابتسامة

السلام عليكم كيف حالكم شني اموركم
عارفة مغيبة هلبا علي الكتاب لكن والله قراية ومعنديش مواضيع
المهم اليوم جيت بنحكيلكم موقف صار معاي اليوم في الثانوية
المهم من اول حصة الي الرابعة واني مكتئبة واتقول وحدة راجلها ميت ههههه ومخاطريش نحضر ولا حصة
المهم جت الحصة الخامسة وخشت ابلة الرياضيات اول مابدت الشرح اني قاعدة مكتئبة دورة الابلة قالت حاجة اضحك وابدت تتضحك الفصل كلها ضحك من بعدها جاني نشاط وحماس لايوصف
قصدي هيا بابتسامة وبضحكة غيرتلي جوي وخلتني نضحك
الابتسامة كنز راهو ابتسمو في وجه كل الناس حتي الي تكرهوهم وديما خلو علي لسانكم الكلمة الطيبة والله الكلمة الطيبة صدقة وحتي الابتسامة حاجة حلوة لما تبتسم في وجه الناس حتي الي متعرفهمش اتحسسهم بالطمأنينه والامان وممكن اتغيرلهم جوهم ونفسيتهم مش ضروري تتكلم المهم تبتسم بس
ياريت تحكولنا مواقف صارو معاكم زي الموقف هادا وتشاركونا رايكم في الموقف
واعطوني ظاهرة نتكلمو اعليها
واسفة علي الانقطاع
الكاتبة: لولو حبيب❤