لم أكن سجينته

الفصل الثامن

كان هاري يتجول حول القصر بغضب : بتحبه بتحب وحش بقالي سنين قصادها و معاها و بساعدها و بدعمها في كل شئ و في الاخر رايحه تحب وحش

قاطع حديثه صوت كايل قائلا : انا مش وحش يا هاري

تفاجأ هاري التفت إلى الخلف بغضب قائلا : وانت بقى جاي تسمع كلامي

: لا جاي افهمك ان انا و جيس مش ننفع لبعض هي بشريه و حقها تتزوج من بشري زيها و إذا هي بتحبني فحبها هيروح مع الوقت جيس ذكيه و هتفهم اننا مش ننفع نحب بعض

: وانت

: انا ايه

: هتنساها

: مستحيل انسى جيس شايف القصر الضخم ده عايش فيه ٢٠ سنه في صمت ٢٠ سنه لوحدي اول مره احس ان للقصر صوت لما جيس عاشت معايا و يكفي اني اعيش على ذكرى الايام دي

: انت مبتحبهاش لو بتحبها مستحيل تسيبها

: الحب مش انانيه جيس اهم من اي شئ بالنسبالي و انا بحبها بس لو حبي ليها هيأذيها هبعد عنها لاكن مستحيل أنساها

: و حبك يأذيها في ايه

: ممنوع مصاص دماء يتزوج من بشريه و الا هيقتلوها و الحاله الوحيده التحميها اني اخليها خادمه لي و اقدر اتزوجها لاكن زواج غير شرعي و مستحيل اقبل كده على جيس

: مصدقش ان وحش زيك ميقدرش يحارب اسمع كلامي كويس لو جيس رجعت معايا هتجوزها فورا و مش هسمحلك تتخيل بيها او تعيش على ذكراها حتى

تركه هاري و عاد الى القصر رأته سيلي لتركض له

: هاري انت كويس

: كويس هي فين جيس

: فوق في غرفتها في ايه

لم يجيبها و اتجه إلى غرفة جيس كانت جيس جالسه في صمت تضم قدميها إلى صدرها و تتذكر منذ وصولها قصر كايل.. هل حقا ستتركه و تعود ؟؟هل حقا لن تراه مره اخرى ؟؟

دخل هاري دون طرق الباب نظرت جيس بفزع قائلا: انت مجنون حد يدخل غرفة بنت كده ..علفكره احب اقولك معلومه تنفعك الباب ده الناس عملوه عشان تخبط قبل ما تدخل

لم يهتم هاري لحديثها اقترب منه و جلس بجوارها امسك بيدها ليتنهد ثم يقول : جيس انا بحبك من طفولتنا و انا بحبك كنت هتجنن و انتي مش معايا تمسكت بكلام سيلي لاني كنت رافض انك تروحي مني جيس انا كلمت الوحش ده و هنمشي بعد الاحتفال علطول و هعملك احلى فرح زي ما بتحلمي طول عمرك على البحر في يخت ها يا جيس موافقه تتزوجيني

كانت في حالة ذهول من حديثه لتستيقظ على كلمه تتزوجيني قائله بعقلها لا يستحيل غير كايل لا

جذبت يدها بقوة لتركض خارج غرفتها إلى غرفة كايل فتحت الباب دون أذن لتصرخ كاااايل

لاكن ما من مجيب فهو لم يكن بالغرفه صعد لها الخادم