Unicode...
သောကြာနေ့မနက်...
နေမင်းယံနဲ့ ဟန်မင်းထွဋ်လည်း ကျောင်းမသွားရ၍ နောက်ကျမှ ထလာခဲ့သည်။ နေမင်းယံကတော့ ဟန်မင်းထွဋ်ရဲ့ရင်ခွင်ထဲမှာပဲပေါ့ ။ နှစ်ယောက်သားနိုးလာတော့ မနက် ၉ နာရီပင် ထိုးနေပြီဖြစ်သည်။ ဟန်မင်းထွဋ်က ထသွားပြီး မျက်နှာသစ်ကာ ကုတင်ပေါ်သို့ ပြန်လာသည်အထိ နေမင်းယံက မထသေး။
"ယံယံ မနက်စာကို ကြက်ဥ ပေါက်မုန့်ကြော်ပဲစားမှာမလား "
နေမင်းယံက ဟန်မင်းထွဋ်ရဲ့ ခါးကို ဖက်ကာ ဗိုက်ပေါ်တွင် ခေါင်းကို တင်ရင်း
" အွန်း... "
"ဟုတ်ပြီ ထတော့နော် ကိုယ်နဲ့ တူတူစားမယ် "
"ဟုတ်ကဲ့ကိုကို "
ဟန်မင်းထွဋ် ထလိုက်တော့ နေမင်းယံလည်း ခါးကို ဖက်လျှက်သားလေးပါသွားသည်။ ပြီးမှ ဟန်မင်းထွဋ်ရဲ့ ခါးကို လွှတ်လိုက်ပြီး ရေချိုးခန်းထဲ ၀င်လာခဲ့သည်။
နေမင်းယံ မျက်နှာသစ်ပြီးပြန်ထွက်လာတော့ ကြက်ဥပေါင်မုန့်ကြော် အနံ့လေးက မွှေးနေတာပဲ။ နေမင်းယံလည်း မျက်နှာကို မြန်မြန်သုတ်ပြီး ထမင်းစားခန်းထဲသို့ လာလိုက်သည်။ အနံ့ကို တ၀ရှုလိုက်ပြီး
"အား မွှေးနေတာပဲ ကိုကိုရေ ဗိုက်ဆာလာပြီ "
"ယံယံ ဒီမှာ ရပါပြီဗျာ "
"ဟုတ်ကဲ့ ကိုကို "
နေမင်းယံလည်း ခုံမှာဝင်ထိုင်လိုက်သည်။ ဟန်မင်းထွဋ်ကလည်း ကြက်ဥပေါင်မုန့်ကြော်ပန်းကန်ကို ခုံပေါ်တင်လိုက်ပြီး ကော်ဖီတစ်ခွက်နှင့် လက်ဖက်ရည်တစ်ခွက်ကို ထပ်ဖျော်ကာ ခုံပေါ်တင်ပေးလိုက်သည်။ ပြီးမှ မိမိပါဝင်ထိုင်လိုက်သည်။
"ယံယံ များများစား အားရှိအောင် "
"စားမှာ အားကရှိပြီးသား ။ ပိုရှိအောင်လုပ်ရမယ် "
နေမင်းယံက လက်မောင်းက ကြွက်သားကို ပြရင်း ပြောသည်။ ဟန်မင်းထွဋ်က မိမိအတွေးကို မိမိပေါက်ကာ ပြုံးစိပြုံးစိနှင့်။
YOU ARE READING
Without you, I would not exist. (complete)
RomanceEach part is written with Unicode and Zawgyi fonts. Start date : 10. 9 .2020 End date : 26 . 10.2020