Unicode....
"ကိုကိုရေ ။ မြန်မြန်လုပ်လေ "
"ခဏနော် ယံယံ ကိုယ်မြန်မြန်လုပ်နေတယ်"
မနေ့က ခရီးပန်းလာတာကြောင့် မနက်ကို နောက်ကျမှနိုးလာကြသည့်အတွက် ကျောင်းနောက်ကျမှာစိုးလို့ ယံယံက သတိပေးနေခြင်းဖြစ်သည်။ ယံယံ ပြင်ဆင်ပြီးပေမယ့် ဟန်မင်းထွဋ်က မပြီးသေးတော့ ယံယံက ပွစိပွစိနဲ့ ။
"ပြီးပြီ ယံယံ မြန်မြန်သွားကြမယ် "
"အင်း "
နှစ်ယောက်လုံး အခန်းထဲက မြန်မြန်ထွက်လာပြီး လမ်းမဆီထွက်လာခဲ့သည်။ YBSစီးလျှင် မှတ်တိုင်တစ်ခုချင်းစီတွင် ရပ်တာနဲ့ ကြာအုန်းမှာမို့ Taxi သာစီးပြီး ကျောင်းကို လာခဲ့သည်။
ကျောင်းရောက်တော့ ၉နာရီထိုးပြီဖြစ်၍ ကန်တင်းမသွားတော့ဘဲ နေမင်းယံကို အခန်းဆီသို့ ပို့ကာ မိမိအခန်းဆီသို့ လာခဲ့၏ ။ အခန်းလည်းရောက်ရော မိမိနေရာတွင် ထိုင်ပြီးကာမှ အာကာက
"ဟေ့ရောင် ဘာလို့ နောက်ကျနေတာလဲ ။ ဒီနေ့ 1st year တွေစီသွားပြီး King နဲ့ Queen အတွက် စာရင်းသွားကောက်ရမယ်တဲ့ "
"ကောက်ရမယ့် သူတွေသွားကောက်မှာပေါ့ ။ ငါနောက်ကျတာနဲ့ ဘာဆိုင်လို့လဲကွာ ။ ကောင်းကောင်းတောင် အမောမဖြေရသေးဘူး ။ မင်းက လာငေါက်နေတယ် ။ ဟူး..မောရတဲ့ကြားထဲ "
ဟန်မင်းထွဋ်က လွယ်အိတ်ကို နေရာတကျချရင်း စာအုပ်ထုတ်ကာ ပြောလိုက်သည်။
"ဘာကို မင်းနဲ့မဆိုင်တာ ။ ငါတို့အကုန်လုံး ထင်တာတော့ ဒီနှစ် နေမင်းယံ King ဖြစ်မှာပဲ ။ ဟုတ်တယ်မလား မေဖူး " ဟု စည်သူက ပြောရင်း မေဖူးကို စစ်ကူတောင်းလိုက်သည်။
မေဖူးလည်း စစ်ကူတောင်းသည်ကို လက်ခံပြီး
" ဟုတ်တယ် နေမင်းယံလောက်ချောတာ သူပဲရှိတယ် ။ သူမှ King မဖြစ်ရင်ဘယ်သူဖြစ်မှာ လဲ ။ ဟန်မင်းထွဋ် ငါပြောပြမယ် ။ King ဖြစ်ပြီဆိုတာနဲ့ ကောင်မလေးတွေကြားရေပန်းစားလာမှာပဲ ။ ကောင်မလေးတွေ စိတ်၀င်စားတာကို ခံလာရမှာ ။ အဲ့မှာ နင့်ဘက်က နေမင်းယံအပေါ် သည်းခံသင့်တာတွေ ပေါ်လာမှာနော် ။"
YOU ARE READING
Without you, I would not exist. (complete)
RomanceEach part is written with Unicode and Zawgyi fonts. Start date : 10. 9 .2020 End date : 26 . 10.2020