تعداو أربعة أيام أنا وحسام هوا كان حاطني تاج فوق راسوو أي وحدة تتمنى تكون في بلاصتي أما موش أنا خاطر قلبي مكانش عندو كان عند صاحبوو المهم بلي ماحولت نوري الي أنا فرحانة معاه منجمتش حبيت نعلموو بش نرتح ضميري خاطر قاعدة نستغل في الطفل بش ننتقم من عشيرو .
المفيد قرينا ساعتين وبعد عنا ساعة ليبر قعدنا قدام الكولاج إدريس ونور في شيرة الي مقابليتني وانا وحسام قاعدين وحدنا في المحطة إلي قدام الكولاج
قعد يحكي وأنا نسمع وساكتة وبعد تكلمت وياريتني بكشت خير
أنا:حسام نحب نقصها!!
حسام مستغرب:ههه شنيا!!
أنا:حسام متبداش تتضومر نحكي برسمي يمكن انتي تحبني
حسام:يمكن !!! يابنتي ياخي ماكش مصدقتني بلي أنا نحبك برسمي موش يمكن
أنا:حسام أما انا لاانا نعتبرك ما كل شيء أما موش صاحب و...
حسام:تحب حد أخر
أنا هبطت راسي وتنهدت:ايه حسام مزلت مكملتش كلامي وهو فز وخلاني ومشا وقتها حسيت روحي رتحت نوعا ما أما نحبوش
يقعد ميحكيش معايا وهو معملش معيا الخايب انا نحب نكسبو ونستحفظ عليه كيف ماهوا حماني صحيح مقعدناش برشا أما معزتو عندي كبيرة المفيد
كملت الساعة هذيكا وانا نغزر لصاحبتي وطفل الي نعشقو يتمعشقووو وانا ساكتة ضربة سونوري متع الحداش دخلنا نقراو وحسام لتو مجاش بديت نلوم في روحي ونعاود ونور وادريس وريا بلاصتو حذيا فارغة حتى دق الباب هزيت راسي نلقاه هوا دخل عطا بيى دو روتار وجاء من شيريتنا مشا فيبالي بش يقعد حذيا ياخي جبد بيا وكمل في طويل وقعد في أخر طاولة وحدوو قلت ميسالش تلقاه مزال مبردشي شويا و
عيطتلي نور درتلها:شبيك!؟؟
نور: ياخي متعاركة انتي وحسام؟؟
أنا:لا
نور:ملا
أنا:قصيناها وقتها تكلم إدريس وتحسوو فرحان بش يموت اصل
ادريس: وقتاه!وعلاه؟؟ غزرتلو انا ونور مستعربين ياخي فاق بروحوو طبس راسو:يعني خاطر صباح مع بعصكم.
عاودت درت وشديت قلم وبديت نخنتب ونخربش على طاولة هكي هي الطريقة الوحيدة الي ترتحني من التوتر الي انا فيه
أنت تقرأ
كرونيك بعنوان :الحب❤ في سن المراهقة💕💓باللهجة التونسية
Romanceكثيرا ما نسمع عن قصص الحب و نرى هذه القصص أمامنا و كثيرا ما نسمع عن الخيانة الخ ... وأصبح نادرا جدا ان ترى مراهقا لا يعيش قصة حب وأصبح يقسم مشكلة وحل مليء بهذه القصص التي لا تنتهي. واصبح الكبار والصغار يعيشون في هذه الحالة و أكثر البنات المراهقات و...
