كرونيك بعنوان :الحب❤ في سن المراهقة💕💓باللهجة التونسية

الحلقة الثالثة

جات نصف النهار روحت فطرت رتحت شويا وبعد رجعت ودخلت طول للكلاس منلقا حد حطيت الكيت وغمضت عينيا وقعدت شويا وبداو تلامذة يدخلو حسيت شكون قعد حذيا مشا قيبالي نور محبيتش نحل عينبا بش ماتكسرليش رأسي بحديثها لين سمعت السونوري ضربت نحيت الكيت وسكرت الغناء ودرت و شهقت نلقا إدريس قاعد حذيا إستغربت نلقا حسام ونور وريا
أنا:من وقتاه انتي لنا ؟؟
إدريس: ملي إنتي تسمع في فهمي رياحي غناية يابايعتني
أنا:"اا هيا باهي
إدريس: ماكش بش تعرفني على روحك هوا قال أككا ودخل الأستاذ وهذا ظاهر عليه صعيب ضرب عالطاولة سكتو الكل بدأ يفسر ويحكي لين قربلي إدريس ووشوشلي في وذني:أنا إدرييس وإنتي؟
أنا:وأنا تنسيم
إدريس: نتشرفو يلا تنسيم ومحلاه إسمك ضحكت وكملنا قرينا وخرجت.
تعدات جمعة على هكا نهار وعلاقتي بيه كل يوم بدات تتحسن وبديت كل يوم نحبو لين جاني نهار
وجهو مايتفسرشي قلي: حاجتي بيك في موضوع مهم
وأنا كي دغفة فرحت مشيا فيبالي بش يستعرفلي
ياخي صدمني و فليي بكل برودة دم: حسام عجبتو ويحب يصوحبك حسيت سطل ثلج وتصب أعليا كونش أعليه حد جاء وأعطاني كق ضحكت:ههه تفدلك؟؟؟
إدريس نحكي بالرسمي حسام يحبك وبعثني ليك وأنا بصيفتي خوه وعشيروو جيتك
تصدمت هبطت رأسي:نخمم ونقلك مشيت روحت وخليتو أصلا معنديش جهد بش نكمل باقي النهار روحت لدار دخلت البيتي دوب ماشديت فرشي بديت نبكي يعني العبد الي نحبو يجي يركحني لصاحبو قعدت نخمم نخمم لين خذاتني عيني وما فزيت كان على صوت أمي قزتني: شبيك بنتي روحت!!!
تنسيم: كرشي وجعتني هكا علاه أمي بالله خليني نرقد سكر الباب والشباك أمي
ما:باهي باهي أرقدي على روحك سكرت الضوء والشبابك والبيبان وخرجت هيا سكرت الباب وأنا عاودت ترشقت بالبكاء وقعدت نخمم تو هوا يحبني!!! لا لا لا ياتنسيم كان جاء يحبك راهووو غار أعليك الا راهو قالو راني نحبها والا راهوا مجانيش أصل ضحكت بقهرة هذا الي كنت عاقدت فيه النوار.