تعدات مديدة و انا و حسام ولينا كيف الأخوة و ادريس طايرتلوو منها عالأخر حتى نور ولات تحكيلي تقلي راهوو من اول ما صوحبتوو و هوا ڨينيا سكوتي و رايض و انا نسمع و ساكتة بعد جاتني قتلي راني قصيتها انا و اياه اما اتفاهمنا بش نقعدوو صحاب انا وقتها فرحة فرحة موش عادية قريب نزغرط اصل اما سكتت زيد هوا المدة هاذي ديما يجيني يسألني شبينا قصيناها انا و حسام و انا نقلوو هكا خير لين مرة كلمتني ماما لعشرة و نحن عنا ساعة ليبر قتلي الي جاتها خدمة مستعجلة متع جمعة كاكا في ولاية أخري خارج بنزرت و الي هيا هزتلي دبشي لدار جدي بش نقعد غادي حتى تروح هيا وافقتها طمنتها بعد طرح متع "رد بالك هكا رد بالك تعمل هكا رد بالك تمشي هكا " و علقت التاليفون و رجعت قعدت مع شلتي الي هوما ادريس و نور و وخي حسام لين وفات الساعة رجعنا قرينا و كملنا جات نصف النهار لميت دبشي و جيت مروحة في الثنية ياخي عيطلي شكون درت نلقاه ادريس : وين ماشية منا !!
انا : ماشيا لدار جدي لمدة هاذي
ادريس : و وين يسكن جدك !؟
انا : وين الجردة الي يكورو فيها بحذا ليسى الحبيب ثامر
ادريس : ااا ايه هاك حذاياا هيا مالا مدامك في ثنيتي
انا : باهي
قعدنا نمشيو نحكيووو و نضحك على طول صوتنا و الي يتعدا يقول علينا مهابيل يمكن اول مرة نرا الوجه الفدلاك عند ادريس مستانس ديما ساكة حاصيلوو وصلت قدام دار جدي وقفت : انا وصلت
ادريس : ااا ياخي الحاج صالح جدك !!
انا : ايه هاك تعرفوو
ادريس : بالطبيعة نعرفو ميفلقللنا الكرة كان هوا 😂😂😂
انا : هههه تستاهلوو و توه طير خير ما يخرج يفلقك انتي بكلك
ادريس : باهي و نتعدالك 14:00 ؟؟ انا : ايه باهي تعدالي باي و دخلت و انا فرحة في قلبي قد الدنيا و ما فيها.
أنت تقرأ
كرونيك بعنوان :الحب❤ في سن المراهقة💕💓باللهجة التونسية
Romanceكثيرا ما نسمع عن قصص الحب و نرى هذه القصص أمامنا و كثيرا ما نسمع عن الخيانة الخ ... وأصبح نادرا جدا ان ترى مراهقا لا يعيش قصة حب وأصبح يقسم مشكلة وحل مليء بهذه القصص التي لا تنتهي. واصبح الكبار والصغار يعيشون في هذه الحالة و أكثر البنات المراهقات و...