طلع دفلة مرة. كملت رقدت وماقمت كان غدوة الحي بدلت دبشي كيف العادة هبطت مفطرتش خاطر معينيش هزتني أمي بالكرهبة خذاتلي بيي
وروحت أنا داخلة و جاتني نور تجري عنقتني تضحك وتعاود بعد بعدت وقوتلي وهي تحكي بالقوي: صوحبت إدريس
وقتها كونش عليها سكبنة وتغرست في قلبي ضحكت:شكون إدريس؟؟
نور: إدريس لحكيري الي يقرأ معانا لبارح لعشية قلي تصوحبيني وأنا قتلو أي
أنا:مبروك يا عزيزتي أنا مازلت نكمل وهو جاء مع حسام يغزرلي وعينيه ذابلة أما موش بش تكون قدي أنا وقفة هو على يسار نور وحسام على يمينها بعد دارلي حسام وقلي:تنسيم شقلتي في هكا الموضوع ؟؟وقتها غزرت لإدريس وفي عينيا برشا لوم أما غزرة معناها متسلفة مردودة وعاودت دورت لحسام: ااا أيه موافقة وقتها هوا طار بالفرحة دار يعيط و ينقز وبعد جاء عنقني ومن وقتها العباد الكل تعرفني صاحبة حسام الفرشيشي شدني من إيدي ودخلنا للكلاس قعدنا أنا وحسام ورانا نور وإدريس كملنا قرينا وانا كل مرة ندور ونحكي مع نور ومنغزرلوش حتى مع اني نحب ندور نعنقو أما
منجمش كرامتي متسمحليش خرجنا للكور قعدنا حتى لين جانا القيم قلنا إلي البروف ماجاش الساعة هاذي هزينا روحنا ومشينا ندورو بعد قعدنا في جردت (الحبيب بوقطفة)
إلي مقابلة الإقليم نحكيو وانا سارحة في عالم أخر حتى باسني حسام من خدي: فز يا عينيا وين سارحة!!
أنا:اا لا شيء كاكا درت نلقى ادريس عينيه حمر جمرا الشر يتناطر منهم وأنا ماني بهيمة مفهمتش علاه بعد تذكرت حسام كيف باسني ضحكت وقمت
هزيت تاليفون نلقا امبي كلمتها وعلمتها ورجعت قعدت حتى وفات الساعة ورجعنا نقراو.
أنت تقرأ
كرونيك بعنوان :الحب❤ في سن المراهقة💕💓باللهجة التونسية
Storie d'amoreكثيرا ما نسمع عن قصص الحب و نرى هذه القصص أمامنا و كثيرا ما نسمع عن الخيانة الخ ... وأصبح نادرا جدا ان ترى مراهقا لا يعيش قصة حب وأصبح يقسم مشكلة وحل مليء بهذه القصص التي لا تنتهي. واصبح الكبار والصغار يعيشون في هذه الحالة و أكثر البنات المراهقات و...
