كرونيك بعنوان :الحب❤ في سن المراهقة💕💓باللهجة التونسية

الحلقة الثامنة

تعداو خمسة أيام و انا و ادريس كل مرة قاعدين نزيدوو نوليو صحاب يتعدالي ثمنية و نروحو نصف النهار نرجعوو ساعتين و نروحو ستة و نحن الضحكة متفارقش وجوهنا حسام مقال شيء علينا حتى نور زاده خاطر نحن الأربعة بالذات ولينا معروفين بصحبتنا في الكولاج .
اليوم نهار الأحد بعدوو تجي عطلة جمعة بش نريفزوو فيها بعد اسبوع مفتوح و اسبوع مغلق (semaine bloqué) قمت الصباح ريڨلت روحي فطرت و قعدت نكونكتي لين قصت عليا ال3G مشيت مديت فلوس لبست جيلية و خرجت اصل موش بعيد لعطار على الدار شريت تيكا و روحت و انا مروحت ريت ادريس يكور و هوا دار سلم عليا و انا عملت روحي مريتوش و كملت مشيت لين وصلت صبيت و كملت و قعدت حكاية ساعة و دق الباب حليت لقيتها إيناس بنت حومة جدي نعرفها ملي نحن صغار ديما كنا نلعبو مع بعضنا كيف كنت نجي لنا اما توا كبرنا و نسيت اللعب سلمت عليها عنقتها و دخلنا قعدنا ناكلو في القلوب و نهروو
انا ؛ وين حيك ها طفلة معادش نراووك
إيناس : هه انا هاني لنا اما انتي وينك معادش تجي ؟
انا : ماني حولت مالكولاج و جوجمة أخرى و عملت صحاب جدد كان ترى محلاهم
إيناس ؛ و انا هذاكا علاه جيتك
انا : مفهمتكشي !!
إيناس : برجولية ادريس بعثني بش ناخو نمروك حاشتوو بيك
انا : ادريس الحكيري ؟؟؟
إيناس : ايه هذاكا خويا يا للا و كيف ريتك انا هكا المرة و سلمت عليك هوا راني وقلي منين تعرفها ياخي كيف قتلو الي نعرفك من قبل و بكري جاني قلي برا خوذلي نومروها حاشتي بيها أكيد
انا : اوووه و شبيني مفيباليش ! باهي المفيد هاو نومرويا قيد 28****96 قامت باستني و مشات و انا كملت حكيت انا و حسام على الفيسبوك و مشيت فطرت بعد بدلت دبشي و جات امي روحت بيا وصلنا للدار بدلت دبشي قعدت حكيت شويا انا و ماما حكاتلي شعملت و وين مشات و شخدمت و انا حكيتلها شويا على لقرايا و على أساتذة و على حسام و نور و ادريس و كيفاه حسام ولا خويا و يحمي فيا و كل شيء و هيا عجبها الموضوع وقتلي مدامو. عامل معاك الخير و عاجبينك صحابك تو نستدعاوهم نهار عالفطور فالعطلة ياخي فرحت و قمت بستها و مشيت طول قتلو و سكرت التاليفون شويا و ڨبرا في يدي حليت نلقاه ميساج من عند نومروو موش مقيد عندي بديت نقرا و انا مستغربة