روحت قعدت شويا رتحت بعد كلمت حسام بش يجيني قلت لأمي حظرتلنا شويا حاجات لين جاء و مازال متغشش عليا قعدنا في الجردة و حسام يقلي كلمة و قص لين معادش نجم برودة دمو
انا :حسام ياخي مازلت متغشش من الصباح !!
حسام : و علاش بش نتغشش !! اصلا هيا حكاية تافهة على الأخر موش هكا !!! تنسيم هذي راهي حكاية حياة او موت و انتي قاعدة تستهزأ بيها
تنسيم : حسام هاذي حياتي
حسام : حياتك اما نحن فيها كان عينيك راك مدخلتناش ليها زعما ادريس كيف بش يعرف بش تقلو حياتي
تنسيم : شوف ادريس ماهوش بش يعرف حتى شيء حسام باهي !!!
حسام : ........
تنسيم : حسام ادريس و نور متحكيلهم شيء عيش خويا نمب حتى كيف نموت نموت مرتاحة
حسام : اما انتي ماكش بش تموت انتي بش تعيش و بش تمرجني و تجنني و تحضر في عرسي و على صغاري تسمع فيا و لا لا و يا ويلك يا تنسيم كان تحاول تموت و الله لا نسامحك خاطر انتي الي دخلت لحياتي و توا متنجمش تخرج منها مكانش و الله نمشي نقول لادريس باهي !! تنسيم : حسام ربي يعمل دليل و حتى كان انا قررت نعمل لعملية حتى حد ما هو بش يعرف باهي !!
حسام : باهي و توا معادش بكري عليا لازمني نمشي قام مشى شويا بعد رجع باسني من رأسي و خرج اما انا قعدت نبكي لين طلبني ادريس هزيت قعدنا نحكيوو شويا بعد قمت رقدت
نهار الاثنين فزيت الصباح لبست سروال دجين مقطع في الركبة مريول روج سبادري روج ساك نوار و خرجت منغير ما نفطر خاطر معينيش انا حليت الباب و عرضني راجل واقف من شيرة الكياس الأخرى يغزرلي استغربت بعد سكرت الباب و ركبة في الكرهبة و هزتني أمي للكولاج دخلت عديت الدفوار و خرجت اول عباد ربي روحت طول للدار و انا مروحة عرضني نفس الراجل هزيتوو و حطيتوو و دخلت رقدت نفس السيستام ثلاثة أيام ادريس يطلبني منهزش يبعث ميساجات منجاوبش نمشي أخر عباد ربي و نروح أولهم نتجنب فيه نحب نبعدوو عليا بش ميحزنش عليا كان صارتلي حاجة ميحسش لين نهار خرجت نلقاه خرج قبلي و قاعد يستنى فيا هبطت سلمت عليه و قعدنا قدام الكولاج و هوا يسأل و انا نجاوب كلمة و قص
ادريس : شبيك متهزش كيف نطلبك !؟؟ انا : ساعات منسمعوش
ادريس : و كيف تلقا ابال علاش متعاودش تتكلم !!
انا : معنديش فلوس
ادريس : و الميساجات فيسبوك ؟؟
أنا : معادش نحلوو
ادريس : و ....
هوا مزال يطلب جبدت التاليفون من جيبي نلقاه حسام و انا مقيدتوو : عينيا
غزرلي و ڨحرلي بعد قلي : توا فهمت كان قتلي ماللول راني فهمتك أيا بالسلامة و ان شاء الله معرفة طيبة.
ك
أنت تقرأ
كرونيك بعنوان :الحب❤ في سن المراهقة💕💓باللهجة التونسية
Romanceكثيرا ما نسمع عن قصص الحب و نرى هذه القصص أمامنا و كثيرا ما نسمع عن الخيانة الخ ... وأصبح نادرا جدا ان ترى مراهقا لا يعيش قصة حب وأصبح يقسم مشكلة وحل مليء بهذه القصص التي لا تنتهي. واصبح الكبار والصغار يعيشون في هذه الحالة و أكثر البنات المراهقات و...
