كنت راقدة و كنت نحلم بنفس الحلم نع هاذيك الخطرة مي هاذي المرة هو لي طرشني بالماء قالي :نوضي تحوسي يما تلقاك هكا امبعد تفهم النقص و تزوجني بيك بالسيف قتلو: على اساس انا راني ميتة على زواج بيك ... قرب ليا و قالي :واش قلتي ... انا تعقنت زاد قرب ليا قالي :مسمعتكش عاودي .... اااه قلبي راح يحبس خلاص باسني في خدي و قالي: نوضي نوضي كشما ندير فيك ضكا نحصل فيك امبعد اوووووف عطيتو ضربة بالمخدة و هربت نجري لقيتهم يشربو قهوة غمزتلي سوسن قاتلي: واش حلاتلك الرقدة عندنا قلتلها :ايه والله مخايدكم تقول تع ريش منين شريتيهم طاطا سامية .... جا سامي قالي: لحبيتي قوليلي برك نشريلك منهم و غمزلي........ يااااامااااميييي على قلبي راه يفيبري قاتلي: والله غير لمخايد شريناهم انا و ماماك كيف كيف ..... علاه يعني علاه تبخصي فيا يا طاطا سامية قلتلهم انا نروح لدارنا ندير لميناج لماما و هربت من عندهم وهوما يضحكو .... ههه تفو عليهم غير على سامي حبيبي لالا....
كي وصلت لدارنا شدتني ماما في قرنية و قاتلي: اسمعي راهم جايينك الخطابة ليوم ازربي روحي وجدي الدار ... ياااااا حوجي و يسمع سامي ... قلتها :علاه راهم مزروبين هكذا راح نهرب قاتلي :بلعي فمك وروحي وجدي روحك ... اوووووف واشنو هاذ الحصلة لي حصلت روحي فيها لازم ندير كاش عفسة باش يهربو هههه ..... درت لميناج و سكرت شومبرا و رحت لبست جبة تع ماما من عام جدي حايلة و مقطعة كامل هههه و جايتني ميني على خاطر ماما قصيرة ههه شعري شعشعتو و المكياج يا خاوتي وليت كلون ياودي رجعت روحي مننشافش سمعت الباب صونا قلت جاو خرجت نجري نقابلهم بالمظهر الجميل و الخلااااب مي دوووماااج مكانوش هوما كان خويا متزوج اسمو سمير و مرتو اللفعة فكروني في اسمها ايوه سارة ...
قاتلي :اخاه راح تقابلي الناس هكدا زعما تهدر الجيروا و هي جامي خرجت حدود لمسيلة هههه قتلها: لالا هاذا سبيسيال ليك تخنزرت فيا ماما هههه قاتلي: هيا انا نشبح لختي نردك بوقوصة موااااح يااااااع توجعلي قلبي هاذ المخلوقة ... لمهم لبستلي و مكياتلي وليت زلة و جاو لخطابة وانا طايحلي مورال للارض كنت نتفكر في ليلتي مع سامي و لوكان يسمع واش يدير .... قلت نقول لعريس بلي نحب وحدوخر و يصرا واش يصرا ... جا لوقت باش نتقابلو انا وياه .... ياااااه هاذا شيفاتو مع سامي واقيلا صحبو لنتيم ايا مليح سهل عليا الحالة .... رحت قعدت معاه مخليتو يهدر حتى كلمة ... قتلو: يخي تعرف سامي قالي: ايه انا صحبو ... قتلو: شوف انا نحب سامي و نعشقو و ماني حابة نعيش مع حتى واحد من غيروووو .. هو ردت فعل تاعو كانت باردة ناض يضحك و قالي كلام خلاني نجمد في بلاستي :مالا دارها صح نستعرف بيه قتلو: واش دار مفهمتش ؟؟؟!!!قالي: تشفاي نهار بلوكيتيه مل فايس و جرا موراك ف لافاك و قالك تخلصيها غالية هههههه راكي بديتي تخلصي فيها ولا نقولك خلاص خلصتيها صايي قتلو: تعيش فهمني مفهمتش قالي: موراها جا ليا و قالي نخليها طيح فيا و تولي تحبني و تولي تجري مورايا كي الكلبة امبعد ندي واش نحتاج ونرميها كي خواتاتها باش تتربا و متزيدش تلعب بالنار و على حساب واش هدرتي راه دار واش قال سما كسرك ... انا ما عندي ما ندير بوحدة قح..... اصلا كون عرفت بلي نتي لي راح تخطبك يما ... منجيش اصلا قالي: سلام و خرج ....
انا قعدت مشوكيا ملقيت ما نقول زعما يكون صح ... هاذا صحبو لنتيم وراه حكالو كلش سما صح دارها طحااااان حيوااااااان دارها صح جيت خارجة حتى نصيب مرت خويا تتسمع قاتلي:هاذا كامل يخرج منك يا العدارية ااااااااا.... امبعد راحت ...يا ربي مصيبة مور مصيبة ياااا ربي واش ندييييييييييييييييييير........ في ميزكم صح سامي لعب عليها؟؟؟؟ واذا سامي صح يحبها علاش صحبو قالها هكاك ؟؟؟؟؟وواش راح يصرا في البات الجاي انتظروني ؟؟؟ راح يكون بارت مليء بالمفاجات...
انتهى البارت8
الى الملتقى انشالله مع البارت9
فوت+كومونت بليييز لوف يو
بااااي
أنت تقرأ
❤️💕مغتصبي 💕❤️ ( كرونيك باللهجة الجزائرية )
Short Story❤️سلام لبنات جبتلكم ليوم رواية جديدة هي ماشي تاعي و حبيت نشاركها معاكم باش لي مقراهاش يقراها معايا و عندي بصح حبيت نقول بلي كاين بزاف صوالح زدتهم و كاين لي نقصتهم و بدلت تاني يعني درت فيها لمساتي السحرية ههههه يعني مدرتش كوبي كولي و تاني انا درتلها...
