يا ربي مصيبة مور مصيبة رحت ديراكت لحقتها و قلتلها: الله يسترك استري عليا الله يعيشك اصبري دوك نفهمك والله ما هاذيك لحكاية فهمتي غالط راحت تجري مامبا مسمعتنيش راحت لخويا و حكاتلو كلش واش سمعت بالباء و التاء ... خويا رفد الموس وراح يذبحني بلا ميسمع مني كلمة ومرتو ما شداتو ما والو قاتلو: تستاهل حتى جات ماما تجري بعداتو عليا و انا هربت لشمبرتي قاعدة نبكي و ندعي في ربي وهو يخبط الباب يكفر ويسب و يقولي: ليوم نقتلك ليوم نتهنى من يا قح....
ياخاااه لي راه صاري فيا كامل بسبتو واش درتلو حتى يدير فيا هاذ شي يا ربي يخي طلبت منو السماح علاه يا سامي علاااااااااااااااااه و خويا قاعد يقولي :شكون ساااامي؟؟؟؟ شكون هذا نروح نقتلو هو ثاني محبيتش نقول معلاباليش علاه مطاوعنيش قلبي قعدت في شمبرتي... نخرج منها غير كي يخرجو خاوتي مع لي زاد سمع خويا لاخر زاد هبل مي هاذا جاب شاقور ماشي موس ههههه يحوس يقطعني طراف طراف هذاك يذبح وهذا يقطع مزال مجاش غير لي يسلخ ... حتى ماما شكت فيا و قاتلي: امشي نروحو لطبيبة ...عنها الحق تشك فيا... رحنا لطبيبة انا و ماما و خاوتي و مام هاذيك اللفعة ... قالتلهم :الطبيبة راهي لاباس بيها و مازالت عذراء ... رحنا لدار قعدت نخزر فروحي فلمرايا و نبكي حتى شفت سيكاتريس تع الفومبير تع خويا .... كنت قاعدة حتى نسمع في ماما تعيط على خويا لكبير و تقولو :كون قتلتها ظلم اااا علااااااه مسمعتوش قبل علاااااااه
وانا قاعدة ونبكي نحاولي تيليفون و البيسي قعدت 10 ايام و انا في ذيك الحالة مسكرة الشمبرة على روحي جاتني سوسن شحال من خطرة و محبيتش نحكي معاها دخلت في حالة اكتئاب ... لحقو الكونترولات وانا غير قرايتي منسمحش فيها كي يكون واش يكون نضت صباح رايحة لافاك بسيف باش خلاني نروح الافندي تع خويا لكبيرو عزرين لاخر المتوسط ... انا غير خرجت لقيت هاذاك لي ميتسماش يستنا غير شافني جا راح يعنقني ... ضربتو بكف و قتلو: روح لعبها على وحدوخرين ماشي عليا انا سمعت و مذا بيك خليقتك منزيدش نشوفها فهمت و لا لالا؟..... هو شاد خدو و ماراهو فاهم والو و انا لي كرهت روحي بسبتو كي حبيتو صح من قلبي ... لحقت لافاك دخلت قريت و كي كملت خرجت من كلاسة حتى نلقاه مقابلني ... يخي حالة يخي واش يحوس ضكا من عندي يخي خلاص دار شي لي في بالو....
درت روحي مشفتوش و كملت نمشي حكمني من يدي قالي: ارواحي نحكي معاك ... جبدت يدي و قتلو: هاذي لولا و تالية تزيد تمسني سمعت و شكون نتا اصلا باش نحكي معاك يخي بردت قلبك ضكا انتقمت وانا سلكتها غالية ضك واش تسحق ااا قول؟؟؟ قالي: والله ماهي كيما فاهمتها يا اسماء و الله غير نحبك ... قتلو :مازلت تكمل في اللعبة تاعك اا تحوسني نلحق للجبانة باش يبرد قلبك قتلو :انت حيوااااان رخيييييص مراكش راجل خلاص روح اخطيني متزيدش دور بساحتي ولا والله غير نقول لخويا بلي نتا سامي يجي يقتلك ويوريلك قيمتك و نتهنا منك .... خماج يخي... لحقت لدار رحت قبالة لشمبرتي ماني نهدر مع حتى واحد جبدت نريفيزي الامتحانات جات ماما مدتلي تيليفوني و البيسي ... فتحت فايس لقيتو باعث بزاف لي ميساج مقريتهمش رحت قبالة بلوكيتو خلاص لازم نمحيه من بالي ميستهلش مامبا نخمم فيه كلش كلش الا كرامتي....
حتى لابوس و كسرتها و شريت وحدة جديدة و قطعت صحبة تاعي مع سوسن وليت دارهم مندخلهاش كامل محيت اي حاجة تربطني بيه ولتيت غير بقرايتي وبس و كنت كل ما نروح لافاك نلقاه يستنى فيا و يحلل باش نهدر معاه و نوليلو .... ايه واش راه حاسب روحو كي يقعد غير هو منرجعلوش رخيص .... ايا وحد نهار خرجت كنت رايحة لافاك امبعد حسيت روحي بديت نثقال و دخت مع جابتني الفطنة حتى نشوف روحي فوحد الدار مهجورة في وسط الغابة مربوطة و مكان حتى واحد يا ربي واش جابني هنا... حتى نشوف في واحد جاي قاعدة نعيطلو باش يسلكني حتى نشوفو جاي يمشي عادي بدا يقرب يقرب حتى نشوفو ساااااامي :علااااااه راك ديلي هكذا علاه مكفاش خاوتي حوسو يذبحوني تحوسني نتا نموت و علاه يعني حرااام عليك.....
قالي :انتي لي خليتني ندير هكا محبيتيش تسمعيني و قطعتي كلش بيناتنا ... يا اسماااء والله غير نحبك و نعشق فيك صح ايه كنت معول نلعب بيك هاذيك اللعبة بصح طحت فيك ووليت انا نجري موراك كي كلب نتي مراكيش مقيمتني واش حسبالك نخليك تروحي لغيري هاذي غير نسايها و صاحبي هاذاك نهار كي قالك هكاك لاخطرش رفضتيه وحرقتيه باش نتفرقو انا وياك قالك كلام قلتو لو في لول بصح مقالكش كي قتلو حبيتك و راني ناويك لحلال و هو زاد كمل حرشك كي عجبتيه و محسبتيه و حبيتيني انا ....قتلو :اوكي صحا بصح كي خطفتني علاه؟؟ ضك يحوسو عليا دارنا ويلقاوني و يدوك للحبس وتطفر غير فيك ... قالي :لالا ضك نرجعك في الوقت لي تخرجي فيه من لافاك .... قتلو: مالا علاش خطفتني ؟؟؟ متقوليش لي راه في بالي ؟؟؟؟ قالي: باش نضمن بلي نتيا تاعي صح و راح تبقاي ليا و ميديك حتى واحد من غيري اسمحيلي اسماء بصح والله غير غدوا نجي نخطبك غدوا نجي اسماء ... قتلو: تعيش ارواح بلا ما تمسني والله غير نقبل بيك والله ... قالي: انتي راكي كارهتني و مستحيل تقبلي بيا راكي تحشيلي برك .... و بدا يقرب ليا و ينحي في حوايجو وانا نبكي ونعيط يا سااااااامي الله يعيشك علاه راك ديلي هكا ساااااااااميييييييييييييي.......
انتهى بارت9
الى الملتقى انشالله في البات10
فوت+كومونت لوف يو
أنت تقرأ
❤️💕مغتصبي 💕❤️ ( كرونيك باللهجة الجزائرية )
Short Story❤️سلام لبنات جبتلكم ليوم رواية جديدة هي ماشي تاعي و حبيت نشاركها معاكم باش لي مقراهاش يقراها معايا و عندي بصح حبيت نقول بلي كاين بزاف صوالح زدتهم و كاين لي نقصتهم و بدلت تاني يعني درت فيها لمساتي السحرية ههههه يعني مدرتش كوبي كولي و تاني انا درتلها...
