كنت قاعدة نستنى في سامي يجي يديني كيما تفاهمنا حتى جات ليا وحد الطفلة مشعشة الله يشعشع يماتها هههه .. قاتلي :اسمعي يا وسمك سامي تاعي فهمتي ولا لالا قتلها :علاه مكتوب على اسمك ولا واش قاتلي :روحي شوفي روحك في لمرايا متشبهي لوالو كافيا على روحك راكي مامنة بلي يحبك واحد كيما سامي هااا في منامك قاتلي: يقضي صلاحو بيك و يرميك انا من الهدرة التالية لي قالتها مقدرتش نشد روحي كثر و نسوطي عليها قتلتها بالضرب شعرها نتفتهولها و نسلتولها خليت فيه غير2 شعرات ههه مسحت بيها الارض ... قاعدة نشعشع فيها ونقلها :انا كافيا ارواحي لهنا نوريلك واش دير فيك كافيا ااااه...
وهي تعيط و تندب حتى نشوف في سامي جاي يجري جا يبعد فيا عليها وانا محبيتش لصقت فيها كي القملة ههه في الشعر هو يجبد وانا نزيد نلسق حتى جاو لابوليس تع لافاك قالي سامي :اجري اجري جاو لابوليس انا غير سمعت كلمت لابوليس طلقتها و سامي شدني من يدي و بدينا في جري سباق الطويل هو توفيق مخلوفي وانا حسيبة بومرقة هههه علابالي راكم تقولو حياتي كامل جري ههه واش ندير يجوني غير لمصايب لي فيهم الجري ... هربنالهم و خلينا الطفلة مخبشة تقول خبشتها كلبة مكلوبة تستاهل جاية تتقوعر عليا راني وريتلها شكون كافيا ...
ركبنا الطونوبيل حتى طرطقنا في زوج بالضحك قالي :بصح بسلامتك سوطيتي عليها كي البقرة ههه... كسرتيلها ضلوعها مسكينة هه قتلو: وانت جاي تجري و تتعافر مع سروالك متعرفش دير السبتة كي الناس قتلو: كون مرفدتوش كون راه بان البوكسور لي راك لابسو لي فيه قلوبة حمورا هههه و مجيت تلحق حتى برد فيا دم و كملت شعشعتها هههه و قعدنا نضحكو حتا وصلنا لدار قالي :امبعد نهدرو في الفايس قتلو: اوكي جيت خارجة حتى قالي: اسماء خزرت فيه وقتلو: واشن ؟؟؟ قالي :والو والو خلاص روحي ....رحت دخلت لشمبرتي رحت خزرت روحي فلمرايا حتى تفكرت هدرت هاذيك الطفلة صح شفت روحي فلمرايا نبان طفلة عادية نلبس عادي كيفاش يحبني واحد كيما سامي صح هو زواخ ونسونجي وحاسب روحو بصح شباب و مرفه و حطا و انتيك سورتو معايا قلت لازم نتهلا في روحي علا جالو حتى جات في بالي سوسن مابانتش ليوم كامل عيطتلها لقيت صوتها ميعجبش كامل قلتلها: وشبيك سوسن غير لخير؟؟؟؟....قاتلي: الا راكي فدار نجي ليك ؟؟ قلتلها :ايه ارواحي اني نستنا فيك و كوبيت وحد 5دقايق جات دخلنا لشمبرتي حتى طرطقت بلبكا قلتلها: سوسن يا عمري وشبيك احكيلي؟؟.. قاتلي :اغتصبني يا اسماء اغتصبني......................في رايكم زعما شكون لي اغتصب سوسن؟؟؟؟؟
انتهى البارت 5
الى الملتقى انشالله مع البارت6
فوت+كومونت لوف يو
باااي
أنت تقرأ
❤️💕مغتصبي 💕❤️ ( كرونيك باللهجة الجزائرية )
Short Story❤️سلام لبنات جبتلكم ليوم رواية جديدة هي ماشي تاعي و حبيت نشاركها معاكم باش لي مقراهاش يقراها معايا و عندي بصح حبيت نقول بلي كاين بزاف صوالح زدتهم و كاين لي نقصتهم و بدلت تاني يعني درت فيها لمساتي السحرية ههههه يعني مدرتش كوبي كولي و تاني انا درتلها...
