❤️💕مغتصبي 💕❤️ ( كرونيك باللهجة الجزائرية )

*نهاية*

طليت من الباب حتى صبت سامي يقصر مع وحد القاورية ..... خرجت ليهم و نسوطي عليها و بديت نسب فيها يا وحد الكافرة يا فاجرة قتلو: ترجملها واش راني نقول ياله ... وهو يجبد فيا و يقولي: خلي الطفلة وانا لصقت فيها حتى نسمع فيها تقولو: سيلتوبلي ..... وشنوووووو ... قتلو: قاتلي سليبي ....ههههه... وين راه سليبها واش راك دير بيه انت ... مدلها سليبها خلي جدها تروح و مباعد نتفاهمو ايا خف ... وهو ما لقا يضحك ما لقا يبكي طلقتها هربت تجري وانا نجري موراها ... عادت حليمة لي عادتها القديمة.... وليت حسيبة بومرقة ههههه....انا نجري موراها ونقولها :نمدلك سليبي والله غير شريتو جديد ....

امبعد وليت ليه هرب لشمبرة وسكر لباب قالي: اصبري نفهمك والله ما بيناتنا والووو .. قالي: هاذيك جات تسقسي كاشما نسحقو برك كنت راح نوجدلك سوربريز قلتلها جيب لورد وانتي سوطيتي عليها كنتي راح تقتليها ........ ياااااااا علاه مقتليش ... خليني ندخل تخليني نقعد برا ... هو غير فتح لباب هجمت عليه :... ايه و سليبي قلتلها جيبلي سليب ولا واش ...شدني ودناني للحيط و قالي :نموت عليك كي تغيري عليا ... جا راح يبوسني و نضربو للمنطقة الحساسة قتلو: هاذ اللعب متلعبوش معايا منا وجاي اوكي .... بصح غاضني مسكين ولا يمشي كي بطريق ههههه ... جوزنا شهر يهبل انا نرقد على سرير وهو فوق فوتاي امبعد عاودنا ولينا لدار .....

فرحت بينا طاطا سامية لي ولات عجوزتي بزاااف ... انا من تعب تع الطيارة رحت قبالة رقدت في شمبرتي لي هي شمبرة سامي لي ولات شمبرتنا هههه.... مع لي جابتني الفطنة لقيتو مساميني ومعنقني هههه ونعطيه بوحد الركلة نجيبو فالارض ... ناض مخلوع مسكين... قالي :والله غير عيب عليك صبرت عليك بزاف اسماء بزااف راني راجلك و نتي راكي دايرتني كي نشاف و دايما نقول بلاك مزالت تحبني راهي تتفشش برك مي ضك صايي عرفت بلي كرهتيني صح راني رايح و متزديش تشوفي خليقتي و ارقدي في السرير براحتك.... راح وانا قاعدة ناكل في روحي ندما صح والله غير مرقتها بزااف هاه هرب الراجل منك يا اسماء ضك يروح يشوف وحدة خير منك و يتزوجها هو الف وحدة تتمناه و انا منيش دايرتلو حساب يا ربي واش درت انااااا....

لحشية راحت طاطا سامية عند سوسن وباباه كان في رحلة عمل قعدت غير وحدي فدار ستكيت روحي دوشت ودرت وحد الجال دوش ريحتو تضرب من الحدود للحدود و لبست نويزات يهبلو جاية في بيض طويلة حتى تحت و مفتوحة من جانبين و مفتوحة عند السرة و جاية بروتال من فوق و ظهرها عريان و زدت بينوار تاعها ملفوق وبوكليت شعري و رفدتو شوية و درت مكياج سامبل و بغيولاف غوز و عمرت روحي ريحة و شمبرا ستيكيتها بالشموع والورد كلي ليلة عرسي ... رجعتها تهبل

امبعد عيطتلو قالي: واش تحوسي ؟؟؟... قتلو: ارواح نسحقك... قالي: منجيش ... قتلو: تعيش والله اخر مرة ارواح نحتاجك ... قالي: اني جاي .... طفيت ضواوي كامل هو كي جا شعل ضواوي حتى سمعني قتلو :غمض عينيك ... غمض عينيه امبعد زدت درت يدي على عينيه قالي: والله لوكان تكون هاذي ريحتك ليوم ناكلك....هههه سوفاج... لحقنا لشمبرا نحيت يدي و قتلو: شوف ضكا ... تشوكا سيد ونبهر من شومبرا كانت هكا: