الشايب

البارت الاول-(الجزء الثاني)

الشايب 2
البارت الاول

في ڤيلا سليم الغرباوي فريدة في المطبخ بتعمل الفطار ومعاها ريم
ريم:احلى حاجة يا فريدة أن كل جمعة بتحبي تجمعينا
فريدة ابتسمت:دي بقت عادة عندي يا ريم خلاص بقالي عشرين سنة متعودة على كدا
ريم ابتسمت:احلى عادة
فريدة:يلا خلصي قبل ما الرجالة ترجع من الصلاة
ريم:حاضر اهو...اومال فين جومانة ومليكة
فريدة:الاتنين فوق قاعدين سوا
ريم:مش ينزلوا يساعدونا
فريدة:عيال معندهمش دم
ريم ضحكت وهما الاتنين فضلوا يهزروا سوا
فوق في اوضة جومانة مليكة و جومانة قاعدين سوا
مليكة:طب دلوقتي احنا هنتجوز امتى
جومانة:انا زهقت من السوال دا بصي بعد ما فهد ومالك يتجوزوا احنا هنتجوز
مليكة:اية رايك انا اتجوز مالك وأنتِ تتجوزي فهد
جومانة:فكرة حلو يا بت يا مليكة
مليكة بغرور:انا دايما بقول افكار حلوة
جومانة:أيوة ما انا عارفة....احنا كدا صلينا يلا بينا ننزل ناكل علشان جعانة
الاتنين نزلوا سوا ومليكة كانت داخلة بس جومانة مسكتها
مليكة:في أية
جومانة:احنا هنخض ماما وطنط جومانة
ملكية ضحكت:ماشي
الاتنين وقفو على جمب وفريدة ويم كانوا خارجين بالاكل وجومانة ومليكة خضوهم والاتنين صرخوا وهما ضحكه عليهم
ريم قلعت الشبشب:والله هوريكم
الاتنين طلعوا يجروا وريم وراهم
مليكة:والله دي فكرة جومانة
ريم:تعالي هنا يا جومانة
ريم جريت ورا جومانة وجومانة بتضحك وفجأة خبطت في سليم
سليم:في اية بتجروا كدا لية
فارس:ماسكة الشبشب لية كدا يا ريم
ريم:علشان اضرب جومانة
فارس:لية
ريم:خضتني
فارس ضحك:شاطرة يا بت يا جومانة
ريم:شكل الشبشب دا هيطير عليك يا فارس
فارس بخوف مصطنع:لا خلاص
ريم:أيوة كدا اتعدل
مالك ضحك:انت مسيطر اوي يا فارس
فارس بص لسليم:لم ابنك يا سليم
سليم ضحك:عارفين فارس من يوم ما اتجوز وهو مسيطر اقولهم اية اللي حصل بعد ما رجعت من شهر العسل انا وفريدة
فارس بسرعة:اية يا سليم انا زي صاحبك بردو
فهد ضحك:قول يا سليم
مالك:أيوة يا بابا اقول
سليم ضحك:هقول ماشي...بعد ما رجعت انا وفريدة من شهر العسل لقيت الباب بيخبط فتحت لقيت فارس لابس بيجامة البيت بقولوا في اية قالي ريم طردتني وبات معانا اليوم دا
الكل ضحك ما عدا فارس بص لسليم بتوعد
فارس:على فكرة انت صاحب مش جدع
سليم بضحك:عارف
الجرس رن وجومانة راحت تفتح الباب ولقت عايدة وعزيزة ومحسن والكل سلم على بعض وبعدين راحه السفرة علشان يفطروا سوا
عايدة:الله الفطار حلو يا فريدة
عزيزة:أنتِ كل الاكل حلو عندك لحد ما بقيتي قد البرميل
عايدة شهقت:انا برميل...وبعدين شوفوا مين بيتكلم دا أنتِ يا عزيزة عاملة زي الجاموسة
عزيزة:انا جاموسة
جومانة:بدأنا خناقة كل جمعة
محسن بزهق:خلاص بقا انتوا الاتنين مفيش مرة متتخانقوش
الاتنين ساكته والكل خلص فطار وقعدوا سوا
جومانة:مليكة تعالي نخرج النهاردة
مالك:تخرجوا فين
جومانة:وانت مالك
مالك بغضب:جومانة انا اخوكي الكبير يعني لما تيجي تكلميني تحترميني
جومانةزعقت:ما انت كل حاجة بتدخل فيها
مالك زعق:أيوة لازم ادخل مش اختي...وصوتك ميعلاش وأنتِ بتتكلمي معايا
سليم:براڤوا يلا كملوا خناق يا محترمين
الاتنين ساكته وسليم وقف بغضب وبصلهم
سليم بغضب:اول حاجة يا ست جومانة تتكلمي مع اخوكي باحترام دا اكبر منك وهو خايف عليكِ (بص لمالك)وانت يا استاذ متدخلش في حياة اختك انا لسة عايش لما اموت ابقى ادخل برحتك
الاتنين اتاسفوا لسليم واتاسفوا لبعض
فريدة:عايزة تخرجي فين يا جومانة
جومانة:اي مكان
ريم ابتسمت:خلاص خودي مليكة وروحوا أخرجه بس الاول استاذنه من سليم وفارس
الاتنين استاذنه من سليم وفارس والاتنين واققه وبعد كدا الاتنين خارجه
مالك بضيق:انا مش بحبهم يخرجه لوحدهم
سليم ابتسم:الاتنين كبروا يا مالك خلاص ولازم يعتمده على نفسهم
فارس:احنا مقدرين خوفك عليهم بس لازم فعلا يعتمدوا على نفسهم
مالك رفع أيده باستسلام:اللي تشوفه انا ماشي
فهد:استنى خدني معاك
مالك مشي هو وفهد والباقي قعد سوا
ريم:العيال دي زينا
فريدة:فعلا كل واحد زي حد مختلف
محسن:مليكة نسخة منك يا فريدة
سليم:وفهد نسخة من فارس
فارس:ومالك نسخة مني ومنك
ريم: وجومانة نسخة من الكل جومانة ميكس من الكل
عايدة:عندك حق بس الميزة أن هما كلهم ايد واحدة
سليم:ربنا يحفظهم
الكل في نفس واحد:امين
فارس:اية رايكم نخرج
سليم:فكرة حلوة
الكل عجبته الفكرة وكلهم لبسه وخرجه...جومانة في العربية وجنبها مليكة
مليكة:هنروح فين
جومانة بتفكير:مش عارفه...تيجي نروح الكافية اللي على النيل نقعد شوية وبعدين نشوف هنعمل اية
مليكة أبتسمت:ماشي
جومانة ومليكه راحوا الكافية....فهد ومالك واقفين سوا
فهد:هنعمل اية
مالك:انا عندي شغل
فهد:انت كل حياتك شغل يابني
مالك:لا طبعا بس انت عارف أن دا اول مشروع ليا لوحدي من غير ما بابا يساعدني
فهد:عارف بس النهاردة إجازة يا مالك
مالك:انا ورايا حاجات بسيطة هخلصها وهاجيلك ونخربها
فهد ضحك:إذا كان كدا ماشي
فهد مشي ومالك راح الكافية اللي متعود دايما يروح فيه وفضل يشتغل في المشروع بتاعه
جومانة ومليكه وصله الكافية وقعده سوا والجرسون راح ناحيتهم
مليكة:تشربي اية
جومانة:اممم قهوة
مليكة بصت للجرسون:اتنين قهوة لو سمحت
الجرسون:تمام يا فندم
الجرسون مشي وهما الاتنين فضله يرغوا سوا
مليكة:اية دا
جومانة:في اية
مليكة:فهد هنا
جومانة بصت وراها لقت فهد
جومانة:بيعمل اية هنا
مليكة:مش عارفه
فهد دخل الكافية وراح ناحية بنات وقعد معاهم
جومانة:اية دا دا قاعد مع بنات
مليكة:الحيوان دا انا هقول لبابا
جومانة: لا لا
مليكة:لية
جومانة بصتلها:على أساس يا مليكة لو عمو فارس عرف هيعمل حاجة... وبعدين بابا وعمو فارس عارفين أن مالك وفهد مقضينها
مليكة:طب هنعمل اية
جومانة:احنا هنراقبهم
مليكة ابتسمت وفهمت اللي في دماغ جومانة:ماشي
جومانة ومليكه قاموا وقعدوا بعيد عن فهد بس في نفس الوقت شايفينه

مالك قاعد في الكافية اللي بيشتغل فيه وفضل يشتغل كتير لحد ما تعب وطلب لنفسه قهوة وبعدين فتح الاب توب وهو بيقلب فيه حس أن في حد قاعد معا بص قدامه شاف بنت قاعدة في الكرسي اللي قدامه على نفس الترابيزة
مالك بصلها:في حاجة
البنت:عينك خضرا
مالك:نعم؟
البنت:وانا عيني بني كدا انا ضمنت لون عين عيالنا  هتبقى ملونة
مالك باستغراب:عيالنا!!
رائيكم
نروين عبدالمنصف