الشايب

البارت الرابع

الشايب٢
البارت الرابع

طارق:انا بحبك
جومانة:انت بتقول اية يا طارق انت اتجنتت!
طارق:لا يا جومانة متتجنتش انا بحبك من زمان اووي وكنت مستني الوقت المناسب انا هدخل البيت من بابه على فكرة بس عايز اعرف رايك
جومانة:انا مش بحبك يا طارق
طارق:بس
جومانة قاطعته بصرامة:مبسش ومتكلمش معايا في الموضوع والمرة دي مش هقول لمالك بس لو قولت كلام دا تاني هقولوا بعد اذنك
جومانة مشيت وطارق فضل قاعد وهو زعلان

هند:انا بحبك
فهد كان حاسس ان هند بتحبه بس اتصدم لما قالت كدا
فهد:بتحبيني!
هند:بحبك من واحنا في أيام الكلية يا فهد وكنت بحاول ابعد عنك بس مبقدرش والفترة دي قربنا من بعض اوي
فهد بصلها كتير وبعدين ابتسم: وانا كمان بجبك
هند فرحت: بجد يا فهد
فهد:أيوة
هند:اية الجمال دا بجد فرحانة اوي
فهد ابتسم:ربنا يقدرني وافرحك اكتر..تعالي اوصلك علشان اروح
هند بفرحة:ماشي

مالك:انا بحبك
داليدا فضلت متنحة شوية وبعدين ضحكت جامد
داليدا:بجد يا مالك بتحبني قول والله
مالك ضحك:هضحك عليكِ لية يعني
داليدا:مش عارفه
مالك بجدية:انا بحبك بجد يا داليدا وبكرا هاجي اتقدملك انا واهلي
داليدا:الله بجد دا احلى خبر في حياتي
مالك ابتسم:طب يلا علشان اوصلك
داليدا:ماشي
مالك قام وراح يوصل داليدا وبعدين راح بيت فهد وخبط ومليكة فتحت
مالك ابتسم:ملوكة ازيك
مليكة ابتسمت: الحمدلله يا مالك انت عامل اية
مالك:كويس...فين فهد
مليكة:مش في البيت
مالك:وفارس
مليكة:بابا جاي في الطريق
مالك:إذا كان كدا اقعد استنى
مليكة:طب تعالي في الجنينة
مالك:ماشي
الاتنين طلعوا الجنينة
مالك:بما انك موجودة فانا عايز اقولك حاجة
مليكة ابتسمت:قول
مالك ابتسم:انا هتجوز
نزل الخبر على مليكة زي الصاعقة وابتسامتها اختفت
مليكة:تتجوز!
مالك بابتسامة:اه
مليكة حاولت تسيطر على دموعها:بجد مين دي
مالك:واحد متعرفهاش بس هعرفك عليها وهتحبيها
مليكة ابتسمت بالعافية:الف مبروك يا مالك ربنا يتمملك على خير
مالك:الله يبارك فيكِ يا حبيبتي عقبالك
مليكة ابتسمت وفارس جاء وهي طلعت بسرعة اوضتها ومش مصدقة ان مالك هيتجوز!!طب لية مش هيتجوزها هي!!هي تعرفه من قبل ما التانية تعرفه!هي بتحبه من قبل ما التانية تحبه!!لية محبهاش!!دي عندها استعداد تموت علشانه!!
أسئلة كتير في دماغها وقررت تتصل بجومانة بس مبتردش....مالك قال لفارس أن هو هيتجوز وفارس فرح جدا وباركله
جومانة بعد ما سابت طارق روحت البيت...فهد وصل جومانة ولقى مالك بيتصل بيه
فهد:فينك
مالك: انت اللي فين
فهد:جاي عندك عايز اقولك حاجة
مالك:انا عندك وعايز اقولك حاجة بردو
فهد ضحك:طب خلاص جاي
مالك:روح عندنا كدا كدا انا جاي انا وفارس وطنط ريم عندنا
فهد:تمام
الاتنين قفلوا مع بعض وراحه بيت سليم والكل كان قاعد وفهد اخد مالك على جمب واتكلمه سوا
مالك:انا هتجوز
فهد بفرحة:بجد!!انا كنت حاسس داليدا صح
مالك:اه
فهد حضنه:الف مبروك يا صاحبي
مالك بحب:الله يبارك فيك عقبالك
فهد ضحك:انا كمان هخطب
مالك ضحك:بجد هند صح
فهد:اه
مالك بحماس:الف مبروك يا حبيبي خطوبتنا سوا بقا
فهد بحب:اكيد طبعا
مالك:يلا طب نروح نقولهم
فهد:يلا
الاتنين طلعوا وقعدوا مع الباقي وقالولهم والكل فرح ما عدا جومانة...الكل باركلهم وعرفوا التفاصيل وقرروا بكرا يروحوا يتقدموا للبنتين...فهد طلع برا يتكلم في للموبايل مع عميل في الشعل وجومانة طلعت ورا وبعد ما قفل مع العميل شاف جومانة وبصلها
جومانة:انت هتتجوز
فهد:اه
جومانة بانفعال:انت بتهزر صح!!انت مينفعش تتجوز هند
فهد باستغراب:لية مينفعش اتجوزها
جومانة:انت بجد مش عارف لية!!انت للدرجة دي مبتحسش مش شايف اني انا بحبك من زمان اوووي وفي الاخر انت رايح تتجوز واحدة غيري
فهد بصدمة:اية بتحبيني
جومانة زعقت:أيوة بحبك بس انت معندكش دم ورايح تتجوز غيري انا مفروض ابقى مكانها انا اللي مفروض اتجوزك
فهد مش مستوعب كلام جومانة نهائي
فهد: جومانة انا بعتبرك اختي بس!إنما هند بحبها وعايز اكمل معاها باقي حياتي متزعليش مني
جومانة فضلت واقفة وباصة لفهد كتير:مش زعلانة
فهد:أنتِ صغيرة وهتلاقي اللي تحبي ويحبك بجد ومش عايزة الموضوع دا يأثر على علاقتنا
جومانة بتريقة:لا ازاي اكيد مش هيأثر يا...يا اخويا
جومانة دخلت جوا وفهد دخل بعدها وبعدين الكل مشي ومالك طلع اوضته وجومانة دخلت ورا بانفعال
مالك باستغراب:في اية مالك
جومانة:انت بجد هتتجوز داليدا دي
مالك:اه
جومانة:ومليكة!
مالك:مالها مليكة
جومانة بنرفزة:انت اية مبتحسش انت كمان
مالك وقف:في اية يا جومانة مالها مليكة
جومانة ببأس:ملهاش يا مالك
جومانة خرجت وراحت اوضتها وهي زعلانة مش عارفة زعلانة على نفسها وعلى صحبتها!فضلت تفكر كتير لحد ما نامت
تاني يوم اخر النهار سليم راح هو وعائلته عند أهل داليدا وقراؤة الفاتحة وحددوا أن الخطوبة الخميس اللي جاي
سليم:بما أن احنا اتفقنا اية رايكم نروح نتعشى برا كلنا وبالمرة اعرفكم على فارس
محمد (ابو داليدا):فكرة حلوة بس انا ورايا شغل ممكن داليدا تروح معاك هي وتامر اخوها
سليم ابتسم:ماشي
فارس راح عند اهل هند واهلها رحبه بيه والكل قراءة الفاتحة وقرورا أن الخميس الخطوبة مع مالك وفهد طلب من ابو هند ان هند تروح تتعشى معاهم وابوها وافق والكل راح المطعم وسليم كان حاجز ترابيزة كبيرة والكل راح هناك وكانوا قاعدين سوا وفرحانين ما عدا جومانة ومليكة اللي كل واحدة فيهم عنيها على واحد
هند:انتوا بقا اللي جيته الديسكو صح
الكل بصلها
فهد:بلاش نتكلم في موضوع دا يا هند
هند:ماشي يا حبيبي
فهد ابتسم وهي حطت أيدها على ايد فهد وجومانة وقفت وفريدة بصتلها
جومانة:رايحة الحمام
فريدة:ابتسمت:ماشي يا حبيبتي
جومانة خرجت برا المطعم وفضلت واقفة برا كتير بتاخد نفسها ومليكة راحت عندها
مليكة بدموع:جومانة
جومانة: بتعيطي لية! بتعيطي علشان سابك وراح لغيرك!ولا بتعيطي علشان قاعد مع واحدة غيرك دلوقتي!ولا علشان ماسك أيدها وأنتِ لا!ولا علشان طلعتي هبلة!ولا علشان فضلتي تبني احلام وفي الاخر الاحلام دي اتهدت في لحظة!ولا علشان صعبان عليكِ نفسك!ولا علشان كل دا !طلعنا هبل يا مليكة!!كل الناس اللي جوا فرحانة الا احنا!!فضلنا نخطط سوا احلام ونضحك ونهزر بس الاحلام مش هتتحقق هتفضل احلام زي ما هي
مليكة:انا عارفة انك زعلانة ومكسورة من جواكي بس هنعمل ايه دي الحقيقة مش هنقدر نغيرها...بس احنا حياتنا انتهت خلاص دي النهاية
جومانة:الموت هو اللي بينهي الحياة مش العلاقات اللي بتنهيها دي مش النهاية دي بداية لقصة جديدة
مليكة بصتلها:قصة اية
جومانة بصتلها:معاكِ رقم طارق
مليكة:اه
جومانة:اتصلي بيه خلي يجيي
مليكة:لية؟
جومانة:هو قالي أن هو بيحبني وعايز يتجوزني
مليكة:وبعدين
جومانة:انا موافقة اتجوز طارق
رائيكم
نروين عبدالمنصف