الشايب

البارت السابع

الشايب ٢
البارت السابع

مالك:تتجوزيني يا مليكة
الكل اتصدم من طلب مالك والكل بصلهم
داليدا وقفت قدامه:لا يا مالك متعملش كدا ارجوك انا بحبك بجد يا مالك
مالك بغضب:ابعدي عني ومتقوليش انك بتحبيني
داليدا:ارجوك يا مالك
مالك:ارجوكي أنتِ ابعدي عني سبيني في حالي احنا كل اللي بينا انتهى (بص لمليكة)ها يا مليكة
فهد زعق:هو اية اللي ها يا مليكة انت هتهزر يا مالك اختي مش لعبة
مالك اتجاهل فهد:موافقة يا مليكة؟
فارس وقف قدام مالك بغضب:انت بتستهبل سيادتك ها هو علشان حضرتك عايز تغيظ داليدا تلعب بمشاعر بنتي
مالك كان هيرد بس مليكة اتكلمت
مليكة:موافقة يا مالك
الكل بصلها باستغراب وفارس بصلها
فارس:أنتِ بتستهبلي يا مليكة....دا مش بيحبك دا بيحب داليدا!!(بص لسليم)قول حاجة يا سليم
سليم بهدوء:تعالى يا فارس انت وريم وفريدة معايا فوق
الكل طلع مع سليم....وداليدا كانت واقفة بتبص لمالك وهي مصدومة ومالك بصلها
مالك:أنتِ لسة هنا؟اتفضلي امشي ومش عايز اشوفك وشك تاني
داليدا بدموع:حرام عليك اللي بتعمله فيا دا
مالك زعق:حرام عليا انا!اية البجاحة دي يا شيخة!!انا اللي لعبت بمشاعرك!!انا اللي قربت منك علشان كان حكم في لعبة!!أنتِ اللي حرام عليكي اعتقد كفاية لحد كدا يا داليدا احنا مفيش بينا نصيب وانا هتجوز خلاص وانتِ شوفي حياتك مع حد غيري
داليدا بصت لمالك وعرفت خلاص أنها خسرت مالك وقررت انها تمشي خلاص وتبعد عنه... داليدا مشيت ومالك بص لمليكة
مالك:مليكة تعالي معايا الجنينة عايز اتكلم معاكي
مليكة:تمام
الاتنين طلعوا الجنينة ومفضلش غير جومانة وفهد
جومانة:هي حياتنا قلبت على مسلسل هندي لية
فهد بنرفزة:اخوكي بيستهبل
جومانة:خلي يستهبل
فهد:نعم!!
جومانة:أيوة خلي يستهبل
فهد:يستهبل مع اختي!!
جومانة:مالك مش هيضر مليكة يا فهد قبل اي حاجة مليكة متربية معانا وتبقى بنت عمو فارس اللي يبقى زي ابونا يا فهد متقلقش على اختك
فهد بصلها:هتتجوزي طارق يا جومانة
جومانة:اه يا فهد
فهد:لا
جومانة:لا لية
فهد بصلها كتير وكان عايز يقول حاجات كتير بس سكت
فهد:علشان طارق مش مناسب ليكِ
جومانة ببأس:مناسب أو لا مش هتفرق
جومانة طلعت فوق وفهد قعد مكانه بيفكر هيعمل اية....مليكة ومالك طلعوا الجنينة ومالك اخد نفس عميق وبصلها
مالك:مليكة انا عايز اقولك حاجة...انا مش عايز اتجوزك علشان اغيظ داليدا زي ما اخوكي المتخلف قال انا بعد ما سبت داليدا عدت حساباتي تاني وفكرت كتير وكنت ناوي اعرض عليكِ الجواز بس كنت مستني الوقت المناسب
مليكة فرحت من كلام مالك بس هو كمل:بس دا ميمنعش اني لسة بحب داليدا وأن مفيش اي مشاعر من ناحيتك انا شايفك زوجة مناسبة مش اكتر انا مش عايز اجبرك على حاجة وانا موافق على اي قرار هتاخدي
مليكة كشرت واضايقت ومالك لاحظ زعلها
مالك:فكري برحتك وقوليلي
مالك مشي خطوتين
مليكة:انا موافقة يا مالك
مالك ابتسم وبصلها:لية موافقة انا مش هزعل على
مليكة قاطعته:عارفة كل دا يا مالك من غير ما تقول
مالك:طب وافقتي لية
مليكة ابتسمت:علشان ببساطة انا بحبك واللي بيحب حد بيحب يشوفه فرحان حتى لو على حساب نفسه
مالك ابتسم وسكت واستغرب نفسه ازاي محبش مليكة...فارس وسليم وريم وفريدة نزله وشافه فهد قاعد لوحده
فارس:قاعد لوحدك لية
فهد وقف:وأية الجديد ما انا دايما لوحدي انا ماشي
فارس:استنى كلنا ماشين فين مليكة
مليكة من ورا:انا اهو
فارس بصلها هي ومالك:يلا طيب
مالك بص لفارس:قولت اية يا عمي في موضوعي انا ومليكة
فارس بص لمالك وشوية وبعدين بص لسليم وبعدين رجع بص تاني لمالك وابتسم:موافق
سليم ابتسم لصاحبه...وفارس اخد عائلته ومشي ومالك طلع اوضته
فريدة:تفتكر هيحصل اية!
سليم:مش عارف بس انا واثق أن النهاية هتبقى سعيدة
فريدة ابتسمت: اتمنى تبقى سعيدة
بعد يومين يوم فارس جاء وهو وعائلته والكل بدأ يجهز لخطوبة جومانة وهي واقفة بعيد بتتفرج شايفة الكل بيحضر لخطوبتها وهي مش قادرة تساعد!!اليوم اللي مفروض تكون فرحانة فيه علشان هتتخطب هي مش فرحانة!!كانت دايما بتحلم باليوم دا بس احلام مختلفة عن الواقع تماما!هي واثقة انها مش بتحب طارق نهائي!بس هي عايزة تثبت لفهد أن هو مش فارق معاها!السؤال هنا هو فهد فعلا مش فارق معاها؟
فهد:بتفكري فيا لية
جومانة بصت وراها لقت فهد واقف وحاطت أيده في جيبه
جومانة:ومين قالك اني بفكر فيك
فهد:مش مين اللي قال المهم أن دي الحقيقة
جومانة:لا مش الحقيقة وبعد اذنك
جومانة مشيت خطوتين بس صوت فهد وقفها
فهد:هتفضلي تهربي لحد امتى
جومانة:مش بهرب
فهد وقف قدامها:لا بتهربي بتقفي معايا دقيقتين ولا حاجة وبعدين تمشي عارفة بتعملي كدا لية؟
جومانة بتريقة:لية
فهد ابتسم:علشان بتحبيني يا جومانة علشان خايفة تغيري رايك
جومانة بصت لفهد واستغربت ازاي هو فاهمها كدا
فهدابتسم:مستغربة لية؟
جومانة:مستغربة من ثقتك الزيادة...بس للاسف ثقتك مش في محلها انا مش بقف معاك علشان طارق قالي متقفيش مع اي راجل غريب غيري وانا بسمع كلام طارق حبيبي يلا باي علشان طارق ميزعلش
جومانة مشيت وابتسامة فهد اختفت ومستغرب ازاي هي بالجبروت دا!!هو واثق أن هي بتحبه جدا!ازاي قررت انها تبعد عني برغم انها بتحبني!فعلا الست متخليش حد يجيي على كرامتها حتى لو بتموت في الحد دا.
بليل الناس وصلت وطارق وأهله وصله وجومانة كانت فوق وفريدة طلعت تناديها
فريدة برقت:لسة ملبستيش الناس تحت
جومانة:هلبس اهو
فريدة بصتلها ونزلت وهي لبست بملل وبعدين نزلت واول حد شفاها كان فهد واستغرب هي ازاي بالجمال دا وازاي هو كان اعمى كان هيروح ناحيتها بس لاقى طارق راح ناحيتها واخدها وقعدوا الاتنين وهو فضل عينه عليها
في ترابيزة سليم وفريدة وفارس وريم
سليم: شايفين فهد بيبص ازاي لجومانة
فريدة:اتمنى أن فهد يتحرك قبل فوات الاوان
ريم:هيتحرك ابني وانا اعرفه
فارس:دا غبي هيسيبها تضيع منه وبعدين يجيي يعيط
سليم:هيتحرك وهيشوف
فهد واقف وعينه عليهم مش قادر يشيل عينه من على جومانة
_:بتحبها صح
فهد بص ورا ولقى هند
فهد بضيق:اية اللي جابك هنا
هند وقفت جمبه:نسيت أن طارق صحبي
فهد بص قدامه ومردش
هند:بتحبها
فهد:لا
هند:كداب بتحبها من ساعة ما نزلت وانت عينك متشالتش من عليها بس هي خلاص هتبقى خطيبة طارق وهتبقى ملك طارق بس وانت هترجعلي تأني
هند ضحكت ومشيت وكلامها عمال يتكرر في ودن فهد
الدبل خلاص كانت هتتلبس والكل اتجمع حواليهم وكلام هند في ودن فهد "هتبقى خطيبة طارق وهتبقى ملك طارق بس"مقدرش يستحمل اكتر من كدا وطلع على الكوشة عندها واول ما شافته وقفت هي وطارق وهو قرب منها
فهد:متتجوزيش طارق
جومانة:لية
فهد اخد نفس عميق:علشان بحبك ومش مسحتمل اشوفك مع راجل غيري ارجوكي متتجوزيش طارق
جومانة ابتسمت وطارق وقف قدام فهد
طارق زعق:انت اتجنتت ولا اية دي هتبقى خطيبتي
فهد:لا مش هتبقى خطيبتك
فهد بص لجومانة:ردي يا جومانة هتتجوزي مين فينا؟
طارق بص لجومانة والكل سكت ومستني رد جومانة
جومانة:_
نروين عبدالمنصف