الشايب

البارت الخامس

الشايب٢
البارت الخامس

بعد فترة جومانة ومليكة دخلوا جوا وفريدة وريم بصلهم
ريم:انتوا كنتوا فين كل دا
جومانة:كنا برا
فريدة: لية
جومانة:اتخانقنا وطلعنا نشم هوا
فريدة بصتلها وسكتت..بعد شوية طارق جاء والكل استغرب ما عدا مليكة وجومانة
مالك باستغراب:اية اللي جابك هنا
طارق ضحك:مش عيب يا واطي انت وهو تخطبوا من غير ما اعرف
فهد ضحك:لسة يا بني الخطوبة يوم الخميس
طارق ابتسم:الف مبروك ليكم انتوا الاتنين
مالك:الله يبارك فيك اقعد
طارق قعد معاهم
فهد باستغراب:انت عرفت منين أن احنا هنا
طارق:عيب عليك...المهم بما انكم متجمعين فانا جيت علشان عايز اقولكم حاجة
مالك:قول
طارق بص لسليم:عمي انا جاي اطلب إيد جومانة بنت حضرتك
الكل سكت وسليم بص لطارق كتير
سليم:بس يابني جومانة لسة مخلصتش جامعة
طارق:وأية يعني هي كدا كدا في آخر سنة نعمل خطوبه والفرح بعد الجامعة وكمان اكون خلصت الشقة
سليم:طب ناخد راي العروسة
طارق:طب ما تسألها دلوقتي بما أن الكل قاعد
سليم بصله وكان هيرد بس فارس سألها وسليم بصله بتوعد
فارس:ها يا جومانة اية رايك
فهد كانت عينه على جومانة وهي بصتله كتير
جومانة:موافقة
فهد بصلها بصدمة والكل كان ساكت
طارق بفرحة:يبقى على بركة الله هاجي بكرا انا وعيلتي
سليم ابتسم بتكلف:تنورونا
طارق:استأذن انا بقا
فارس:اقعد يابني
طارق:لا ورايا شغل سلام
طارق مشي والكل كان ساكت
هند:الف مبروك يا جومانة طارق جدع وطيب
جومانة ابتسمت بالعافية:الله يبارك فيكي
سليم:يلا بقا نروح كفاية كدا
الكل قام وروح وجومانة اول ما وصلت طلعت اوضتها بسرعة وفريدة طلعت وراها
فريدة:افهم بقا اية اللي بيحصل
جومانة:اية اللي بيحصل؟
فريدة:وافقتي لية على طارق
جومانة:عادي يعني
فريدة:هو اية اللي عادي يا جومانة دا جواز!!
جومانة:ماما إذا سمحتي انا عايزة انام بكرا نتكلم
فريدة وقفت كتير وبعدين طلعت وراحت اوضتها وسليم كان قاعد
سليم:قالتلك اية؟
فريدة بيأس:قالت عايزة تنام
سليم:ماشي
فريدة بصتله:انت ازاي بالبرود دا
سليم ابتسم:عيالك كبرت يا فريدة وهما الاتنين عارفين مصلحتهم
فريدة:بس دا جواز يا سليم!!
سليم: مينفعش ندخل في الموضوع دا يا فريدة هما الاتنين مسئولين عن اختياراتهم
فريدة:وافرض اختياراتهم غلط؟
سليم:يبقى هما اللي يشيلوا مسئولية اختياراتهم
فريدة:طب وانت اختياراتك كانت صح ولا غلط!
سليم ابتسم:انا كل اختياراتي كانت غلط ما عدا أنتِ..أنتِ الوحيدة اللي كنتِ الاختيار الصح واحسن اختيار كمان
فريدة بحب:ربنا يخليك ليا
سليم ابتسم:ويخليكي ليا يا حبيبتي
تاني يوم جومانة صحيت بدري وولبست ونزلت وسليم وفريدة ومالك كانوا قاعدين تحت
جومانة:صباح الخير
سليم:صباح النور يا حبيبتي
جومانة:انا خارجة
مالك وقف:خارجة رايحة فين (كمل بتريقة)وبعدين في عروسة بتخرج في يوم قراية فاتحتها
جومانة ببرود:أيوة انا
مالك بتحذير:جومانة
جومانة بصتله:في اية يا مالك على الصبح عايز اية
مالك:وافقتي لية على طارق
جومانة:طارق راجل وجدع وبيشتغل كويس وعريس كويس لاي بنت
مالك زعق:فين كلامك مش قولتي انا عُمري ما هتجوز جواز تقليدي فين كلامك دا ها!!
جومانة بصتله:مش كل الكلام اللي بنقولوا ينفع يتحقق (بصت لسليم)بابا انا رايحة عند مليكة
سليم:روحي
مالك:بس يا بابا
سليم قاطعه بغموض:سيبها تروح
جومانة مشيت وراحت عند مليكة ورنت الجرس وفهد فتح وهي بصتله وبعدين دخلت وهو قفل الباب
جومانة:مليكة فين؟
فهد:فوق
جومانة كانت طلعة بس فهد وقفها
فهد:جومانة
جومانة: نعم
فهد وقف قصادها:وافقتي على طارق لية
جومانة:أعتقد أن دا شئ ميخصكش انا مسالتكش انت خطبت لية هند
فهد:انا اختارتها علشان بحبها
جومانة:وانا كمان اختارته علشان بحبه
فهد:والله!
جومانة:اه
فهد:اممم بتحبي...وأنتِ بقا كنتِ عايزة تتسلي بيا ولا اية
جومانة:اتسلى بيك!!
فهد:اه يعني اول امبارح تقولي انك بتحبيني والنهاردة بتحبي طارق دا معنى انك بتتسلي
جومانة بهدوء تام:الظاهر أن انت متعرفنيش يا فهد...أيوة انا بتسلى عندك مانع وياريت بقا متتكلمش معايا اصل الناس المحترمة مينفعش تتكلم مع الناس اللي بتتسلى (غمزت لفهد وبعدين طلعت)
فهد كان واقف ومضايق جدا من نفسه!ازاي يقول كدا لجومانة مهما كان دي زي أخته ومتربين مع بعض!وبنت سليم!!اللي يبقى زي أبوه ويبقى صاحب أبوه المقرب واخت مالك صاحبه!!ازاي هو بالغباء!!هو عارف جومانة كويس وعارف أن هي عملت كدا علشان تغيظه!ازاي قالها كلمة زي دي
اتنهد بضيق وراح يكلم هند...جومانة طلعت عند مليكة
مليكة:في واحدة تخرج في يوم زي دا
جومانة:نفس كلام مالك
مليكة ابتسمت بزعل والاتنين فضلوا ساكتين
مليكة:متأكدة من قرارك؟
جومانة:اة
جومانة بصتلها وافتكرت كلام امبارح
فلاش باك*
جومانة:انا موافقة اني اتجوز طارق
مليكة بصدمة:نعم!!ازاي يعني هتتجوزي يا جومانة!!ازاي تتجوزي واحد أنتِ مبتحبهوش
جومانة ابتسمت:ما اللي بحبه بيتجوز واحدة غيري
مليكة:بس
جومانة قاطعتها:انا اخدت قرار اتصلي بطارق
مليكة اتنهدت: حاضر
مليكة اتصلت بطارق وجومانة اخدت منها الموبايل
جومانة:طارق ازيك انا جومانة
طارق بفرحة ولخبطة:جومانة ازيك
جومانة:كويسة...مش انت قولتلي انك عايز تتجوزني
طارق:اه وأنتِ رفضتي
جومانة اخدت نفس عميق:انا موافقة يا طارق
طارق بفرحة:أنتِ قولتي اية أنتِ بجد موافقة
جومانة:اه...تعالي على المطعم اللي هقولك عليه واطلب أيدي من بابا
طارق:حاضر
جومانة قالت لطارق على المطعم وقفلت
باك*
جومانة:تعالي معايا البيت علشان نجهز
مليكة:هغير هدومي
جومانة نزلت تحت ووقفت في الجنينة عقبال ما مليكة تغير وفهد اول ما شافها راح ناحيتها
فهد:جومانة
جومانة:نعم
فهد:انا اسف
جومانة:على اية
فهد:على الكلام اللي قولته
جومانة باستغراب:كلام اية انا مش فاكرة اي حاجة وبعدين انت تبقى ابن صاحب بابا وتبقى صاحب اخويا بس فأعتقد أن مفيش كلام بينا ولا اية!!
فهد:جومانة
جومانة قاطعته:مفيش كلام بينا بعد اذنك
مليكة نزلت وجومانة اخدتها ومشيوا.....اخر النهار طارق وصل هو وأهله والكل كان قاعد
محمود (ابو طارق):اتشرفت بيكم
سليم ابتسم:الشرف لينا
انتصار (ام طارق):ما شاء الله العروسة زي القمر
جومانة ابتسمت:مرسي يا طنط
انتصار:العيلة دي كبير اوووي
فهد همس لسليم:قل اعوذ برب الفلق هتحسدنا ولا اية
انتصار بفضول:انتوا كلكوا قرايب
سليم ابتسم بتكلف:فارس يبقى صحبي بس زي اخويا بالظبط ودي مراته وعياله
انتصار:ما انا بقول مفيش عيلة كبيرة كدا
فارس:اية يا حجة انتصار قولي ما شاء الله
انتصار:ما شاء الله طبعا يا استاذ فارس
محمود بفضول:مين بقا في الرجالة دي ابنك يا سليم
سليم:مالك ابني وفهد ابن فارس بس زي ابني
محمود:امممم
فارس همس لسليم:عيلة فضولية
سليم همس لفارس:من ساعة ما قعدوا وعينهم بتلف في اركان البيت
محمود بجدية:بص يا سليم بيه انا يشرفني اطلب ايد بنت حضرتك لابني
سليم:وانا ليا الشرف
محمود:نقراء الفاتحة بقا
الكل قرأ الفاتحة وجومانة عينها على فهد...طارق مشي وهو وأهله واتفقه أن الخطوبة بعد شهر
فارس:اية العيلة دي من ساعة ما دخله وهما أسئلة
سليم بضيق:حاجة فظيعة
مالك بتريقة:ذوقك حلو اووي يا جومانة
جومانة:نفس ذوقك بالظبط
مالك بص الناحية التانية علشان مش عايز بتخانق معاها
فهد:انا ماشي بقا
مالك:رايح فين
فهد:عازم هند على العشاء
مالك:أيوة يا عم
فهد:قُر علينا بقا بعينك الصفراء دي
مالك ضحك وفهد مشي واتصل بهند
فهد:انا جاي دلوقتي اجهزي
هند:مش هينفع نخرج
فهد: نعم دا لية
هند:انا مع طارق
فهد زعق:هو اية اللي معا طارق دا أنتِ ازاي تروحي من غير ما تقوليلي وازاي تخرجي مع راجل غيري
هند:في اية يا فهد دا صحبي
فهد:أنتِ فين
هند قالت لفهد على مكانها وهو راح هناك لقاها قاعدة وقريبة من طارق اوي وراح ناحيتهم بغضب
طارق:اية دا فهد ازيك
فهد تجاهله وبص لهند:يلا هنمشي
هند:انا لسة جاية
فهد بيحاول يسيطر على أعصابه:يلا يا هند
هند:يوووو طيب
هند قامت وسلمت على طارق بايدها ومشيت هي وفهد واول ما طلعوا برا
فهد زعق:أنتِ ازاي تخرجي مع راجل غريب وازاي تسلمي عليه بايدك
هند:طارق مش غريب دا صاحبي وانت عارف دا كويس
فهد:الكلام دا من قبل ما نرتبط دلوقتي أنتِ مرتبطة ويوم الخميس هتبقى خطيبتي يعني مش مسمحولك تكلمي اي راجل غيري
هند:اوكاي متزعلش حقك عليا
فهد بص الناحية التانية وهو وقفت قدامه
هند:خلاص بقا يا فهد متزعلش انا اسفة مش هعمل كدا تاني
فهد ابتسم:خلاص مش زعلان
هند ابتسمت وخرجه الاتنين فات اربع ايام ويوم الخطوبة جيه والكل كان فرحان ما عدا جومانة ومليكة...الخطوبة كانت في جنينة ڤيلا سليم والكل كان موجود وسليم جاب الدبل ولبسها لداليدا ومليكة كانت زعلانة وهو لاحظ زعلها وبعد ما لبس داليدا الدبلة قام وراح ناحية جومانة واخدها بعيد
مالك:مالها مليكة
جومانة بغضب وتريقة:ملهاش
مالك:جومانة اخصلي
جومانة بعصبية:عايز تعرف مالها
مالك:اه
جومانة زعقت:مليكة قاعدة بتتفرج على حبيبها وهو بيخطب واحدة تانية غيرها
مالك اتصدم من كلام جومانة ومتوقعش نهائي أن مليكه بتحبه
مالك:قصدك بتحبني انا
جومانة:أيوة بتحبك وانت رحت خطبت غيرها بس صدقني مش هتلاقي حد يحبك قد مليكة بعد اذنك جومانة راحت ناحية الخطوبة وهو بص على مليكة لقاها بتبصله وجوا عينها دموع
فهد كان بيلبس الدبلة لهند وجومانة عينها عليهم وطارق راح ناحيتها
طارق:مالك
جومانة: ابدا مفيش
طارق:شكلك مضايق
جومانة:لا مش مضايقة عن اذنك
جومانة بعدت عن الخطوبة ومشيت بعيد تعيط
':مالك
جومانة بصت وراها لقت فهد راحت مسحت دموعها بسرعة
جومانة:مفيش
فهد:بتعيطي لية
جومانة:في حاجة دخلت في عيني...وبعدين انت سايب عروستك لية روحلها
فهد:أنتِ اختي مينفعش اشوف اختي بتعيط واسيبها
جومانة زعقت:انا مش اختك انت اسمك فهد فارس وانا اسمي جومانة سليم مش اخوات ابعد عني بقا
جومانة دخلت الخطوبة وفهد فضل واقف وبعدين دخل الخطوبة خلصت والكل روح فرحان
فات شهر وطارق بيقرب من جومانة وجومانة بتصده ومالك دايما مع داليدا ومليكة مبقتش تروح عند جومانة زي الاول ولا جومانة بقت تروح عند مليكة وفهد دايما مع هند بس معظم الوقت بيتخانقه بسبب تصرفاتها
في يوم داليدا ومالك كانوا قاعدين سوا وهي راحت الحمام وسابت موبايلها و موبايلها رن ومالك مردش فضل يرن كتير وفي الاخر مالك قرر يرد
_:الو يا داليدا انا مي صحبتك يا واطية كدا تنسيني بس شاطرة يا بت قدرتي تنفذي حكم اللي حكمنا عليكي في لعبة الشايب ووقعتي مالك الغرباوي في حبك
مالك:_
رائيكم
نروين عبدالمنصف