الشايب

البارت السادس

الشايب٢
البارت السادس

_:الو يا داليدا انا مي صحبتك يا واطية كدا تنسيني بس شاطرة يا بت قدرتي تنفذي حكم اللي حكمنا عليكي في لعبة الشايب ووقعتي مالك الغرباوي في حبك
مالك مكنش مصدق اللي سمعه معقول كدا دا يطلع لعبة!يعني هي مبتحبهوش!وكل كلامها كدب!!كل دا علشان خاطر حكم في لعبة الشايب!!
داليدا خرجت من الحمام وراحت عند مالك اللي كان ماسك موبايلها بصدمة وراحت قعدت قصاده
داليدا باستغراب:انت ماسك موبايلي لية يا مالك
مالك بجمود:لية
داليدا:لية اية!
مالك بصلها:لية لعبتي في مشاعري
داليدا بصتله:لعبت في مشاعرك فين!
مالك زعق لدرجة كل اللي قاعدين بصه عليه:اعملي نفسك هبلة مش أنتِ وافقتي تتجوزيني علشان خاطر دا حكم في لعبة الشايب! انا مش فاهم أنتِ ازاي كدا!ازاي تدخلي حياة حد علشان خاطر حكم في لعبة!!ازاي قدرتي تلعبي بيا كدا!!ازاي قادرة تلعبي في مشاعر الناس كدا
داليدا:مالك علشان خاطري اقعد واهدي وانا هفهمك كل حاجة
مالك زعق:متقوليش اهدى فاهمة ابعدي عني بقا(قلع الدبلة وحطها على ترابيزة)أنتِ مكسبتيش الحكم بس أنتِ كسبتي قلبي ومشاعري وخسرتيني نفسي
مالك مشي وهو مصدوم وتايهه وجوا غضب ومش عارف يتصرف مجرد أن هو مش قادر يفكر يعمل اية...فضل يلف كتير بالعربية وفي الاخر روح والكل كان هناك بيلعبه الشايب
فارس:تعالى يا مالك العب معانا الشايب
مالك راح ناحيتهم بغضب ومسك الورق ورما في الأرض والكل استغرب تصرفه
مالك بغضب:محدش يجبلي سيرة الشايب انا بكرهه اللعبه دي اللعبة دي بسببها حياتي ادمرت
فريدة:لية كدا يا مالك دي احلى لعبة
مالك بصلها:علشان جمعتكوا احلى لعبة إنما اللعبة دي فرقتني على اللي بحبها كل اللي انا كنت فيه كنت وهم كان مجرد حكم في لعبة سخيفة!امبارح كنت طاير في السماء ومحدش قدي النهاردة نزلت سابع أرض انا بكرهه الحب بكرهه البنات بكرهه الشايب
مالك طلع اوضته والكل كان مستغرب عصبيته وجومانة ضحكت والكل بصلها باستغراب
ريم:بتضحكي على اية
جومانة بضحك:انتوا بجد مفهمتوش مالوا
فريدة:أنتِ عارفة مالوا!
جومانة ابتسمت:الست داليدا اللي مالك اختارها وكان بيحبها طلعت بتضحك عليه كل الحب والاهتمام دا طلع حكم عليها في لعبة الشايب ومالك عرف وسابها
سليم:وأنتِ عرفتي منين أن هو سابها!
جومانة شاورت على أيدها:مش لابس الدبلة في أيده
فارس:يا سلام ممكن يكون مش لابسها عادي
جومانة:ممكن
الكل فضل يتكلم وجومانة طلعت الجنينة ومليكة طلعت وراها
مليكة:جومانة مالك مالوا انا اول مرة اشوفه كدا!
جومانة:مالك مجروح يا مليكة
مليكة:هو كلامك اللي قولتي جوا صح!
جومانة:دا كان معنى كلامه
مليكة:طب تعالي نروح لداليدا ونصلح بينهم
جومانة بصتلها باستغراب:نصلح بينهم!أنتِ مفروض اكتر واحدة تفرحي
مليكة ابتسمت بحزن:انا عندي استعداد اضحي بحياتي علشان خاطر سعادة مالك بس
جومانة ابتسمت:دي أقصى مراحل الحب يا مليكة
مليكة ابتسمت وسكتت والاتنين دخله جوا
بليل فريدة كانت قاعدة سرحانة وسليم قعد جنبها
سليم:الجميل سرحان في اية
فريدة:في عيالك الاتنين حالهم مش عاجبني
سليم:اممم
فريدة:انت ازاي عندك برود اعصاب كدا
سليم ابتسم بحب:دا مش برود يا حبيبتي بس انا فاهم وعارف كل حاجة
فريدة:فاهم وعارف اية بقا
سليم:الأربعة متلخبطين ومش عارفين عايزين اية ماشين يتلخبطوا مليكة بتحب سليم ومستعدة أنها تضحي بحياتها علشانه وقررت انكم تكتم حبها في قلبها ومالك بيحب واحدة واكتشف انها مش بتحبه ودلوقتي هو في حالة فقدان ثقة في كل حاجة وفهد بيحب هند اللي اكتشف في انها مش شبهه وعمال يخبط في كل اللي حواليه وبيكابر كتير علشان مش عايز يتخذل ومش علشان عايز يكون اختياره غلط وجومانة اللي بتحب فهد بس هي مش زي مليكة هي قررت انها تشوف واحد غيره لمجرد أنها توري لفهد أن هو مش هامها وعمالة تعالى مع نفسها علشان تحب طارق بس هي مش قادرة تحبه كلهم اختياراتهم غلط والكل عمال يخبط
فريدة بذهول:طالما انت عارف كل دا مش بتتصرف لية؟
سليم ابتسم:هما اللي هيتصرفه يا فريدة مش احنا
فريدة بحيرة:ازاي يعني يا سليم
سليم ابتسم لحيرتها: مينفعش اقول لحد فيهم روح حب حد كل واحد مشاعره هتحركه انا واثق أن النهاية هتبقى سعيدة
فريدة ابتسمت وهو فضل يتكلم معاها....تاني يوم فهد كان بيكلم هند
فهد:أنتِ فين
هند:في البيت وانت
فهد:مروح
هند:طيب انا هقفل ولما تروح ابقى كلمني
فهد:ماشي
فهد قفل مع هند وكان ماشي ناحية النادي شاف هند داخلة النادي!!مكنش قادر يصدق أن هي كدبت عليه!طب هي تكدب لية!!
فهد ركن عربيته وبعدين نزل وراها وشافها قاعدة مع شلة ولاد وبنات وفي شاب حاطت أيده عليها وهو راح ناحيتهم
هند اول ما شافت فهد وقفت بسرعة:فهد انت اية اللي جابك هنا
فهد:اية اللي جابني هنا!!انا مفروض أسألك السؤال دا...على العموم انا مش جاي اسال ولا جاي أعاتب لاني خلاص اكتفيت من العتاب (قلع الدبلة وحطها في أيدها)اللي تكدب في حاجة زي كدا هتكدب في حاجة اكبر واللي تنزل من غير ما تعرف خطيبها وتكدب عليه يبقى مينفعش نثق فيها يلا سلام (كمل بتريقة)روحي لصحابك يلا
فهد مشي وهو مخنوق فضل يلف كتير بالعربية وبعدين قرر يروح النيل وصل هناك ومسك طوب وفضل يرمي الطوب بعنف
_:تؤ تؤ العصبية وحشة علشانك
بص ورا كانت جومانة
فهد:اية اللي جابك هنا
جومانة:انا حرا اروح المكان اللي يعجبني
فهد بصه قدامه ومردش
جومانة:اية اللي مزعلك
فهد:عرفتي منين اني زعلان
جومانة:عشرة سنين بقا وكدا
فهد ابتسم:سبت هند
جومانة بهدوء:لية
فهد:مش شبهي تصرفاتها غير تصرفاتي تخيلي قالتلي أن هي في البيت وشوفتها صدفة في الشارع رايحة النادي
جومانة:وانت عملت اية
فهد:ولا حاجة قلعت الدبلة
جومانة:مسمعتهاش أو عتبتها
فهد:لا
جومانة:لية
فهد:تعبت من العتاب خلاص عتبت كتير ومفيش فايدة فكان لازم ابعد
جومانة:انت كدا فرحان!
فهد:مش فرحان بس مرتاح اهم حاجة راحة البال
جومانة:عندك حق يا فهد
فهد:انا اسف يا جومانة على اي حاجة وحشة قولتها ليكي
جومانة:حصل خير يا فهد
فهد ابتسم وهما الاتنين مشيوا
فات اسبوعين ومالك بعيد عن الكل بيخرج الصبح ويرجع بليل ومبيكلمش حد وفهد شاغل نفسه في الشغل علشان ميفكرش في اللي حصل وقرب من جومانة ومليكة بتحاول تقرب من مالك وفارس وريم وفريدة وسليم بيتفرحوا عليهم بهدوء
في يوم الكل كان قاعد سوا وطارق جيه وسلم على الكل
طارق:انا جاي أفكركم أن بعد بكرا الخطوبة
الكل سكت
سليم:هو احنا كام في الشهر
طارق:13 واتفاقنا أن الخطوبة15
سليم بهدوء:تمام كل حاجة هتبقى جاهزة
طارق ابتسم:تمام
طارق مشي وفهد بص لجومانة
فهد:هتتجوزي طارق يا جومانة
الكل بصلها ومستني الإجابة
جومانة:اه
فهد اتصدم لانه مش متخيل أن جومانة هتبقى مع حد غيره
الدادة دخلت والكل بصلها
الدادة:مالك بيه داليدا هانم برا
الكل بص لمالك وطلع لداليدا
مالك بصرامة: نعم
داليدا:ارجوك اسمعني انا مش هنكر أن دا كان حكم في الشايب بس انا حبيتك بجد
مالك: وبعدين؟
داليدا:نرجع يا مالك
مالك بتريقة:بجد؟بالسهولة دي أنتِ مش عارفة أنتِ كسرتيني ازاي تخيلي تكوني بتحبي واحد وفي الاخر يطلع كل دا حكم كل الحب اللي بينا كان كدب انا مبثقش فيكي يا داليدا ولا بصدقك وابعدي عني
مالك دخل وداليدا ماشية ورا وبتتحايل عليه
داليدا بدموع:ارجوك يا مالك
مالك دخل عند الباقي والكل وقف ومالك راح ناحية مليكة
مالك:تتجوزيني يا مليكة
رائيكم
نروين عبدالمنصف