#Unicode
မော်တော်ယာဥ်တွေက ဝါစိမ်းနီနေတဲ့ မီးပွိုင့်တွေ ညွှန်ကြားမှုအတိုင်း သွားလာလှုပ်ရှားနေကြသည်
လူများစွာ စည်ကားတဲ့ Seoul မြို့လည်ခေါင်က ဆယ်ထပ်တိုက်တစ်တိုက်ပေါ်မှ ကောင်မလေးတစ်ယောက် အောက်ကို ငုံ့ကြည့်နေသည်
ဖြတ်သွားဖြတ်လာ လူတွေကတော့ တိုက်ပေါ်က ကောင်မလေးကို သတိမထားမိဘဲ မိမိသွားလိုရာကို သွားနေကြသည်
ထိုစဥ်
ဘုန်း!!!!
ငါးထပ်တိုက်ပေါ်က ကောင်မလေး ပြုတ်ကျလာသောကြောင့် လူအုပ်ကြီးမှာ ကောင်မလေးကို သတိထားမိသွားပြီး အပြေးအလွှား သွားကြည့်ကြသည်
"Omo ကောင်မလေးက ငယ်ငယ်လေးရှိသေးတယ်..... "
"ကိုယ့်ကိုကိုယ် သတ်သေတာလား "
"ဓာတ်ပုံရိုက်မနေဘဲ ဆေးရုံကားခေါ်ကြပါ"
လူအုပ်ကြီးမှာ တစ်ယောက်တစ်ပေါက် ဖြစ်နေပေမယ့် ဂါဝန် အဖြူရောင်ဂါဝန်လေးကတော့ အနီရောင်အဖြစ် ပြောင်းလဲ သွားသည်
"ဆေးရုံကားခေါ်ပေးကြပါ တောင်းပန်ပါတယ် "
လူအုပ်ကြီးထဲသို့ သတ်လတ်ပိုင်း အမျိုးသားတစ်ယောက် ပြေးဝင်လာပြီး သွေးအိုင်ထဲက ကောင်မလေးကို ပွေ့ဖက်လိိုက်သည်
ထိုအမျိူးသားမှာ အံ့သြတုန်လှုပ်ချောက်ချားမှုအပြင် စိတ်ပျက်စရာတစ်ချို့ကြောင့် ငိုဖို့တောင် အားအင်မရှိတော့ပေ
"Chaeyoung. ......"
သတိမရှိတော့တဲ့ သူ့ညီမလေးကို ဖက်ပြီး ထိုအမျိူးသားမှာ အော်ဟစ်နေသည်
ဆေးရုံကားရောက်လာပြီး အနီးစပ်ဆုံး ဆေးရုံသို့ ခေါ်သွားကြသည်
Nurseတွေနဲ့ ဆရာဝန်မှာ ဆေးရုံကားပေါ်က ဆင်းလာတဲ့ Chaeyoung ကို emergency အခန်းထဲသို့ အမြန်ဆုံး သယ်သွားကြသည်
သူမ ဘဝအတွက် တိုက်ခိုက်ဖို့ အားလျော့ထားတဲ့ ကောင်မလေးကို အရေးပေါ်အခန်းထဲ သယ်သွားတာကို ကြည့်ပြီး ထိုအမျိူးသားမှာ ဒူးထောက်ရက်သား ကြမ်းပြင်ပေါ် သို့ လဲကျသွားသည်
