لست عاراً ياابى...

الفصل السادس

فى البيت..
الجميع يتناول طعام الغذاء والكل حاضر باستثناء حسام الذى ذهب ليحضر نتائج أطفاله
رافت اثناء تناول الطعام: عاوزك كدا يا مصطفى ترفع راسى لما والدك يجى وتشرفتدنى قدام الكل
ثم يتوجهه بنظره الى ساره التى تجلس وتتناوا طعامها فى صمت ليقول بنبره حاده: علشان اى تقصير ولو صغير هيبقى عليه عقاب كبير
تنظر ساره الى طعامها وتبتلع ريقها بصعوبه كانها المذنبه
يدخل حسام مقاطعا تلك الكلمات كانه فى عجله من امره ليقول بصوت غضب ونبره مسموعه: مصطفى تعالى ورايا حالا
رافت: يجى وراك فين اى اللى حصل وبعدين هوا مش بياكل طمنى عملت اى فى المدرسه
يضع حسام درجات مصطفى امام والده ويردد أنا قولت تقوم وتلحقنى يلااااا
رافت بعد نظره فى النتائج: استنى يا حسام ياابنى اكيد فى غلط فى النتايج دى مستحيل تبقا درجاته
حسام بغلظه: لا دى اللى اكدلى المدير وهوا كان بيشكر فى الاستاذ جامد واد اى هوا مجتهد وبيحضر دروسه ومنتبه لمذاكرته
يضع مصطفى راسه لاسفل خجلا وخوفا من والده
يمقت رافت ساره بنظره غضب: طب والدكتوره ساره نظامها اى كمان
حسام: لا ساره احسن منه ودرجاتها حلوه

نبض قلبها فرحا من ذلك ونظرت لوالدتها بسعاده التى كانت هى تائهه فى حال مصطفى ولم تنتبه لساره
خالد: الف مبروك يا سوسو عقبال الشهاده الكبيره
طارق: مبروك يا سرسور

رافت بغضب: اسكتوا....ليتابع: بالنسبه لمصطفى اكيد فى خلل وأنا هشوف الموضوع دا بنفسى
ثم تركهم وهم قائما لينظر الى ساره بنظره لن تنساها ثم غادر ليغادر الكل من بعده ثم تصعد ساره لغرفتها ويتركهم حسام بعد معاتبه مصطفى وتذهب ريهام الى غرفه مصطفى لتتحدث معه

ذهبت ساره الى غرفتها لا تعلم هل هى حزينه لا والديها وجدها لم يهتما بنجاحها او سعيده بتفوقها تجلس على السرير شبه فاقده لوعيها تائهه فى افكارها ويعلو وجهها الحزن حتى ابسط احلامى كطفله سحبت منى

نفضت نفسها من افكارها وجلست على مكتبها تهم فى الرسم حتى لا تفكر باى شى....
فى غرفه مصطفى...

ريهام: اى اللى والدك قاله دا ينفع اللى حصل دا يا مصطفى؟ مبسوط وانت مخلى ابوك جاى من المدرسه مكسور الخاطر بسببك لا وكمان مكنتش بتحضر حصصك لى ها

مصطفى ببرود: ماما لو سمحتى مش كل أما حد يشوفنى يعاتبنى ومفيش حد حتى فكر يساندنى أنا زهقت دى مبقيتش عيشه بقا

ريهام بغضب: يعنى غلطان وفوق كل دا بتقل ادبك كمان والله عال

مصطفى: ماهوا دا بس اللى انتى شاطره فيه ياماما كنتى فين طول السنه علشان تيجى فى الاخر تعاتبينى موجهه اهتمامك كله بعيد عنى ومبتسئليش فيا وفى الاخر كدا انتى بس بتيجى تعاتبى مفيش مره طلبت مساعدتك ووقفتى جمبى حتى...

ريهام: انت بس فالح ان كل مااتكلم معاك تسمعنى الكلمتين دول ياابنى حرام عليك اللى بتعمله فيا أنا لو مت دا هيبقا بسببك صدقنى