" مطاردة علمية "
_________________
في المقطم بمنزل كامل
جلست جنات علي فراشها تبكي بحدة و حولها كلاً من جاسر و أميرة و امامها كامل ، سيطر الحزن علي المنزل بأكمله بعد أن مضت خمسة أشهر منذ أختفاء معتصم و زينة و أغلاق هواتفهم و كذلك ريهام التي لم تعود من الأسكندرية بعد أسبوع كما قالت ..
أبلغ كامل الشرطة عن الثلاثة و لكن لم يتمكنوا من إيجادهم حتي هذه اللحظة ، أرتفع رنين هاتف جاسر الذي مسح دموعه و أجاب علي الرقم المجهول و بعد ثواني من التعارف علم جاسر أنه غريب المنتج ، فتحدث جاسر بتعجب :
- خير يا أستاذ غريب في حاجة ؟!
- أنا بحاول أوصل للأنسة ريهام من فترة طويلة و هي تليفونها مقفول
أنتبه جاسر بإهتمام الي حديثه و أردف :
- و لقيتها ؟!
- لا ، انا جبت رقم حضرتك قولت أنت ممكن توصلني ليها !!
تنهد جاسر بحزن و يأس و أردف :
- ريهام مختفية بقالها فترة يا أستاذ غريب ، انا عارف أنك خسرت كتير في الفيلم ده بس أنا مستعد أعوضك المبلغ اللي أنت عايزه
تحدث غريب بلهجة سريعة :
- لالا يا جاسر ، أنا هنزل الفيلم .. أنا بس منتظر ريهام توافق و تمضي و أكيد هينزل ، الموضوع كله مسألة وقت بس
- أنا بكرر أعتذاري ليك يا أستاذ غريب
أنتبه جاسر فجأة و تحدث بسرعة :
- لحظة واحدة ، انا عارف هي ممكن ترجع إزاي و الفيلم ينزل إزاي من غير ما تكون موجودة
صمت جاسر لثواني يستمع الي غريب الذي شجعه علي الحديث فأردف :
- ريهام عملالي توكيل ، انا أقدر أمضي مكانها و الفيلم ينزل ، و أول ما ينزل هي هترجع أكيد علشان تعرف أيه اللي حصل و إزاي نزل من غير إذنها !!
صمت غريب يجمع كلماته و يحللها ثم تحدث بخفوت :
- بس هي كده هتتضايق
- بس هترجع بردوا و ده اهم اننا نعرف هي فين
أقتنع غريب بكلمات جاسر و سرعان ما حدد معه معاد للمقابلة ، و أغلق الخط و نظر جاسر الي الجميع و سرد عليهم ما حدث فأردف كامل بيأس :
- يا رب ترجع هي و أختها بقاا ، قلبي واجعني عليهم و انا معرفش هما فين ولا حصلهم أيه
ربتت أميرة علي كتف كامل بحنان قائله :
- ان شاء الله هيرجعوا يا بابا أتطمن
***
في مخزن مهجور في المعادي
وقف كلاً من مدرب الفنون القتالية " خالد العياط " ومعتصم و زينة التي حولت لون خصلاتها للبني حتي لا تكون ملفتة للأنظار ، بعد أن أستمروا لساعة كاملة في تدريب قاسي علي ما تعلموه خلال الخمسة الأشهر الماضية حتي تمكن الأثنان من هزيمة خالد أخيراً ، جلست زينة علي الأرض بتعب و هي تلقي بعصاتاها الخشبية علي الأرض و كذلك فعل الباقيين ، و تحدث خالد بهدوئه المثير للأعصاب :
- هتفضلوا هربانين كده كتير ؟!
أنت تقرأ
عاشقي المخاطر
Mistério / Suspenseلم أكن أعلم أن ركضي وراء الفساد و رغبتي في التخلص من كل فاسد و تحقيق أنتقامي سيكون خلفها كل تلك الحقائق و الكوارث ، دائما ما كنت أسمع مقولة " الصحافة هي مهنة البحث عن المتاعب " ، و لكن ما أن بدأت الأمر حتي علمت أن المتاعب تأتي لجواري في كل خطوة أخطي...
