#قدر_مكتوب
للكاتبة ام مصطفى
البارت السادس
رند
طلعت السيارة سريع كمت اصرخ بس واحد سد حلكي
بقيت ارافس برجلي كلش خفت وارعبت
مشت السيارة واني حلكي مسدود وادية تربطت
الى ان وكفت السيارة
شدوا عيوني كمت اصرخ
بس جان مكان هدوء وفارغ مزرعة هيج شي وبيها بيت
دخلوني
وجان يشمرني جوه للغرفة وكال لواحد هاي وصلت جبناها
-اي عاشت ايدكم
ديروا بالكم عليها هاي وراها تل فلوس
ابوها ضابط سابق بنظام صدام وهم سنية
يعني مستحقة الخطف والقتل بعثية سنية
يدفعولها اهلها نطلعها ميدفعولها نقتلها ونشمر جثتها للجلاب
-اني سمعت هيج واني كمت ارجف جسمي يرجف مثل السعفة ياربي دخيلك خلصني الاهي سيدي ومولاي نجيني
يامن نجيت يونس من بطن الحوت
جرني واحد ودخلني للغرفة وفتح عني الوصلة الي جانت ع عيوني
جان اكو بنية هم موجوده كاعدة تبجي
عافتي وقفل الباب وراح
جنت ابجي وارجف حيل خايفة مو بس خايفة شبه ميته
البنية كالت تعالي اكعدي لا تخافين ربج موجود اني هم صار يومين خاطفيني واهلي لهسه مدفعة دية
كعدت يمها
كتلها منو ذول وليش ديخطفون بينه
-عصابة ذول يردون فلوس
-انت سنية
-ليش تسئليني هالسؤال
-مو اني سنية وسمعتهم يكولون سنيه وابوها بعثي
-ههه لا مو شرط اني شيعية ومن الشعلة
بس اهلي عدهم فلوس وعقارات وخطفوني من باب الكلية حبيبتي ذول عصابة لا يعرفون سنه ولا شيعة ولا اصلا يمدون للاسلام بصلة
-اني حيل خايفة
ضليت ارجف وابجي
-انت منين
-من الغدير
-اهلج عدهم املاك
-اهلي ماتوا بحادث سيارة وبقيت بس اني عدلة
-عندج ورث املاك
-اي
-اي شوفي ذول عصابة يردون فلوس
ان شاء الله اهلج يدفعولج ديه واتخلصين
-كتلج اهلي ميتين
-لعد وين ساكنه انت
-وي عمتي لو عد عمامي متنقله من بيت لبيت
-ها خطية حبيبتي بس لا تخافين
صرت بصفة
كلش خايفة يكول نشمرها للجلاب اذا مدفعوا اهلها فلوس واخاف عمامي ميدفعون فلوس ويذبوني للجلاب
-لا ان شاء الله يدفعون تعالي بصفي
كعدت يمها وجلبت بيدها جانت اكبر مني بس حسيت بامان يمها
صار الليل
دخل واحد اشر علي تعاي
باوعت ع البنية وجلبت بيها
كال كومي احجي وي اهلج يله
ضليت ع كعدتي ماكمت ابد
اجة جرني جلبت بيها عفية ساعديني اخاف يذبحوني
جرني حيل وعاط بية امششششي
كام يسحلني سحل واني اجلب بالكاع واصرخ الحكولي ساعدوني راح يذبحوني
بس محد ميسمع
الى ان وصلت لشخص كاعد ع كرسي
كال كافي وطلع مسدس
ترة طلقة واحطها براسج بله كلام
تعاي هذا عمج احجي وياه يدفعلج دية
اذا غالية عليه يدفع المبلغ المطلوب واذا لا
تنشمرين للجلاب
خلة براسي المسدس ودك المبايل كال احجي
عمو امجد كال الو
اني صرخت عمو الحكلي راح يذبحوني
جر المبايل مني
كلة هاي بنت اخوك يمك خلال ٤٨ ساعة اذا اندفعون عشر دفاتر تنذبح
وسده
كال رجعوها
كومني كمت اصرخ عوفوني
ضربني ع راسي حيل وشمرني بالغرفة وكعت ع الكاع
وسد الباب اجت البنية كومتني
الله لا يوفقهم الله لا يرضى عليكم شتردون من عدنا
كومي حبيبتي سوولج شي
جنت ابجي واهز براسي لا
بس ضربني ع راسي وراح يذبحوني اكيد لان عمامي ميدفعون فلوس اكيد اصلا راح يلكوها من الله
-ليش مفهمت
-مو اني اهلي كلهم ميتين وعمامي مربيني
وبديت احجي الها
حيل انقهرت علي وحضنتني والله لو اعرف اموت قبلج ومااخليهم ياذوج لو يسولج شي
ورة ساعة دخل نفس الشخص واشر ع ليلى عرفت اسمها ليلى من الشعلة
ملاحظة
(الاسم مالتها حقيقي ليلى وصح من الشعلة اتمنى تقرة القصة وتوصل الها وتراسلني عن طريق ام مصطفى )
كامت ليلى وجرها من ايدها امشي
جانت حيل شجاعة عجبتني شجاعتها متخاف
كامت
كتلها راح تعوفيني وحدي وترحين
- لا تخافين راجعة الج
جرها الشخص من ايدها حيل وطلعها وسد الباب......
اسراء
تاخرت رند ع غير عادتها للضهر ومرجعت من المدرسة حيل قلقت عليها
اتصلت ع احلام ماكو مجاية الهم
هي جانت يم بيت عمها ذاك الاسبوع
بس لان سامر سافر رحت جبتها واجيت لبيت اخوي المرحوم
بقيت بقلق
ابني بيدي مااكدر اطلع اخذة وياي جانت بارده الدنيا
يربي شسوي اروح وارجع بالبيت
صارت بالاربعة وماكو
كلت مابيها مجال اتصل ع الولد
اول مااتصلت ع امجد
كتلة رند اجتكم للبيت
-لا ليش
-امجد رند مرجعت من المدرسة لهسة
-شنو شكلتي
اي مثل مسمعت
-يعني وين راحت
-مااعرف
-يعني هي هم تتاخر كل مره مت تجي للبيت هنا
-لا ابد والله
جاي اريد اشوف وين راحت بله
بقيت افتر بالبيت قلقة ايدي متاخذ ع شي جنت حاسة صار الها شي
كلما تتاخر يزيد قلقي وخوفي عليها
رند بنتي الي ربيتها طول هاي السنين احبها واخاف عليها اكثر من نفسي
اباوع ع الساعة صارت خمسة وبدت تضلم الدنيا كمت اشيل روحي واطكها
لا هاي هي البنية اكيد صاير شي عليها
اندك الباب ركضت يا الله باكت هي
فتحته
طلع امجد
ها اجت
لا امجد ماكو رند ماكو راحت من عدنا اويلي عليج رنود عمة
وج يمة امانتج الامنتيني بيها ماكو
-اتصلتي ع احلام خاف يمها
-اتصلت ماكو
-ولؤي
-ها لا متصلت
ليش اتصلي خاف يمهم
هي ماتروح الهم يعني
جر المبايل واتصل لؤي رند عدكم
-لا
لعد وين ولت اي ماكو لسه مراجعة من المدرسة
اي تعال
سدة
اندك الباب ركضت
طلعت احلام
اولي لج حلوم راحت البنية مماكو ليهسة شلون بينه كوليلي.
اجة لؤي وسرمد
كالوا بعد ساعة اذا مبينت نروح للمستشفيات
ضلوا كاعدين
دك مبايل امجد
كال رقم غريب
جاوب
ونسمع صوت صريخ
ها رند وين انتي
مااعرف شحجت
شوية وسد الخط
كال رند انخطفت وطالبين دية عشر دفاتر
لطمت ع خدي يمة راحت البنية
-كلة منجن كتلجن الدنيا تخوف والوكت موخوش
جانت يمي اني اوديها وسرمد يجيبها
هسه تروح ترجع وحدها
وهذا الي صار اكيد تنخطف احنة بفوضى لا قانون ولا امان وبس خطف وسلب ونهب
-امجد عوف اللوم سويلنا حل رند لازم تطلع
-شتردين اسوي
ادفعوا الفلوس
-ومنين ندفعمن عدكم مو بنت اخوكم ومحتاجتكم هسه
-بس ماعدنا هيج مبلغ
-بيعوا واحد من البيوت وطلعوها
-من كل عقلج هاي انت حتى لو دفعنا فلوس يقتلوها متعرفين صارت طائفية واكيد يعرفون احنه سنة وخطفوها
-عفية امجد ادفع فلوس وطلعها ابوس ايدك
اني ابيع شعندي من ذهب واطي الها
-لا اتعبين نفسج فلس ماادغع هي ميته ميته ياخذون الفلوس ويذبحوها
رند
طلعت ليلى واني ارجف باقية من الخوف
اذكرت بيبس اذا مرت بشدة كامت تردد
ربي مسني الظر وانت ارحم الراحمين
كمت ارددد
شوية ودخلوا ليلى تصرخ وتبجي وهدومها مشككة
رحت لزمتها شسوولج ليلى ضربوج
-وج ياريت ذابحيني ومخبصيني
لج اخذوا شرفي اثنينهم بطريقة وحشيه عذبوني تعذيب
شكلة لخطيبي هسه اويلي يابة ياريت اموت واخلص ولا هالمصيبة
من كالت هيج واني اعتكفت ع الحايط خليت راسي بين رجلي وارجف خوف
ثاني يوم ولياى محد دفع الها ولا اني
كاعدين بس نبجي وخايفين
دخل هذا الشخص جان اسود طويل
كال بعدلج شي قليل ونسوي بيج مثل مسوينه بليلى ويضحك
كمت ابجي وارجف ربي ساعدني
لليل واسمع صوت رمي قريب كلش عبالك صارت جبهة
وللحكاية بقية ام مصطفى
