#قدر_مكتوب
للكاتبة ام مصطفى
البارت الرابع عشر
طلعت ام حسام من البيت
وعمي نفس الساعة جاب محامي واوارق البيت وكال يلة تنازلي واني اتنازل كتلة اتنازل عن واحد ويطلع اتنازل عن الثاني
ميخالف
تنازلت عن البيت الي كاعد بي عمو امجد لان ايدي متطيني اتنازل عن هذاك البيت اخاف يبيعة كلت يطلع والف حل الها
بوكتها الليل منمتة بس ابجي والله عيني مغمضت عن حلفت اللة نمت ثواني واحلم بي وافز حبيبي شلون حالك هسة
ضربوك اذوك
نايم كاعد جوعان عطشان
كلة بسببي ادري بيك تاذيت هواي سامحني عمري لازم ابتعد عنك وتشوف حياتك
لازم واحد من عدنا يضحي
وانت هواي ضحيتلي اجة دوري اضحيلك
جنت ادون كل هذا بدفتر ذكرياتي
اكتب وابجي
دك الباب سرمد
منو
اني
مسحت دموعي
فوت
وكف بالباب واجتف وانتجة ع الباب
-كليلي شستفاديتي هسة فهميني
ليش استعجلتي ليش
-ماعندي غير حل ابوك سد كل الطرق بوجهي
احبة ومااكدر اعوفة
-شلون كدرتي تنامين يومين بفندق وي رجال غريب
-حسام مو غريب حسام اقرب واحد الي هو روحي من الدنيا ابقى احبة لاخر يوم بعمري لو الف رجال ميعادل اظفر من اظافرة
حسام مقبل يدخل للفندق قبل مايعقد علي حسام يخاف علي اكثر من نفسي
-طلعتي ملاك نازل لو يحبج ميشجعج ع الروحة وياه ولا يزوجج بدون علم اهلج جان صبر
يصبر شوكت لحد ابوك يزوجنا
سرمد مالها حل غيرها
-وهسة حليتيها لو عقدتيها
دنكت وسكتت
-حسام اطلب منك طلب طلع حسام انت ضابط وعندك معارف طلعة ابوس ايدك
واوعدك اكطع علاقتي بيه نهائية
بس خلي يشم الهوة ويرجع لدوامه
-لهدرجة تحبي
-واكثر اني اليوم كلت العمو اتنازل عن البيوت واطلك من حسام وازوج سرمد بس طلعة
هو وافق واتنازلت عن هذا البيت
سرمد بداعت العشرة
البيت الثاني راح اتنازل الك بس متبيعة خليه النه
صار
بس زواج ماازوج اني مااخذ وحده كلبها معلق بغيري
-انت كول لعمو اني ميهمني شي بس يطلع زوجي حسام
-ان شاء الله
ثاني يوم
عمو تنازل صدك وطلع حسام
واول مااجة اجاني للبيت تفاجئت بجيته
طلعلة عمو
شتربد جاي
اريد مرتي
ماالك مرة ورند طالبة الطلاك
-مستحيل رند تطلب طلاك رند تحبني
-باوع تره والله ارجع اذبك بالسجن طلكها وخلصنا
مااطلك ومرتي اريدها مااروح اذا مااخذها وياي وشتردون سوو تقتلوني عادي هذا صدري
-انت مجنون متفهم نكلك البنية هي طالبة الطلاك
-اسمعها منها اذا هي فعلا كالتالي بلسانها طلكني هسه اطلكها
جنت اسمع. وابجي واملخ بنفسي
نزلت
حسام والله علمودك ادري بيك راح تتاذى هواي مني طريقنا مسدود
حسام طلكني وشوف دربك اني راح ازوج ابن عمي سرمد
-اولا شبيه شعرج وينه منو هيج مسوي بيه
-عوفك من شعري هو ضلت عليه اني كلبي خلصان من الضيم
-مااطلك ادري بيج جابريج ع هذا الكلام
-لا محد جابرني اني ختاريت هالشي
حسام اذا تحبني طلكني
-ولج شلون مااحبج بس مستحيل
-لا مو مستحيل
مسحت دموعي ودرت وجهي طلكني
عمو صاح خوش دراما هاي
اكلك
راح ادز سرمد يجيب سيد ويطلكم وخلصنا رجائا بدون مشاكل
-ولج رند صدك تحجين انت شبيج احجي
جرني من ايدي حيل ودارني
ليش تسوين هيج ادري ضاغطين عليج معليج بيهم هسه اخذج واطلع ومالنا علاقة بيهم انت زوجتي وهذا عقد السيد عندي
-كافي حسام اكلك طلكني
عمو دز سرمد يجيب سيد
وبسرعة اجة وساعة حسام يحجي ويتوسل بية واني قافلة طلكني
اخر شي كتلة كوه مااريدك طلكني
كام وكف
وطلكني والسيد شاهد
باوعتلة وكمت ابجي بصوت
كتلة حسام وآلله احبك اموت عليك بس لان احبك لازم ابعدك من طريقي الي متروس شوك حبيبي ربي يوفقك بحياتك لو ازوج عشرة ماانساك
جان سرمد يسمع بس ضايج وعيونه صارت ب اسة
طلع حسام
واني اسبوع بس ابجي
اجن عماتي حاجني مفاد
جنت كاطعة الاكل والشرب
انتهيت والقران عشت شهر ع المغذيات تمنيت اموت والحك اهلي واخلص
ليش مامتت وياهم ليش بقيت بهاي الدنيا الغبرة
من يومها نكطعت اخبار حسام وماشفته ابد ولا خابرته .مبايلي اخذة عمو
وكلية تركت ماداومت وباب الحوش عمو ح مو علي
تنازلت عن البيت الثاني لسرمد
صارت حياتي عبارة عن حزن
لهيت نفسي بالمسلسلات تخلص وحده اديرة ع الثانية
ماتطلع من غرفتي بس للاكل
جانوا يحسبون للعده كل ضنهم واصلني حسام بس اني مالي خلك اكللهم بعدني بنية
عمو تعارك وي سرمد وطرده من البيت لان ماقابل يزوجني
وصارت مشاكل
الى ان كال راح استر عليها سنه وبعدين اطلكها
عمو كله ميخالف هسه منا لبعد سنه مدري ميتين عدلين
وبدوا يجهزون للعرس
واني جسد بدون روح
جابولي بدلة عرس احسها جفن
واخذوني نعيش بذاك البيت
من اول يوم كلمن نام بغرفة ماحااول يتقربلي
جان يعاملني مثل اخته ومتحذر مني
وللحكايةبقية ام مصطفى
