#قدر_مكتوب
للكاتبة ام مصطفى
البارت التاسع
رند
عمتي اسراء اجتني ثاني يوم
-تعالي رند فهميني منو هذا الي تحبي وين عرفتيه
-عمة متعرفي
-وانت منين عرفتي ولج بعدج وينج ووين الحب عزه بعينج التهي بدروسج
-عمة والله حباب ومؤدب ويحبني ومابينا بس مكالمات وواعدني بس اكمل نزوج
اصلا هو يتمنى اليوم قبل باجر يتقدملي
بس اني ااخر بي اكله اكمل دراستي يلله
-منو هذا احجي
مو اكلج متعرفيه ولا اني اعرفة واحد بالصدفة تشاوفنه وصارت نظرات بينه
-عزه رند شلون هيج تامتين بمنو الجان
ولج لو يسمعون عمامج يذبحوج
-عمة شمسوية اني والله كولشي ممسويه هو بس كلام بينا
-لج ذول يلعبون ع بنات الناس يسلون شلون تصدكين بمنو الجان
-لا عمة حسام غير والله يحبني ويخاف علي واحس بامان وياه
تدرين اجل هاي السنه ومداوم كلية علمودي حتى نداوم سوة ونتخرج سوه يكول مااريد اعوفج
-ماادري اشوفة يله
-يي عادي باي وقت
اتصلي بي خل احجي وياه
ابتسمت مو تدللين والله راح تحبي اكثر مني حباب ومؤدب ويشتغل بمطعم يكول احسن مكاعد اطلع مصرف
-ليش يشتغل حالتهم ضعيفة
-ابو متوفي واخوه منتسب بالشرطة
وعايشين ع تقاعد ابوهم وراتب اخوه
وعدهم بيت ملك هنا بالغدير
مناقصهم شي بس هو يحب يشتغل
-ماشاء لله تعرفين كولشي عليه
-اي صار ٣ سنوات علاقتنا كولشي اعرف
-اتصلي اتصلي
اتصلت بي بسرعة جاوب
ها حب
جنت فاتحة مايك
ابتسمت وباوعت ع عمتي بخجل
-حسام عمة اسراء تريد تحجي وياك حجيت الها عليك حتى توكف ةيانه
-اي انطينياها
هاك
الو السلام عليكم
وعليكم السلام ورحمة الله وبركاته
شلونك
من الله بخير
-رند حجتلي عليك وحاولت تقنعني بس اني مااقتنع اله اشوفك واسئل عنك واعرف نواياك
-خالة اني من ناحيتي امني رند بعيوني لا بنص كلبي اخاف عليها اكثر من روحي ولا عبالج من ذول الشباب الي يلعبون ع البنات ويسلون
لا والله ماعندي هيج احبها ونيتي الزواج بس منتضرها تكمل دراستها واذا تقبلون اجي اخطبها باجر اجيب امي واجي
-اريد اشوفك اكعد وياك
-حاضر اي وقت
-بعد ساعة اريدك ب ..... تندلة
-اي اندله اكيد اني ابن هاي المنطقة
لعد انتضرك
ان شاء اللهسديته منه
كالت كومي البسي
-وين
ترحين وياي
ليش
لعد شلون اعرفة اني امشي البسي
-صدك همزين حيل مشتاقتلة
-لج اشو ماكو خجل
-عمة فديتج انت ماتخجل منج انت اختي وحبيبتي وصديقتي
-اي اي اكلي حلاوه براسي اويلي عليج يله امشي ملعونه
لبست ع السريع فرحاانه راح التقي وياه صار كم يوم مشايفة
نزلنا جوه
عمو شافنا
وين رايحين
-ماخذة رند اشتريلها كم حاجة من المول
-ها مو تتاخرون
-لا منتاخر ساعة ونرجع
طلعنا عمة اسراء عدها سيارة صعدنا بيها
جان المكان قريب
كعدنا بداخل المكان جوه
دك علي
كتلة جوه تلكانه صعدتا طابق ثاني كاعدين ع الميز
-اوكي راح اصعد ابقي وياي
شفته اشرتلة سد الخط
عمة اجة اجة
-وشبيج شاكة حاكج اثكلي شوية الثكل حلو للبنية
احبة عمة
اسس راح يسمعج اثكلي
وصل يمنا
-سلام عليكم
وعليكم السلام
تفضل شكرا
باوعت علي
هو ابتسم
اني وين شايفتك
-هههه اذكري زين ست اسراء
-ها انت طالب عندي
اي اي حسااااام ياعيني حبيبي هيج كبران
-فرصة سعيده ست اسراء
باوعلي غير تكليلي عمتج اداوم بمتوسطة ....... للبنين
عمة باوعتلي
لج هذا من اشطر طلابي واعقلهم صدقة لله كبران ولك سبحان الله صدك الدنيا صغيرة
بقت تسئل ع امة
امك شلونها
الحمد الله دائما تسئلني عليج
وين بذات ولا بعد اجيت وسئلت
والله ست ملتهي من الدوام للمطعم
-وليش ماجل السنه ولك انت شاطر حرامات تروح منك سنه
-كلشي لعيون رنود يهون
باوعتلي عمتي اي عيني ليش لا
-عمة لا تخجليني
-اويلي شوف الخجل
لج هذا طالبي حسام انت اسئليني عليه
التفتت ع حسام
-تحبها الله عليك
-اعشقها والله ست اخليها بعيوني اشتغل واسوي سلف من هسه حتى اوفر الها العيشة الي تليق بيها وان شاء الله مااقصر
-ربي يوفقك حبيبي بس هي ممحتاجة عدها اليكفيها وزيادة
اني معلي بالي عدها الي عدها الها
اني علي اوفر الها احسن عيشة تستاهل حبيبتي رنودبقت عمتي تسولف وياه
طلب عصاير النه وشربنا وكمنا
سلمت عليه وراح
طلعنا لمحلات ملابس اشترتلي عمة شغلات وملابس
-ها عمة شنو رايج بيه
والله ولد مؤدب واعرفة من زمان جنت اخذة علوم جان اشطر طالب
عمة هسه شنو
ماتعقد عمج امجد ؤقبل
انت عمة صيري وياي ولا تعوفيني اني حسام احبه واقرب شخص صار ع كلبي
الله كريم حبيبتي
رجعنا للبيت
عمو تلاكاها اغمة اسراء وفتح موضوع الزواج
-امجد كلشي بالتراضي اذا البنية مرايدته ليش،تجبرها علي
والله ااخذه وغصبن ع راسها وهالايام اريد اسوي خطبة
-انت بكيفك تقرر اكلك البنية متريده جبر خونا جبر
اي جبر
امجد احنا بقرن ٢١ بعد ماكو جير تره
-تتعود عليه بعدين وتحبة
-الله كريم منا لحد متكمل دراستها
-لا نخطب وتكمل ع راحتها عود
ميصير هيج كوه خوما كوه
-عوف البنية ع راحتها تره اني اعرف ليش مصر ع هالشي ادري بيك ع عمود البيوت
لا تحاف ميرحن منك خلي البنية تكمل والله كريم
-بس سرمد تخرج وتوضف واريد ازوجة
-وهي بعدها ممتخرجة ترة من حقها تكمل
-يعني مبدئين انت موافقة بسرمد
-وشبي ابن اخوي ليش مااقبل عليه بس مو وكتها
خلص لعد خليها تكمل
صعدتلي عمة
عمة ليش كتيله هيج ليش املتيه
-حبيبتي بس خل يخلص متج
ولكل حادث حديث .....
واستمرت الايام
ونجحت طلعت معدل زين
ورحت هندسة
ورحت كلية الهندسة واكيد حسام راح وياي
وداومنا سوه احى ايام
وبيوم سمعنا صوت انفجار كلش قوي
نزلت سمعتوا صوت الانفجار
-اي سمعنا هذا كلش قريب
اي صح
لمن سئلت عمة فيس وين الانفجار
كالت يم مطعم ......
اني كالت هيج لو الدنيا افترت بية لا لا هظ راح اودع بع. مكافي اهلي وبيبي
دخل سرمد كتله وين الانفجار
كال يم مطعم .....وصايرين تشريب العمال خطية
اني سمعت جان اوكع ويغمى علي
وللحكاية بقية ام مصطفى
