#قدر_مكتوب
للكاتبة ام مصطفى
البارت الثامن عشر
طلع
وكعدت اجمع بالصور اريد الزكهن
اباوع ع صور حسام وابجي ياربي مو بيدي شسوي من اشوفة كلبي يرجف ورحي تروح
ياترى وين صفى بيك الوكت وين رحت وين انت ازوجت بعدك
اذا ازوجت الله يوفقك واذا بعدك الله يجبر بخاطرك
عمري انت 💔😢 سامحني
لميت الصور بعلاكة وذبيتهن بالزبل وابجي عليهن اروح وارجع
هاي تالي الحب اشمرهن بالزيل اووف
بقيت بالبيت للعصر مابين
ساعة الومة وساعة الوم نفسي يربي تعبت قابل هي شغلة بيدي يناس يلعالم والله الحب الاول مينسي اذا جان صادق ومن طرفين قابل اني بيدي يربي ساعدني
خليت ايدي ع بطني اتذكرت الطفل
مااريد يجي للدنيا وينحرم من ابوه مثل ماانحرمت
لزمت المبايل دكيت عليه ميجاوب
رجعت دكيت ماكو
خابرت ع عمة اسراء
الو عمة وكمت ابجي
-ها رند شبيج
عمة تعبت ساعديني
-شنو شبيج
سرمد يشك بيه لهسه
ليش شصاير
-لكة صورنا اني وحسام بالكنتور
-وانت ليش محتفضة بيهن مو ازوجتي وفتحنا صفحة جديده
-ماادري ايدي متاخذ اذبهن لو احركهن عمة صعب صعب والله بس هسه ذبيتهن بابزبل
عمة والله اني هم احبة لسرمد اصلا حسام شي انتهى وراح بقى بس ذكريات
-رند انت متحبي لحسام
-لا احبة والقران بس هو شكوكي ودائما يظلمني وكل ما حجة وكال اني سترتج
اني هاي الكلمة تنرفزتي ترة اني معايبه ولا ناقصني شي وكل بنيه تمر بتجربة حب ياتنجح يا تفشل وتمشي الحياة عادي
-وكلادته ليش منازعتها
-منو كلج سرمد خابرج
-اي
-هسه ذبيتها راحت
-هو كطعها مو انت ذبيتها شوفي رند مثل ما انت بنت اخوي سرمد هم ابن اخوي
انت غلطانه وانت انت بعدج تحبي لحسام لذالك الولد مايتقبلج بعد ويريد يطلك
خابرني يكول خل تلم ملابسها وترجع لبيت ابوي ويسلم البيت لاصحابه ليش يدفع ايجار باقي
-لا عمة فدوه صدك تحجين يطلك شنو اني احبة وتعودت علي اني مقصرة وياه يشي والله ماقصرت ابد اذا ع الصور ذبيتهن
-وج بنتس هي مو مسئلت صور
انت تحبي لو لا
-اي احبه بس هو حيل مزودها كلش وعصبي ويشك وبسرعة يبيعتي عبالك يريد حجة كل ماحجة وكال راح اطلكج راح اهج ليش هو مو واعدني يتحملني
يعني من بديت انسى واتعلق بيه يريد يعوفني
-رند حقة تره الولد يغار ويحبج
-ع منو يغار ليش هو وينه ويغار منه شي انتهى وراح بقى مجرد ذكرى والصور وراحت بالزبل..
ماادري هسه ارجع اتصل عليه
عمة خل يجاوبني تره تعبت وحتى بطني توجعني كامت هسه ما يخاف على ابنه بله ميخاف علي
-ولج رند الطفل لا يصيرله شي عزه بعينج
-متكليله لابن اخوج كل شويه مهددني راح اطلك راح اهج واني سترتج
والله مال واحد ينتحر احسن ولا هالذلة
ويكلي ليش محتفظه بصور حسام
لان ذاك يحبني من صدك مو يدور حجج
-انجبي ولا اتجيبين اسمة الف مرة كايلج لا تجيبين اسمة
عززة عمة سرمد يمج
-اي يمها وفاتحه مايك وسمعت كل الحجي والله اذا الطفل صارله شي موتج ع ايدي
وسد الخط
يبووي اجيت اكحلها عميتها
اوف والله مااعرف شسوي يربي
رجعت خابرته
جاوب
-شتردين
-اسفة بس ارجع للبيت والله مااكدر اعيش بدونك
-ليش؟تحبيني قابل
-لعد ليش مااحبك
-اثبتيلج ع راي
-والله احبك بس انت شكوكي وتغار وخربت كل حياتنا بشكك هذا
-هسه طلعت اني غلطان
-اي غلطان وشنو واذا شفت صور هنه صور شدعوه هالغيرة هاي بسرعة تبيعني كل مااحجيت راح اطلكج وين الحب بعد
الي متمسك بيك لو الي بايعك
-انت محاسة الشعور الي احسة ممجربه شنو نار غيرة حقج هيج تحجين
-سرمد ارجع للبيت كافي والله تعبت وبطني توجعني
راجع بس مراح ارجع نفس قبل راجع شخص ثاني
-شلون يعني
-يعني مراح اغار بطلت
-اي وهو هذا الي اريدة
رجع بس رجع يعلمني درس ماانساه
اول مااجة صالحتة وذبيت اللوم علي وشدعوة تغار وشصار هو وووو....
جان ساكت واحسة ضاملي شي
بعدها تغير صدك
يدخل المبايل ميوكع من ايدة لو يخابر لو يراسل
يتاخر بالليل يجي مجان هيج ابد
مرة دخل للبيت ويحجي واني جنت واكفة يم باب المدخل
جانت صوت بنيه تحجي
كلها يله فتت للبيت بعدين اخابرج
سده
واني احس نار اشتعلت بيه
صرت كبالة منو هاي
-منو ويتلفتت
-ويامن تحجي
-ملك احجي وياها
-بس هذا مو صوت ملك
-شنو يعني اجذب عليج
-اطيني المبايل خل اشوفة
-شنوو .شنو اطيج مبايلي فوتي فوتي سويلي غده عندي موعد اريد اطلع
-موعد شنو وويامن
-وانت شكو تسألين يلة فوتي
-دخلت لو متت فلشت المواعين اصبب واركع بالجدوره صرت نار
صاح شكو شصار تتعارين وي الجدورة
مجاوبته
طلعت الصينية لكيته مغير ملابسة ويراسل
حطيت اللاكل وعينه بالمبايل مامهتملي
مد ايده وياكل ويباوع ويراسل
خلص كام ولا يباوعلي ولا حجة كلمة ابد
حضريلي ملابس البارحة اشتريتهن كويتيهن مو
-اي
لعد طلعيهن خل البس
طلع بالكراج رحت وراه اركض
كام يخابر
-اي حبيبتي ربع ساعة يمج
رجعت ليورة
وكعت دمعتي واحس معدتي كامت تكلب
رجع
ها وينج
خليتله الملابس وبحركة بدون حجي
لبسهن وتعطر وطلع
اويلي كعدت بس ابجي منو هاي وراح يمها هسه طلعوا لزمها ضحك وياها
متت بجي..
والغيرة والتفكير موتني
لنص الليل اني وحدي
فات هو يمكن بالوحدة يغني وفرحان
ذب السويج ع الكومدي
ونزع قميصة
جنت نايمة ع الجرباية
تحركت
-كاعده
-اي
يله فايت اسبح جيبي ملابسي وراي
نزع ملابسة ع الجرباية وراح للحمام
كمت شغلت الشمعة
شلت القميص جان اثار حمرة ذيج هي مبينه طبوع بيها كانما يكلي شوفي
شمرته بالكاع وادوس عليه
-فات هو
هاي ليش دايسة قميصي
دنكت شلته
-هاي شنو الحمره البيه
-ياحمرة شبيج تخبلتي منين جبتيها هاي
اني اسئلك منين اجت ع قميصك
-ماادري ماادري لاتسويها قصة امشي جيبي ملابس خل اسبح
جان يتصرف ابرود وياي واني نار
بقى ع هابحالة مدة جنت اسمع صوتها من يخابرها وضحك وسوالف ويجي نص الليل
وعينه مبايله ليل نهار
تعبت نفسيتي والله كرهت روحي
من احاجيه يجذبني
الى ان مرة اجه سكران
-عزة سرمد وصلت للسكر كمت تشرب
-اسكتي انت ساس البلة انت انتي خليتيني بهالدرب وخري مني
ودفعني حيل لزمت الحايط
كاك يصيح ويكسر
ختلت بالغرفة وكعدت اندب حضي الماكعد يوم
الى ان نام ع بالكاع
كمت لكيته نايم بالصالة ومكسر التحفيات
عفتة ونمت ع القنفة اليمة
فز الصبح قبلي
-رند كومي ليش نايمة هنا
باوعتلة وبجيت
كومني كومي ع جربايتج نامي
اني راح البس واتريك برة
باوعتلة
سرمد مكافي شوكت ترجع مثل قبل ترة تعبت حيل
صفن بوجهي
بعدين كال واني شمسوي قابل انت تشكين بيه وتغارين زيادة عن اللزوم
اذكرت احجايتي اله
احسة ديرجعها الي
-ترة اني مسويت الي سويته ابد ادري بيك جاي تعاقبني وتكلي شوفي
اني حبست حبي بداخلي وحاولت انساه وفعلا بديت انساه ومخنتك ابد الله يشهد علي
انت الي جاي تسويه خيانه واني تغبت هالمره اني اطلب تطلكني كافي مجاي اتحمل بعد اكثر
-جربتي شعور الغيرة شفتيه
-هاي مو غيرة هاي خاينه انت جاي تخوني واني عمري ماخنتك انت جنت تغار من الاحساس من الكلمة
وتسويها مشكلة
شوف نفسك شجاي تسوي
سهر ومخابرات وطلعات واخر شي شرب
ولهنا وكافي خلي حد لهاي سوالفك
وللحكاية بقية ام مصطفى
