#قدر_مكتوب
للكاتبة ام مصطفى
البارت السابع عشر
سرمد
اذا دكولين لا كلمن يروح بطريقة
باوعتلة
بكلبي اكول مااكدر صعبة والله الحب الاول مينسي ابد خصوصا اذا الحبيب ضحى الج وحبج من صدك مثل حسام سوه المستحيل علمودي ..
باوعتلة هزيت راسي الله كريم احاول انسى
-تحاولين يعني لهسة تفكرين بيه
-مااريد اخدعك ولا اكذب عليك اني مناسيته ابد وصعب انساه بس صدك جاي احاول انسى وابدي صفحة جديدة وياك وان شاء الله تعوضني عن الحرمان الي شفته والحب الي فقدتة
تقرب الي اذا الحب موجود بهذا واشر ع كلبه
واذا ع الحرمان بعد متشوفين شي اسمة حرمان مدامني موجود
رند اهم شي توفيلي اهم شي تنسين الماضي وتذبيه وراج
-ان شاء الله بس تحملني وساعدني ع هالشي
ابتسم والله لنسيج روحج
جرني لحضنه وحضني حيل
راسا اذكرت حسام من نمت بحضنه بالفندق نزلت دمعتي يربي موبيدي مااكدر انساه احبة
شافني بجيت
-لا تبجين والله لعوضج عن كل الي فات وصار
تعالي احجيلج
وكعد يحجيلي عن السفرة مالته وشلون خلصها
اخر شي كلي تدرين هناك مرحتي من بالي ولا دقيقة تدرين اشتلقيتلج حييل
واكتشفت اني احبج واحبج وهاية وكل الي سويته وياج جان بدافع الغيرة
دنكت راسي مااعرف شحجي بس مااريد افشلة
ابتسمت بوجهه
-اي والله احبج رند اتمنى تبادليني نفس الشعور
-اني هم اشتاقيتلك ومكانك جان خالي وجنت هوايه افكر بيك اكول لهسة عبالة اني خنته بس وروح امي
-اسسس انسي الماضي لا تفتحين مواضيع قديمة
تعالي
اني تعبان اريد ارتاح ع ايدج
طفة الكلوب و اخذني وياه للجرباية ...... .......
ومن هاي الساعة حسيت شي ربطني بي
اول شي سواه
اجرلي بيت بشارع فلسطين بعيد عن بيت اهلي واهلة
وثاني شي سواه خلاني ارجع اداوم بس رجعت قدمت ع غير اختصاص وغير كلية
-رند انطيتج ثقتي وبديت وياج صفحة جديده ونسيت كل الي صار بس لان احبج ومااريد اخسرج اتمنى انتي هم تنسين كولشي
-حسام والله جاي انسى
-لا هواي نسيتي وانتي تصيحيلي باسمة
ماصارت هاي
كام يضرب ع الستيرن مال السيارة جنه بوكتها راجعين من الكلية
-كليلي شتاقصني شنو الي بيه ومابيه انت ماكو فايده منج
-اسفة سرمد والله طلعت لا ارادية
-ادري بكد متفكرين بيه
حرك السيارة بالسرعة وصار عصبي
-اوف يلساني شجاني هسه اني يربي ساعدني اريد اعيش حياتي اريد انساه كافي
نزلنا من السيارة
فات للغرفة ضاج
اجيت وراه
-اسفة
مشال راسة جان مدنك
-والله اخر مرة
سرمد حبيبي عيوني انت
باوعلي متعجب
-يي والله احبك وحسام شي انتهى وراح
رحت كعدت بصفى
اني ماالي غيرك هسه انت سندي وابن عمي وزوجي وحبيبي هم
-والله احبج واغار حيل تعبت رند كافي مجاي اتحمل
-اوعدك هاي اخر مره تسمع اسمة بعد شتريد بسته اسفة
-يلة كومي سويلنا غده
-هاي صار ساعة احجي حلو وابوس تالي كومي زعلت
-لعد شتردين لا تلعبين علي
-مااء احبك
-تعالي لعد
-شنوو شبيك راح بالك بعيد جيبلنة اكل من برة
-ام بطن هيج صارت اني الج
شال المخده وضربني بيها
ركضت كام يركض وراي وين ترحين مني
اتختل من مكان لمكان
اخر شي فاتلي من باب الصالة وصار بوجهي لزمني وشالني للغرفة
بديت اتعلق بيه وصدك احبه اني محرومة من الحب والحنان ومصدكت لكيت حضن دافي يلمني
رجعت اداوم واحس نفسيتي ارتاحت وعشت احلى ايام هاي المرحلة
بدت تبين عندي اعراض حمل بس مكلت لسرمد
من الكلية وطلعت سويت تحليل
وجانت النتيجة حامل
طرت من الفرح راح اصير ام واخيرا راح يصرلي سند بالدنيا احلى شعور هالشعور شعور الامومة واول حمل الج
رجعت للبيت
جبت كيكة وحلويات ونفاخ ونشرات
ترست البيت بيهن ولبست فستنان وخليت مكياج وكعدت
دخل سرمد
تفاجأ شنو هاي
اليوم شكد بالشهر شنو عيد ميلادي
طلعتلة من الغرفة
لا مو عيد ميلادك
-باع الجمال لج لعد شنو عيد زواجنا
اجيت يمة وبدلع احجي
لاءء
-شكوو احجي لا تحركين اعصابي
-احزر مااكلك
احجي
ماءءءء واتمايل الة
-اني اكلج شنو شالني للغرفة
مسويتلي جو حلو لعد
ع كيف ع كيف لا شيلني اخاف ع ابني
-شنوو
-ييي سرمد حامل اني حامل
-
الله صدك تحجين
-اي
كام يفتر بيه
-يااا سرمد لا توكعني
-لا لا خل انزلج
اكعدي حبيبتي منا وهيج اني خامدج
نزع ملابسة العسكرية
ولبس تراك
شتردين اسويلج حبيبتي اني حتى من الدوام اخذ اجازه
-ههههه شكو سالمين
-اي اخاف عليج وع ابني
-شنو قابل اول وحده حامل وتشتغل هاي شبيك شعندي قابل اني
-رند اخاف ع الطفل متدرين شكد فرحان هسه
-لا تخاف حبيبي اني احرص منك تره عليه .....
سرمد سوة احتفال وعزم بيت عمي وعماتي
وكلها اجت تبارك النه
جنت حييل فرحانه بالحمل
بيوم اجة سرمد من الدوام
كال اريد عقد الزواج يردونه بالدوام هو والمستمسكات
حبيبي روح انت دورهن بالكنتور اني جاي اسوي اكل اخاف اعوف الجدورة وتحترك
زين راح
وكفت اطبخ
وسرمد يدور
شوية وصار وراي
هاي شنووو
التفتت عليه لكيته عيونه حمر ويرجف من العصبيه
شنوو
وباوعت ع ايده
بيدة صورنه اني وحسام بالكلية العلبة كلها جايبها
-هاي شنوو.
-صور عادي
-والمن محتفضة بصورة لهسه وليش جايبتهن من ذاك البيت
-هاي ذاك اليوم من كلتي رايحة انظفة جبتيهن مو
-لا من زمان هنا
-جذابة اشتاقيتيله حنيتي اله
لزمني من ايدي
احجي
-اخخخ شبيك سرمد
-انت متصيرلج جاره ابد انت وحده متستحين لج فوك ما اخذتج وسترتج ودللتج انت شنوو ماعندج احساس
-شبيك سترتني شنوووو اني مو عايبه وتكلي سترتني واعتقد شفتني بعدني بنية ومحد لامسني غيرك
كافي انت وامك شوكت مشوفني تكلي سترتني اني اشرف وحده وحسام جان اشرف واحد شفته بحياتي يومين متقرب الي يخاف علي
بعد شنو سترتني كافي
ضربتي راشدي كم مره كايلج لا اجيبين اسمة ولج انت شنوو
ذن شعدج جبتيهن وياج
-صور جماعية مو بس حسام ذكريات
-وهذن شنو مو بس انت وياه ليش محركتيهن ليش محتفظه بيهن وج اني مكرن
وهاي شنو
جر الكلادة من ركبتي الي لهسة منازعتها
كطعها
-وج يوميه اكول باجر تنزعها وتنسى يومية احلم
لابسة اسمي ع صدرج وذابه هاي الكلادة انت ماكو فايده وياج ابد اني غلطان حبيت وحده مثلج غلطان
شوفي رند تجيبين ونطلك بعد ماعندي حل غيرها واني اهج من العراق كلة
-سرمد ليش هيج تسوي والله وداعت ابني هذا الي ابطني حبيتك واصلا حسام ماضي وانتهى
-جذابة لو ماضي جان نزعتيها للكلادة جان شككتيهن للصور ذن
وكام يشك بسهن
لا لا لا ليش تشكهن
-شفتي شلون جذابه
شمرهن بوجهي وطلع
وللحكاية بقية ام مصطفى
