#قدر_مكتوب
للكاتبة ام مصطفى
البارت الرابع
اول يوم اروح بيه لبيت عمي امجد جنت مخنوكة ومقهورة حييل تمنيت اموت ولا اعوف بيت اهلي اجيت مثل الاسيرة احس عدهم
صعدوني بغرفة ملك عمو امجد مخليلي سرير وكنتور طلاقتين الي وحدي
دخل وياي كال هاي انت وملك الكم الغرفة
واثثتها الكم ان شاء تصيرن خوات
واي شي تحتاجين بابا اني موجود لا تخافين هذا بيتج الثاني
-ان شاء الله عمو
فتحت الجنط وبديت اعلك بملابسي وحيل مقهورة اختنكت من اول ساعة شلون راح اعيش العمر كله هنا
كملت تسفيط ونزلت
جانت عمة قبس مرت عمي
تصب بالغدة
وصلت يمها اساعدج عمه
-لا لا مااحب احد يطبخ غيري لو يدخل للمطبخ اصلا وهاي خليها ابالج ابد المطبخ اختصاصي مااحب احد يلزم شي منه
-اوكي ع راحتج
كعدت احس نفسي متقيده ومامخذة راحتي ابد ياربي شلون تخلص ماادري
كلت لعمو الي جان يتفرج ع الاخبار
عمو وشلون ع الدوام مالتي يرادلي خط
-اي اوكي اشوفلج خط يمر بلكت عليج وباجر اني واديج
وبلكت اخلي سرمد يمر عليج بالرجعة
-ان شاء الله
خلوا الاكل جانوا كلش منظمين
نزلوا الولد بهدوء ومريم ياكلون
جان سرمد حيل ثكيل ميحجي هوايه
سرمد اكبر مني بخمس سنوات جان اخر سنه اله كلية عسكرية يصير ضابط يريد
عمو كله
-سرمد بابا باجر اني واوصل رند وانت بالرجعة تجيبها
-بس خاف اتاخر عليها لو تقيدني اني ماعندي وقت محدد
-بابا بس هاليومين على مااشوف خط الها تحمل
-على امرك بابا
كام من الاكل كال
الحمد لله شبعت سفرة دايمة
بهدوء غسل وصعد لغرفته وادم نفس الشي
كلشي بهدوء،ونظام عدهم من يمي اختنكت اوف شلون اعيش عدهم اني متعوده ع هوستي وانام باليعجبني واكل اليعجبني
هسه شلون ماادري
كمت اشيل بالمواعين وي مرت عمي
لان مو من الاصول اعوفها وحده
وبديت اغسل مواعين
وهي تعزل وياي بهدوء
كملت وطلعت صعدت فوك
اففف ضجت
ثاني يوم وصلني عمو
نزلت للمدرسة جنت لابسة اسود ع بيبي
صار كبالي ولد ردت افوت وخر هو واني هم وخرت صار من هاي الصفحة اني هم صرت يبوووي شلون سالفة
اخر شي ضحك ووكف يله فوتي متخلص هاي
ابتسمت وباوعتله شكرا
-يبوووي شهالرمش شهالجمال
عقجت وجهي ورحت ذول صدك مو مال واحد يضحك بوجهم
فتت للمدرسة استقبلني صديقاتي وكامن يعزني
وبالدرس هم ألمدرسات يعزوني صديقتي شهلاء كلش قريبه جانت علي
جانت اكثر وحده ارتاح الها هي
بقت تسئلني ع وضعي وكمت احجيلها
احس فضفضت الها
من خلص الدوام كتلها اني اطلع ابن عمي يمر علي لان ماكو خط عندي
طلعت وكفت اباب المدرسة
انتظرت ماكو
طلعت الطالبات كولها والمدرسات وهو ماكو
بقيت واكفة ياريي شلون
احس صوت وراية منتضرتني
التفتت عليه اشوفة نفس الولد الي شفته الصبح
باوعتله باستهزاء ودرت وجهي
-اويلي يابه شلون عليج خزرة عين
محجيت شي بقيت واكفة
هو مشة وضل واكف بالسايد الثاني
ويراقب
الى ان واكفة اكثر من نص ساعة واباوع ع الساعة عبر هو واجاني
محتاجة شي تردين اوصلج اني خاف المنتضرته ميجي
-لا شكرا هسه يجي اخويه منتضرته
مااعرف ليش كلت اخوية
-اها خاف صار شي تندلين بيتكم اوصلج اني احسن من هاي الوكفة
-لا شكرا
-ع راحتج على العموم اني مراح اروح اله انت ترحين
-عفوا
-مثل ماسمعتي
رجع عبر السايد ووكف كبالي
طبك سرمد يله اصعدي بكل برود
يابرودك يااخي
ليش تاخرت علي
عندي شغل
يعني شنو عندك شغل خو من الاول كله لعمو مااروح اتاخر عليها
اكلج اصعدي هسه
صعدت وسديت الباب حيل
يسوق وساكت واني نار
-صار عندي حالة طارئة صديقي فجأة تخربط وبس اني عندي سيارة اخذته ورحت للمستشفى ومكدرت اعوفة الة اجوي اهله يله
-يي بس ميصير هيج اني واكفة صار اكثر من ساعة بالشارع
-يله مصار شي شغل كاضم الساهر ولا مهتم
واني رجلي وكعت من الوكفة
وصلت للبيت راسا صعدت فوك ع السريع
غيرت ملابسي واجت ملك
رند امي تصيحج تعالي تغدي
-اي هسه نازلة ....
