إكتفى قلبى بكِ

❤البارت الثالث عشر❤

اسفه بااارت قصير بس هعوضها البارت الجاي انشاءالله و هيكون طويل و فيه احداث كتير

..........................................................

وقفنا البارت الي فات عند سدره و ادهم و شروق
نكمل بقا

كادت شروق ان تجيب علي سدره و لكن قاطعها ادهم و هو يمسكها من مقدمه عنقها يهتف بصرامته المعتاده يغلبها بعض المرح:
- حاسس ان بقيت طرطور سيكا

رفعت شروق نظرها له بصدمه و من ثم اخفضت نظرها في ناحيه سدره بادلتها سدره نظراتها و انطلاقا ضحكين علي ادهم

هتفت سدره من بين ضحكاتها:
- دا طلع فاهم الدنيا اهو و مش معقد زي ما كنت فاكره

نظر لها ادهم و هو يرفع احدي حاجبيه:
- فكراني معقد لا كتر خيرك

اخذ شروق ليخرجها:
- طيب اتفضلي انتي بقا يا شروق علشان اشوف الي فكراني معقد دي

تململت شروق منه تهتف برفض:
- لا هقعد معاكوا و اشوف ايه الي هتقولوه مش هعمل اي صوت هقعد هاديه خالص

دفعها ادهم برفق خارج الغرفه يهتف ببرود:
- لا متقعديش اتفضلي شوفي وراكي ايه اعمليه

حاولت شروق الدلوف مره اخري تهتف بعند:
- علي فكره دي اوضتي يعني انتوا الي تخرجوا مش انا وسع بقا كدا

دفعها ادهم للخلف مره اخري و هو يزمجر بعصبيه:
- شروق قولت شوفي عندك ايه يلا

تحدثت سدره من الداخل بخوف:
- لا يا شروق استنيني هاجي معاكي متسبنيش لوحدي

اردفت شروق و هي تمط شفتيها للامام بقله حيله:
- حكم القوي يا اختي مقدرش اعمل حاجه انتي شايفه بعينك ربنا معاكي يا حبيبتي عايزاكي بطل كدا و متخافيش

اغلق الباب بوجهها و يلتفت لسدره يتقدم منها بتوعد جعلها تعود للخلف بخطوات بطيئه تقدم ادهم لكرسي بجانب الفراش يجلس عليه مره اخري و يهتف:
- اتفضلي يا سدره و مالوش لزوم الخوف دا كله احنا ننتكلم عادي زي اي اتنين و نشوف كل واحد ايه الي مش عاجبه في التاني

جلست سدره علي الفراش بتوتر ظاهر تفرك بيداها لا تعلم بماذا تتحدث او تفعل

خرج صوت ادهم يهتف بصوت هادئ:
- ليه فكراني معقد و مش بفهم

ردت سدره عليه سريعا:
- انا مقولتش مش بتفهم والله

اردف ادهم بإيجاب:
- هو معناها كدا و بعدين بردوا معرفتش انا معقد في ايه اتكلمي يا سدره انا مش هكلك

تحدثت بنبره خافضه:
- بصراحه انا كنت مفكراك معقد لانك علطول مش بتضحك و لا بتهزر مع حد و اي حد يكلمك ترد عليه ناشف و قاعد لوحدك دايما و لما كنت بهزر معاك كنت بترد عليا ببرود