عرفتك مو اليه الواجب انساك
من اول عشرتك مشلوع دﻻلي ...
آنا اتبع اوهامي وگلت يوفي وياي
وانت اشبيك تتبع قول عذالي ...
خلص عمري شمع ورويحتي تذوب
ضوا بليلك صفيت ودمعتي اتﻻلي ...
وعفتني اطﻻل معبد بيه چنت قديس
ما هزك حنين اتشاهد اطﻻلي ...
انتظارك چالعناكب باني بيه ابيوت
بغيابك ضاع عمري وباقيه آمالي ...
سمعني رثائك لو همس بسكوت
سد حلگ الشماته الصوتهم عالي ...
من گد ما نطرتك صرت تمثال
شگالولك ركضت لهدم تمثالي ...
وصغتك حلم وردي وبس افكربيك
ياااااا صفنة عمر ما فارگت بالي ...
على الميت الوادم تقرا قرءان
انا الميت عليك شراح تقرالي ....
... .. .. .. .. .. ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
