قصة : { #الوعد } 💜✨
الحلقة الأولى { ١ } 🌕
( جوة كافيه ، قاعدين ع ترابيزة ٣ شباب و٣ بنات بيهزره ويضحكه ، وفجأة ، بنت تخبط رجل شاب من تحت الترابيزة ، يتخض الشاب ويحط ايده عند بؤه قبل م يبان رد فعله ع وشه ، تبتسم البنت ب خباثة )
امير ب ارتباك ل البنت الي جنبه : احم ماااا يلا بينا ي قلبي 😊
فرح : اه اوك
*( ملحوظة .. فرح بنت جميلة ، بشرتها بيضة ، شعرها اسود قصير عند كتافها ، عيونها عسلي ، جسمها رفيع وطولها متوسط ، عندها ٢٠ سنة ، ليها اخت اسمها رودينا عندها ١٦ سنة ، فرح والدها ووالدتها موظفين في شركات وحالتهم المادية كويسة ، امير يبقا خطيب فرح وكمان يبقا ابن اخو جوز عمتها ف في صلة قرابة بينهم )*
*( ملحوظة .. امير شاب وسيم ، بشرته بيضة ، شعره اسود ، عيونه مابين الأخضر والعسلي ، طويل وعريض جسمه رياضي ، من عيلة غنية ، عنده ٢٢ سنة وعنده اخت عندها ٢٠ سنة اسمها اسراء مخطوبة واخ عنده ١٨ سنة اسمه فادي ، امير طالب ف كلية الشرطة )*
الكل : يلا ايه انتوا لحقتوا !
امير : معلش عشان فرح بباها هيزعق لو اتأخرت
لمار ب ابتسامة : امممم فرح برضو ولا انت زهقت مننا ي ميرو 🙂
( تبصلها فرح ب عدم ارتياح )
امير : وازهق منكم ليه ي لمار ، مش زهقان ولا حاجة !
ليلى وهي بتحاول تغير الموضوع : لا صح عشان فرح متتأخرش ويحصل مشكلة
لمار وهي بتحط ايدها ع ايده : اقعد بقاااا متبقاش رخم 🥺👋
( تبصلهم فرح ويرتبك امير )
حودة ل لمار : ي بت شيلي ايدك ل فرح تاكلك !
الكل : هههههه 😄
لمار وهي بتشيل ايدها : اوووه سوري ي فروحة اوعي تكوني اتضايقتي 🥺
فرح ب تماسك : لأ ي حبيبتي 🙂
لمار : اصل احنا يعني واخدين ع بعض وكدة 😌
فرح : مهو باين !
لمار : شوية بقا وابقوا امشوا
امير ب توتر وهو بيقوم : معلش نتجمع مرة تانية 😐
( تقوم فرح )
امير : يلا سلام ي شباب
الكل : سلام
( يمشي امير وفرح )
ليلى : بتمسكي ايده قدام خطيبته ، انتي مش هتتهدي ابداً ي كيادة 🤷🏻♀️
لمار : هههههه لا مبتهدش 🤭
حودة : عادي يعني ، هو صاحبنا من قبل م يخطبها وهي عارفة إن كلنا واخدين ع بعض !
ليلى : ايوة بس مش قدامها ي حودة ، يعني خافوا ع مشاعرها برضو !!
حازم ب سخرية : مشاعرها ! ي حنينة يختي 😏
( تبصلهم ليلى ب يأس ، ف عربية امير ، ف الطريق سايق )
امير : طب انتي بتعيطي ليه بس !!
فرح ودموعها بتنزل : سيبني ف حالي بالله عليك 😔
( يتنهد امير ويركن ع جنب )
امير : فرح
( تبصله )
امير : انا خطبتك ليه ؟!
فرح ب عدم فهم : يعني ايه خطبتني ليه ؟!
امير : يعني خطبتك ليه ؟ جيت اتقدمتلك ليه ؟
فرح : عشان عاوزني اكمل معاك وبتحبني 😥
امير ودموعها بتنزل : وهو في حد بيحب حد وعاوزه هيخونه ؟
فرح : انا مقلتش إنك بتخوني ، انا قلت الوضع دة مش هينفع ، انا مبحبش الطريقة دي ولا بحب تعامل صحابك معاك بالذات البنات ، يعني ايه تمسك ايدك وانا قاعدة وتتحايل عليك تقعد كأنك حبيبها ولا خطيبها هي ، وتقولك ي ميرو كمان ، دة كان ناقص تاخد دبلتي تلبسها 🤷🏻♀️
امير : والله لمار بقت زي اختي مش اكتر و .........
فرح : ثانية بس ، بقت ! يعني ايه بقت ؟!
( يتنهد امير ب ندم ويضير وشه )
فرح ب شك : انتوا كان في بينكم حاجة ؟!
امير : ايوة ي فرح ، بس كان ومبقاش ، من وقت م عرفتك وانا قطعت علاقتي بيها وبكل صحابي البنات ، مفيش غير ليلى وانتي عارفة ليلى كويس
فرح : طب معلش بقا ، ولا ليلى ولا لمار ولا حتى محمود وحازم ، لو سمحت تبعد عن الشلة دي كلها 🙅🏻♀️
امير : طب لمار وماشي اما الباقي ليه ؟!
فرح : كلهم سوا ولو اختلطت ب واحد فيهم هتطر تتعامل مع الباقي !
( يسكت امير )
فرح ودموعها بتنزل : امير دي مش اول مرة تعاملها معاك يبقا ب البجاحة دي وولا عملالي حساب ، انا الموضوع دة تاعب نفسيتي ومكنتش راضية اتكلم معاك فيه ، انا مببطلش تفكير ف تصرفاتها معاك ف كل مرة نتجمع فيها معاهم ، وببقا نايمة معيطة وانت مش عارف حاجة 😥💔
امير ب استغراب : ليه ده كله ي فرح !!
فرح : عشان هي باين عليها اوي مشاعرها ليك ، وف نفس الوقت انا واثقة فيك وبشوفك بتصدها ف مبقدرش اتكلم معاك ، لكن برضو بزعل م الي بشوفه 😥
امير وهو بيمسح دموعها : اهدي طيب بس 👋
فرح : بالله عليك ابعد عنهم ، لو انا غالية عندك 😟
امير : حاضر والله ، اهدي بقا خلاص
فرح : خلاص 😔
( يبوس ايدها ، يعدي اليوم ، الساعة خمسة بعد الفجر ، ف اوضة فرح ، نايمة فرح باين ع وشها إنها بتحلم حلم وحش ، تقوم م الحلم مخضوضة ، تمسك الفون )
فرح : الو
امير ب نعاس : ايه ي فرح في حاجة ؟!
فرح : انت كويس انت فين ؟
امير ب استغراب : اه انا كويس كنت نايم ، مالك ؟!
فرح : لا ماليش ، اصل حلمت حلم وحش 🤦🏻♀️
امير : بيا ؟
فرح : ايوة
امير : حلمتي ب ايه ؟
فرح : لا خلاص مش بحب احكي الأحلام الوحشة 😕
امير : طب متقلقيش انا كويس
فرح : معلش ي امير صحيتك السعادي ، انا بس خفت عليك 😟
امير : مافيش حاجة ي قلبي انا كويس والله متخافيش ، اقري قرأن ونامي ، ولو في حاجة كلميني
فرح : حاضر ، تصبح ع خير
امير : وانتى بخير
( تقفل فرح ، تصحى اختها ع السرير الي جنبها )
رودينا ب نعاس : ايه الي مصحيكي دلوقتي 🥱
فرح : حلمت حلم وحش
رودينا : حلمتي ب ايه ؟
فرح ب خوف : مش حابة احكيه ، خايفة يتفسر 😟
رودينا : طب استعيذي م الشيطان ونامي كدة
فرح وهي بتنام : حاضر ، تصبحي ع خير
رودينا : وانتي بخير
