قصة : { #الوعد } 💜✨
الحلقة التاسعة { ٩ } 🌕
( يشدها عليه )
فرح : اوعااا !!
امير : لا مش هوعا ، طلعي الي جواكي ، زعقيلي اشتميني اضربيني اعملي فيا الي انتي عوزاه 🤷🏻♂️
فرح وهي بتشد ايدها منه : اطلع برة
امير : مش طالع ي فرح 😐
فرح : بقولك اطلع برة احسنلك ي امير !
امير وهو بيقرب عليها : لأ
( البنات ف المطبخ )
ميرنا ب استغراب : كل دة بيركبه لمبة !!
نجوى : مصلحة اسكتي
مها ب تنهيدة : ي مسهل يارب 🙄
( فوق ، امير واقف قصاد فرح )
فرح : يعني انت عاوزني اطلع الي جوايا ، هطلعه ي امير 🤷🏻♀️
( تقرب ع السراحة وتقعد تحدفه بكل حاجة عليها والدنيا ضلمة مش عارفة الي بتحدفه رايح فين )
فرح ب صريخ : اطلع برااااااااا 😫
( تروح تقعد ع طرف السرير تحط ايدها ع وشها وتعيط ، يقرب عليها امير ويقعد ف الأرض قصادها )
فرح ب عياط : بالله عليك بقا امشي وسيبني دلوقتي 🤦🏻♀️
( اللمبة تولع )
امير : والله اسف ، متعيطيش حقك عليا انا استاهل ضرب الجزمة كمان ، بس بالله عليكي م تحرميني منك تاني ي فرح ، كفاية كدة 😟
فرح : مش قادرة 💔
امير : بالله عليكي ي فرح ، انتي متعرفيش التلت سنين دول عدوا عليا ازاي ، والله اتعلمت فيهم وندمت ، انتي لما قلتي إني خنتك مقلتلكيش محصلش لإنه فعلاً حصل ، بس اقسم بالله م كنت فاكر غير إني قمت لقيت نفسي جنبها معرفش ازاي ولا امتى ولا ايه الي وصلني ل كدة اصلاً ، ووالله م بكدب عليكي 😕
فرح ودموعها بتنزل وباصة للأرض : انا طلبت منك طلب واحد بس ، قلتلك لو بتحبني ابعد عن الشلة دي 😔
امير : والله بعدت عنهم وحياتك عندي بعدت ، انا مش عارف بس ايه الي وداني هناك ساعتها ، وربي م فاكر 😕
( تبصله فرح تلاقيه متعور ف جبينه وفي دم ، تتخض )
فرح وهي بتحط ايدها ع دماغها : ايه دة !!
امير ب ابتسامة : دة البرفان الي حدفتيني بيه 😊
فرح ب زعل : احيه انا اسفة حرام عليك انت الي عصبتني كدة 😧
امير : محصلش حاجة ، انا كويس
فرح وهي بتحط ايدها ع خده : انا اسفة بجد 😥
امير وهو بيمسك ايدها : وحياتي عندك ل تسامحيني ي فرح ، وانا اوعدك إن الموت بس الي هيقدر يفرقني عنك والله 😟
( تنزل دموعها )
فرح : ممكن اطلب منك طلب ؟
امير : اكيد اطلبي !
فرح : هو انا ممكن احضنك ، حضنك وحشني اوي بجد 💔
( يحضنها ويعيطوا )
امير : حقك عليا ♥️
( يدخله البنات )
مها : اخييييراً كتكوا القرف انتوا الأتنين 🙄
( يتحرجوا ويبعده عن بعض )
نجوى وهي بتبص ل امير : ايه دة مالك ؟!
ميرنا ب استغراب : ايه الي عورك كدة في ايه ؟!
فرح : دة انا ، حدفته بالبرفان 😅
رودينا : يلهوي عليكي !
مها : يخربيتك ي مفترية 😲
فرح : الدنيا كانت ضلمة متوقعتش هييجي فيه ، كنت متعصبة 🤷🏻♀️
مها ب ضحك : يلا هو يستاهل برضو 😂
امير : ابو شكلك 🙄
الكل : ههههههه 😆
ميرنا : خلي بالك منها البت دي بقت شريرة اوي !
نجوى : اه بلطجية
امير : عجباني اطلعه انتوا منها 😌
مها : ااااه م خلصت حاجتي من جارتي بقاااا 🤷🏻♀️
فرح : بالظبط كدة 😊
رودينا ب فرحة : خلاص كدة رجعتوا لبعض صح 😃
فرح : حد يضربها بالنيابة عني !
( الكل يضربوا ف رودينا ب هزار )
رودينا ب وجع : ااااه ايه في ايه !!
مها : يرجعوا لبعض ازاي وهي لسة مخطوبة ل دياب ي اذكى اخواتك انتي !
رودينا ب زعل : ايه دة يعني انتوا اتصالحتوا لكن هتفضلي مع دياب دة !!
فرح : لا ي رودي هسيب دياب ، بس لما ييجي هبقا اكلمه ف الموضوع وافهمه
رودينا ب ارتياح : اه بحسب 😑
ميرنا : انزله ي بنات قبل ماما م تنادي
البنات : اوك
مها : ابقي غيريله ع التعويرة دي بقت
نجوى : بوسيها هتخف 😉
الكل : هههههه 😂
فرح ب احراج : بس ي كلاب 😅
( ينزله البنات يكمله تحضير العشا مع العمة ، فرح وامير ف الأوضة )
فرح : هجيبلك حاجة اطهرلك الجرح دة
امير وهو بيقرب عليها : م قالتلك بوسيها هتخف 🙂
فرح وهي بتصده : اتلم واقعد ✋
( بعد دقايق ، قاعد امير ع السرير وفرح بتطهرله الجرح )
امير : هتعملي ايه مع دياب ؟
فرح ب حيرة : مش عارفة ، مش هعرف اكلمه انهاردة عشان عمتو ، هو كدة كدة عنده مؤتمر هنا ف الساحل ، ف هبقا اقوله ييجي بكرة واتكلم معاه الصبح عمتو بتكون مش موجودة
امير : امممم
( تدخل رودينا )
رودينا : فرح انزلي
فرح : في ايه ؟!
رودينا : عمتو حضرت العشا وكمان دياب جه وسأل عليكي
فرح : طيب نازله
رودينا : امير ابقا انزل بعد شوية عشان ميشكش ف حاجة
امير ب فهم : اوك
( تنزل فرح مع رودينا )
فرح ب ابتسامة : حمدلله ع السلامة 😊
دياب : الله يسلمك
فرح : جبت العربية ؟
( ينزل امير )
دياب : اة ي قلبي جبتها
( يبصله امير ويروح يقعد بعيد )
العمة : تعالى ي امير اقعد معانا
امير وهو بيمسك الفون : لا مرتاح هنا 🤳
العمة : تعالى بلاش لعب العيال دة ، دياب ضيفنا
( يتنهد امير ويقوم يقرب يقعد معاهم ومازال ماسك الفون )
العمة ل امير : مش خلصنا بقا ؟
امير : مفيش حاجة 😒
العمة : ماشي ، يلا ي بنات نحضر الأكل
( يقوموا البنات )
العمة : خليكي انتي ي فرح
( تقعد فرح مع امير ودياب متوترة ويروح الباقي ع المطبخ )
دياب : انتي هترجعي امتى ؟
فرح : يومين كدة
دياب : انا هخلص مؤتمر بكرة وهروح ، لو عوزاني استناكي ونروح سوا اوك
( يبصله امير )
فرح : لا اصل فرح ونجوى معايا !
دياب : ايه المشكلة ، حتى اسوق انا انتي بتتعبي م السواقة
فرح : طيب هشوفهم واقولك بكرة 😬
دياب : تمام ماشي ، حتى يبقا في وقت ابقا معاكي فيه لإني بتشغل بالمحاضرات عنك
فرح ب احراج : اة 😐
اميرب غيظ : مينفعش تسافر معاك لوحدها
( يبصله دياب )
دياب : هي مش لوحدها ، معاها اختها وصاحبتها 💁🏻♂️
امير : برضو مينفعش حتى لو معاها امها 💁🏻♂️
( تتوتر فرح )
فرح : اااا ..........
دياب : انا عاوز اسألك سؤال بس
امير : أأمر ؟
دياب : انت مالك ؟ لا بجد مالك ؟!
امير : لا مالي طبعاً انا قريبها
دياب : الي يقول اة او لأ بباها مش انت
امير ب ابتسامة : اسأله هيقولك لأ 🙂
دياب : حاجة تخصني بقا معاه متخصش حضرتك
امير : ان .........
فرح : امير لو سمحت ، خلاص يبقا دياب يسأل بابا 😐
امير : ماشي 😒
( تقرب العمة )
العمة : يلا ي ولاد الأكل جهز
( يقوم الكل يقعده ياكله ، ف وسط القاعدة هزار وضحك )
رودينا ل امير : وانت بقا بتجري ورا الحرامية وتروح شقق تقول للعسكري لمهوملي ف ملايات 😃
الكل : ههههههه 😂
امير ب ضحك : هههههه لا مش بعمل كدة 😄
رودينا ب فضول : اومال بتعمل ايه ؟
امير : انا شغلي اكتره مهمات خاصة ، الكمين دة لما مبيكنش ورايا حاجة 🤷🏻♂️
نجوى : يعني ايه مهمات خاصة ؟!
امير : يعنى اروح انا وظباط تانيين نقبض ع تجار مخدرات او سلاح ف منطقتهم ، او نقبض ع قاتل محترف او ارهابي كدة يعني
ميرنا : بيبقا في ضرب نار بقا وكدة ؟
امير : اه اكيد ، وفي ناس بتموت كمان
