قصة : { #الوعد } 💜✨
الحلقة السابعة عشر { ١٧ } 🌕
( تمشي ليلى م المستشفى ، ليلى عندها بيوتي سنتر تركب عربيتها وتروحوا ، تنزل م العربية وتدخل تلاقي حودة ف وشها قاعد ، تتخض )
ليلى ب استغراب : حودة !!
حودة وهو حاطط رجل ع رجل : كنتي فين ي لولي ؟
ليلى ب ارتباك : اااااا دة واحدة صاحبتي ، قصدي كنت بزور واحدة صاحبتي ف المستشفى 😐
حودة : امممم ، هي فرح بقت صاحبتك دلوقتي !
( تتخض ليلى )
ليلى : من ساعة م عرفتها واحنا صحاب !
( يقوم حودة يقف ويقرب ع ليلى وهي مرعوبة من جواها بس مش مبينة )
حودة : داااا من امتى الكلام دة بقا ؟
ليلى : ميخصكش ، كنت جاي ليه اصلاً ؟!
( يمسكها من دراعها ويشدها بعنف ، ييجي الأمن )
ليلى ل الأمن : ملكوش دعوة مافيش حاجة ✋
( يشدها ع مكتبها ويهبدها ع الكرسي )
حودة بغيظ : قولتلها ايه بقا ؟
ليلى : قولتلها الي خبيناه من سنين وشايلة زنبه 😐
حودة بفهم : ااااه ، يعني قولتلها الي انا عملته مع امير ، طب ليه ؟!
ليلى : عشان .........
حودة : ومتقوليش زنب ☝️
ليلى : انت فكرك بعد موت امير ممكن فرح تفكر فيك ، تبقا بتحلم ي حبيبي !
حودة ب انفعال : وانتي مال اهلك بلي بفكر فيه ، بتدخلي لييييه 😡
ليلى : انا متدخلتش ، انا بس بفوقك مش اكتر
حودة : لا شكراً ع اهتمامك ، وع فكرة ، مش هعديهالك ي ليلى ☝️
ليلى : انا مبتهددش ي حودة ، وإذا كنت فاكر إني لسة الصاحبة الجبانة الي ف الشلة الي بتعمل للكل حساب تبقا غلطان ، انا مش خايفة منك ، والي عندك اعمله 🙂
حودة : ماشي ي ليلى ، اعتبريه تهديد ، وانا خلاص حطيتك ف دماغي 💁🏻♂️
ليلى ب انتصار : عشان سدتهالك مش كدة ، ع فكرة انا قاصدة ، زي م دمرتلي حياتي زمان ادمرلك حياتك دلوقتي 🙂
حودة بفهم : اااااه ، قولي بقا إنك لسة بتحبيني 😏
ليلى بضحك : هههههههه ، ضحكتني والله ، مش بقولك انت شكلك بتحلم !
( تتكه ع زرار ييجي الأمن )
ليلى : وصله حودة باشا للباب 💁🏻♀️
حودة : ماشي ي ليلى ، هعرفك برضو إني هعرف اخد الي انا عاوزه 🙂
ليلى : انت وشطارتك بقا 🙂
( يزق حودة الأمن ويمشي ع اخره ، تمشي فرح م المستشفى تروح البيت ، تاني يوم ، تقوم فرح م النوم تلبس وتنزل ، يشوفها حودة وهي نازلة راكن عربيته قرب بيتها وقاعد فيها ، تركب فرح تاكسي وتمشي ، يمشي حودة وراها ، توصل المقابر ، يدخل وراها ، تروح فرح تقعد جنب تربة امير )
فرح : اسراء قالتلي إنك زعلان مني عشان الي انا عملته ، كان غصب عني والله ، بس كنت مشتقالك اوي ، انا اسفة متزعلش مني ، بس انت واحشني ، ربنا يصبرني ع فراقك ي حبيبي 💔
( تقراله الفاتحة وبعض سور القرأن وتقوم ، تلف فرح تلاقي حودة ف وشها )
فرح بخضة : محمود ، خضتني !!
حودة : اسف ، ازيك ؟
فرح : كويسة ، عن اذنك !!
( لسة هتمشي ، يقف قدامها )
حودة : كنت عاوزك ف موضوع كدة 😐
فرح : مافيش بينا مواضيع ي محمود !
حودة : ع فكرة كل الي قالتهولك ليلى دة كدابة فيه ، انا كنت بهزر مع امير يومها مش اكتر
فرح بعدم اهتمام : ميخصنيش ، انتوا صحاب براحتكم مع بعض 😒
( تمشي فرح ، يطلع وراها حودة ، تقف فرح عشان توقف تاكسي بس المكان شبه مقطوع صعب يعدي منه تكسيات ، يقرب عليها حودة ويمسك ايدها المتعورة )
فرح بوجع : ااااه !!
حودة وهو بيسيبها : انا اسف ، انتي متعورة ولا ايه ؟!
فرح : ايوة 😕
حودة : كنت عاوز اوصلك بس
فرح : لا شكراً انا هاخد تاكسي
حودة : لا هوصلك
فرح بعصبية : هو بالعافية م قلتلك شكراً !
حودة : لا مش قصدي ، اصل لازم تمشي الشارع دة كله عشان تلاقي تاكسي ف هوصلك انا ، او حتى اطلعك ع الشارع برة
فرح بزهق : محمووود ، شيلني من دماغك اوك ، مجي معاك مش هاجي ، ارتاح بقا ✋
حودة : طب ماشي ، انا كنت عاوزك تييجي معايا بالزوق مش اكتر
فرح ب استغراب : بالزوق ، قصدك ايه بالزوق ، هتوصلني بالعافية يعني ولا ايه ؟!
حودة : لاوطبعاً مش قصدي حاجة ، اتفضلي امشي 💁🏻♂️
( تبصله بقلق ، لسة هتلف عشان تمشي ، يحط ايده ع بؤها والأيد التانية يخنقها بيها خنقة معينة يخليها يغمى عليها ، ياخدها يحطها ف عربيته ويمشي ، كل دة ومحدش موجود عشان يشوفه ، تدق الساعة ستة المغرب ، ف بيت فرح ، رودينا قاعدة باين عليها التوتر )
رودينا بقلق : بتعملي ايه دة كله بس !!
( يرن فون رودينا )
رودينا : ايوة ي فادي ، لقيتها ولا ايه ؟
فادي : انا لسة ماشي من هناك مافيش حد
رودينا : طب سألت الحارس الي هناك دة ؟
فادي : اة بيقولي شافها وهي داخلة لكن وهى طالعة مشفهاش
رودينا بقلق : يادي المصيبة راحت فين بس 🤦🏻♀️
فادي : هي ماشية من امتى طيب ؟
رودينا : م الساعة واحدة الضهر
فادي ب استغراب : خمس ساعات بتعمل ايه كل دة !!
رودينا بقلق : مهو دة الي هيجنني !!
( يرن جرس الباب )
رودينا وهي بتقوم : استنى خليك معايا يمكن هي 🚶🏻♀️
( تروح رودينا تفتح ، يدخل بباها ومامتها )
رودينا : ايوة ي فادي
فادي : هتعمله ايه ؟
رودينا : مش عارفة ، لسة هقولهم
الام بقلق : تقوليللنا ايه ؟!
الاب ب استغراب : في ايه ؟!
رودينا : بصوا ، م الأخر فرح م الساعة واحدة برة كانت رايحة تزور امير ومجاتش لحد دلوقتي 😬
الاب بخضة : نعم !!
الام بقلق : يعني ايه مجاتش دي الساعة ستة ونص !!
الاب ب انفعال : هي البت دي ناوية تجيب اجلنا قريب ولا اكمني سيبتلها اليومين دول !!
فادي : هدي ابوكي في حاجة غلط !
رودينا : ي بابا اهدى مش معقول يكون بمزاجها ، دي قالتلي ساعة بالكتير وجاية 😟
الام : ممكن تكون هناك لحد دلوقتي !
رودينا : لا ي ماما انا خليت فادي يروح مافيش حد هناك !
الاب : اومال راحت فين دي ؟!
الام بقلق : نبلغ طيب ليكون جرالها حاجة !!
فادي : انا هروح البيت اقول ل ابويا وهو يتصرف ، لإن لو بلغته مبيدوروش ع حد قبل م يعدي ع اختفائه ٢٤ ساعة
رودينا : طب ماشي ي فادي ، سلام
( تقفل رودينا مع فادي )
روينا : فادي هيقول ل بباه وهو هيتصرف
الاب : يادي الفضايح الي عملهالنا 🤦
الام : بتصل بيها موبايلها مقفول
رودينا : ايوة من بدري وهو كدة
الام : استر يارب 😕
( بعد ساعتين ، قاعدين اهل فرح عند اهل امير ، ابو امير بيتكلم ف الفون )
ابو امير : ماشي ي باشا ، شكراً جداً
ام امير : قالك ايه ؟
ابو امير : دوره ف كل الأقسام والمستشفيات الي ف اسكندرية مافيش حد ب اسمها موجود !
ام فرح بقلق : يعني ايه ، بنتي راحت فين !!
فادي : دي ولا الي اتخطفت !!
رودينا ب خوف : الساعة بقت تسعة ونص ، ليكون حصلها حاجة 😟
اسراء : مهو بيقولك دوره ف المستشفيات مافيش حد
ام فرح : يعني بنتي ضاعت ولا ايه !
( ف ڤيلا صغيرة ، قاعد حودة ف الأنتريه بيتكلم ف الفون )
حازم بخضة : خطفتها يخربيتك !!
حودة : ههههههه ، ايه رأيك بقا ؟
حازم : دة انت مجنون رسمي بجد !
حودة ب ابتسامة انتصار : عشان الست ليلى تبقا تتحداني تاني 🙂
حازم : رجعها ي حودة كدة هتجيبلك مشاكل مع اهلها !
حودة : اهل مين ي بني ، دة اتنين موظفين اخرهم هيبلغه إنها مختفية وبس كدة ، حلني بقا 🤷🏻♂️
حازم : مهي لما ترجع بيتهم هتقولهم ي فالح
حودة : فكك ، المهم إن هي موجودة دلوقتي
حازم : انت اهلك جايين م السفر كمان كام يوم ، هتقولهم جيالك زيارة ولا ايه ؟!
حودة : لا ساعتها هبقا امشيها ، هكون زهقت منها
حازم : انت محسسني إنك شاري كلبة جديدة ، م هتفرج عليك الدنيا هي هتسكتلك !!
