قصة : { #الوعد } 💜✨
الحلقة الخامسة عشر { ١٥ } 🌕
( تقرب اسراء ع فرح وتقعد جنبها )
اسراء وهي بتهمس ف ودن فرح : امير عاوزك
( تتخض فرح )
فرح : عاوزني ف ايه ؟!
اسراء : معرفش انا ، كلميه هو ف البلكونة برة
فرح : اوك !
( تقوم فرح تطلع برة ، تقرب ع البلكونة ، يشوفها امير ، تقرب تقف قصاده )
فرح ب ابتسامة : اسراء قالتلي إنك عاوزني 😊
امير : اة عاوز اتكلم معاكي
فرح ب استغراب : اتفضل !
امير : طبعاً اكيد اسراء فتنالك ع كل حاجة قلتهالها عليكي قبل كدة
فرح وهي بتحط ايدها ع بؤها : ههههه لأ 🤭
امير : طلاما ضحكتي يبقا اة
فرح : اة بصراحة
امير : طب ايه طيب ؟
فرح ب احراج : ايه ؟!
امير : انا بحبك ♥️
( تتخض فرح )
امير : وعمري م حبيت حد من جوايا اوي كدة ي فرح ، انتي الي عاوز اكمل حياتي معاها ، وعارف إني عمري م هندم وهكون اسعد بني ادم ف العالم ♥️
( تبتسم فرح بكسوف وفرحة )
*( بااااااااااك )*
( تغمض فرح عيونها جامد وتقطع شرايين ايدها بالموس ، ينزل الدم يغرق هدومها ويغرق التويليت ، تقعد فرح ف الأرض وايدها عمالة تنزف ، بعد شوية ، يصحوا اهل فرح عشان شغلهم )
الاب بقلق : ربنا يستر ع فرح
الام : يقطع الحب وسنينه ، لما مخطوباله وزعلانة الزعل دة كله اومال لو انت مت انا هعمل ايه بعد ٢٥ سنة جواز 🤷🏻♀️
الاب : انتي بتفولي عليا ع الصبح !
الام : لا مش قصدي بعد الشر ، بس الفراق برضو حاجة وحشة ، يعني شوف النصيب ، يسيبه بعض وبعد ٣ سنين تتخطب وتسيب ويرجعه لبعض تاني ويموت 💔
الاب : اهو نصيب زي م قولتي هنعمل ايه ، يلا عشان منتأخرش
الام : يلا
( يمشوا اهل فرح ، تدق الساعة سبعة ، يرن المنبه ، تطفيه رودينا وتقوم عشان مدرستها ، متلاقيش فرح ف سريرها ، فرح ف التويليت وشها اصفر ومش قادرة تفتح عيونها وايدها عمالة تنزف ومش قادرة تتحرك ، تفتح رودينا التويليت مبيتفتحش )
رودينا : فرح انتي جوة ؟
( تخبط رودينا ع الباب )
رودينا : فرح ، طب لما تخلصي قوليلي عشان ورايا مدرسة !
( تروح رودينا اوضتها تلبس وترجع تاني عند التويليت تخبط )
رودينا : ي فرح عاوزة اغسل وشي هتأخر ، بقالك نص ساعة جوة !!
( يرن فون رودينا ، تروح تمسكه )
رودينا : الو
فادي : ايه ي رودي منزلتيش ليه ، انا واقف تحت بقالي ياما !!
رودينا : عاوزة اغسل وشي وفرح بقالها ذيادة عن نص ساعة ف التويليت !
فادي : طب م تفتحي تشوفي في ايه
رودينا : قافلة من جوة !
فادي بخضة : ينهار ابيض لتكون عملت ف نفسها حاجة !!
رودينا بخضة : حاجة حاجة ايه ، فرح افتحي الباااااب !!
( تهبد رودينا ع الباب )
رودينا بزعيق : افتحيييي !!
فادي : مبتردش ؟
رودينا بخوف : لا مافيش اي صوت 😧
فادي : طب انا طالعلك
( يطلع فادي وتفتحله رودينا ، يقربه ع التويليت ويخبطه جامد )
فادي : فرح افتحي الباب او قولي اي حاجة !
( مبتردش فرح ، عاوزة تتكلم لكن شبه مغمى عليها )
فادي : انا هكسر الباب
رودينا : اكسره اكسره 😧
( يكسر فادي الباب ، يدخله يلاقوها قاعدة ف الأرض وايدها عمالة تنزف والتويليت وهدومها غرقانين دم )
رودينا بصريخ وهي بتجري عليها : فراااااح 😨
فادي : اهدي اهدي ✋
رودينا ودموعها بتنزل : يلهوى ليه كدة بس ، فوقي ي فرح حرام عليكي 😫
فادي : لازم نوديها مستشفى
رودينا : دي بتموووت !!
فادي : مش هتموت ولا حاجة ، وسعي
( فادي يشيل فرح وينزل يحطها ف العربية ومعاها رودينا ويمشوا ، ف الطريق ، تتصل رودينا بمامتها تقولها ، يوصله المستشفى ، ياخدوها الدكاترة ع الطوارئ ، يوصل اهل فرح واسراء )
الام بقلق : فينها ؟
فادي : لسة جوة
الاب : هو حصل ايه ؟
( تحكي رودينا الي حصل )
الام : دي اتجنت عاوزة تموت نفسها !!
( يطلع الدكتور )
الاب : فرح كويسة ي دكتور ؟
الدكتور : الحمدلله قدرنا نوقف النزيف وهي دلوقتي كويسة ، لو كانت اتأخرت عن كدة مكناش هنلحقها ، بس هي حالتها النفسية وحشة جداً ، ف ياريت تشوفه ايه الي مزعلها عشان متكررش الي عملته دة تاني ، والحمدلله إنها جت ع قد كدة
الاب : الحمدلله ، شكراً ي دكتور
الدكتور : العفو ، عن اذنكم
( يدخله يشوفوها يلاقوها نايمة ، يقعده حواليها )
الام : والعمل يعني ، هنفضل ف الحال دة كدة كتير ، انا بنتي هتضيع مني 😟
اسراء : إن شاء الله هتقوم بالسلامة
الام : يارب ، امشي انتي ي رودي اتأخرتي ع مدرستك
رودينا : لا انا هقعد معاها 😕
الام : بقولك امشي انتي وراكي امتحان ، ميبقاش موت وخراب ديار امشي 🤦🏻♀️
فادي : يلا ي رودي عشان اوصلك
رودي : حاضر 😔
( تمشي رودي مع فادي ، يرن فون ابو فرح )
الاب : ايوة معلش حصل عندنا ظروف ، هشوف لو قدرت
( يقفل الفون )
الام : في ايه ؟!
الاب : محتاجنا في ضغط ف الشغل
اسراء : امشوا انتوا ي طنط
الام : مينفعش نسيبها
اسراء : متقلقوش انا هفضل معاها مش هسيبها ، روحوا انتوا شغلكم عشان ميحصلش مشكلة
الام بتنهيدة : ماشي ي اسراء ، خلي بالك منها بالله عليكي ي بنتي 😟
اسراء : متقلقيش ي حبيبتي ف عنيا
( يمشوا اهل فرح ، تفضل اسراء مع فرح ، يركن فادي قدام مدرسة رودينا ، رودينا بتعيط )
فادي : عشان خاطري كفياكي بقا 😟
رودينا بعياط : انا خسرت اخ ومش هقدر اخسرها هي كمان 😥
فادي : الدكتور قال إنها كويسة
رودينا : وانت فكرك مش ممكن تكرر الي هي عملته دة تاني !
فادي : إن شاء الله مش هتكرره تاني ، احنا هنبقا جنبها مش هنسيبها
رودينا : اوعا ي فادي ف يوم تسيبي ، انا مش عاوزة اعيش الي فرح عيشاه دة 💔
فادي : انا مقدرش اسيبك ابداً ، وبعدين ي حبيبي الموت مش ب ايدينا !
( تعيط رودينا اكتر ، ياخدها فادي ف حضنه )
فادي : اهدي طيب !
( تنزل دموعه هو كمان ، يمسحها )
فادي وهو بيمسح دموعها : يلا انزلي اتأخرتي ع الأمتحان 👋
رودينا : حاضر 😥
فادي : لما تخلصي اتصلي بيا وانا هحاول اجي اطلعك اوك
رودينا : اوك
( تنزل رودينا تدخل المدرسة ويمشي فادي ، اسراء قاعدة مع فرح ، تفوق فرح )
اسراء : فرح ، انتي كويسة ، حاسة ب ايه ؟
فرح : مش حاسة بحاجة 💔
اسراء : هتبقي كويسة ب اذن الله
فرح : انا فكرت مت !
اسراء : لا مموتيش بعد الشر عليكي
فرح ودموعها بتنزل : ليه كدة بس 😥
اسراء : اهدي ممكن ، ع فكرة امير زمانه زعلان منك لإنه لو كان عايش مكانش هيوافق ع الي انتي بتعمليه دة ابداً ، دة مش حل ي فرح 🤷🏻♀️
فرح بتعب : اومال ايه الحل ، اعيش متعذبة يعني !
اسراء : وانتي فكرت لما تموتي هترتاحي كدة يعني !
فرح : ايوة هرتاح
اسراء : لا ي فرح مش هترتاحي ، كفاية إنك هتموتي كافرة ، فين الراحة ف كدة ؟!
فرح بعياط : اعمل ايه طيب ، انتي لما زين بيسافر لشغل بتبقي هتتجني عليه ، واهو الأسم هتشوفيه تاني ، ليه محدش حاسس بياااا 💔
اسراء بكسرة ودموع : مهو اخويا برضو ي فرح ، كان سندي ف الدنيا ، متضايقة احكيله ، فرحانة احكيله ، غالي عندي برضو ، مش هقولك يمكن اكتر منك لكنه اخويا 💔
( يذيد عياط فرح ، تقرب عليها اسراء تحضنها وتعيط هي كمان ، صحاب امير قاعدين ف كافيه )
ليلى : ع فكرة احنا لازم نقول ل فرح
لمار ب استغراب : نقولها ايه ؟!
ليلى : نقولها الي حصل بينكم ي ست لمار 💁🏻♀️
لمار بخضة : انتي اتهبلتي !
