قصة : { #الوعد } 💜✨
الحلقة الثالثة { ٣ } 🌕
حودة : ال night club
فرح ب خضة : هو امير ف ال night club ؟!
حودة : اه اصل انهاردة عيد ميلاد لمار وبنحتفل بيها بقا وكدة 😏
فرح ب ضيق : يعني امير عندكم ؟!
حودة : اه عندنا انا ملقتكيش معاه ف استغربت بصراحة !
فرح : امممم 😐
حودة : لا بس احسن إنك مجتيش معاه ، الجو هنا عالي اوي شرب بقا ورقص ، ميناسبش حد كيوت زيك 🙂
فرح ب ضيق : ميناسبنيش فعلاً 💔
حودة : ماشي ي روحة ، يلا سلام
فرح : سلام
( يقفل حودة مع فرح ويبتسم ب انتصار ، فرح ع اخرها ، تنزل دموعها ، تمسحها وتمسك فونها تتصل ب امير مبيردش ، تقوم تدخل اوضتها تلبس ، رودينا قاعدة ، تبصلها )
رودينا ب استغراب : رايحة فين ؟!
فرح : هو بابا جاي امتى ؟
رودينا : لا معرفش ، بس هيتأخر ف الشغل هو وماما انهاردة
فرح : طب كويس ، انا رايحة مشوار كدة ساعة بالكتير وهكون هنا اوك
رودينا : رايحة فين افرضي وصله طيب !
فرح : قوليلهم بتجيب حاجات وابقي اتصلي بيا هتلاقيني جيت
رودينا وهي بتقوم : طب قوليلي رايحة فين ؟!
فرح ب تنهيدة : رودي متعطلنيش اكتر من كدة ، لما اجي هقولك
رودينا ب قلق : طب خلي بالك من نفسك 😕
فرح : ماشي
( تمشي فرح تركب تاكسي وتنزل قدام ال night club بتاع حودة )
فرح ل السواق : استناني هنا لو سمحت
السواق : اوك
( تدخل ال night club ، تقف بعيد ، تشوف امير واقف بيرقص مع لمار بكل جنون وبطريقة مستفزة واوڤر كأنه مش ف طبيعته ومتجاوز كل الحدود معاها ، فرح واقفة مصدومة م الي شيفاه ، تشوف لمار بتهمسله بالكلام ف ودنه وبعدها يمسك ايدها ويمشوا ، تستخبى فرح بسرعة متخليش امير يشوفها ، يطلع امير مع لمار يركبه عربيته ويمشوا ، كل دة وشيفاه فرح ، ترجع تركب التاكسي )
فرح : معلش تمشي ورا العربية دي 👉
السواق : اوك !
( يمشي السواق ورا عربية امير وفرح طول الطريق عمالة تعيط وتدعي إن الي ف بالها يكون كله غلط ، يوصل امير ولمار قدام عمارة ينزله م العربية ويطلعه العمارة ، تشوفهم فرح ، يذيد عياطها )
السواق : هتنزلي ي انسة ولا اكمل الطريق ؟
فرح ودموعها بتنزل : لأ ، كمل الطريق 💔
( يمشي السواق يوصل فرح قدام عمارتها ، تطلع فرح البيت منهارة م العياط ، تقعد ع اقرب كرسي قدامها وتحط ايدها ع وشها ، تشوفها رودينا ، تتخض وتجري عليها )
رودينا ب خضة : ايه في ايييه 😮
*( باااااااااااك )*
فرح ب حزن : دة الي حصل ، انا كنت مفكرة إني غيرته ، بس اخوكي عمره م هيتغير ي اسراء ، عمره 💔
اسراء : والله اتغير انا ادرى لإن دة اخويا ، وانتي كمان عارفة امير كويس ، ي فرح انتوا مش عشرة يوم ولا شهر ، انتوا كان فاضلكم اقل من شهرين وتتجوزه ، دة غير إننا نعرفك من سنين ، انتي ناسية إننا قرايب 🤷🏻♀️
فرح ب ضيق : كان فاضلنا شهرين ي اسراء ، كان 💔
اسراء : بس انتي كمان عارفة إن لمار دي حيوانة وبني ادمة زبالة !
فرح : مهما كانت وحشة انا ماليش دعوة بيها هي المهم هو ايه ، بس واضح إنه مبقاش يفرق عنها ف حاجة 😒
اسراء : ي فرح انتي متعرفيش حالته دلوقتي عاملة ازاي ، امير بيحبك اوي والله وفراقك بالنسباله كارثة 😕
فرح ودموعها بتنزل : وانا كمان حبيته اوي ، وعمري م هحب حد زي م حبيته ي اسراء ، بس انا مش هقدر خلاص ، صورته اتهزت ف عنيا ومش مسمحاه ، والله م مسمحاه 😥
اسراء ب زعل : خسارة كل الي بينكم دة يضيع كدة 😕
فرح وهي بتمسك ايد اسراء : بس احنا هنفضل صحاب مش كدة ؟
اسراء : اكيد طبعاً 😟♥️
( تعدي الشهور ، فرح قاعدة ف اوضتها بتتفرج ع فيلم هي ورودينا ، مشهد ف الفيلم يأثر فيها تفتكر بيه امير ، تنزل دموعها ، تبصلها رودينا ب حزن )
فرح ودموعها بتنزل : ياريتني م سيبته ي رودي ، ياريتني م سيبته 😔
رودينا : وحشك ؟
فرح ب حزن وهي بتمسح دموعها : اوييييي ، وحشني هزاره معايا وخفة دمه ، وحشني عصبيته عليا ، غيرته ، صوته ، وحشني كله ، مش عارفة انساه ، اكتر حاجة ممكن تجرح هي الخيانة وتخليكي تنسي وتكرهي بسرعة ، وهو خاني بس برضو مش عارفة اكرهه ، مش عارفة ليه ، مش عارفة ليه بشوفه ف وش اي حد ، والله بشوف شكله ف وش اي حد ، ف الكلية وف الشارع حتى ف التليفزيون ، معرفش هو فعلاً شبهم ولا انا عشان مشتقاله ف بيتهيقلي شكله فيهم ، انا مش عارفة ازاي قدر يخوني ، هو انا فيا حاجة وحشة عشان يخوني ؟!
رودينا : لا ي حبيبتي مفكيش حاجة وحشة 😟
فرح ودموعها بتنزل : اومال خاني ليه ، تعرفي احنا مش عشرة ١١ شهر خطوبة انا عرفاه من واحنا صغيرين ، لما كنا نروح نقعد عند عمتك وكان ييجي هناك ، كنا نقعد نتكلم ونهزر ، كان ييجي يقف قدام المدرسة ويتحجج إنه جاي يوصل اسراء ويوصلنا احنا الأتنين ، وعدت السنين واحنا اقرب صحاب ، لحد م جه الوقت الي قالي فيه إنه بيحبني ، وعدني وعد ، قالي إنه مهما كان بعيد عني هيفضل ل قلبي قريب ، ليه زي م يكون الوعد دة اتكتب عليا بجد ، ليه مش عارفة اشيله من قلبي ، انا مش عيزاه قريب ، مش عيزاه ي رودي 💔
( تاخدها رودي ف حضنها ، يذيد عياطها )
