قصة : ( كيف تذهب ) ل سهيلة سعيد المنجي

الحلقة ١ و ٢

قصة : { #كيف_تذهب } 🌏💚

الحلقة الأولى { ١ } 🥀

( ف مطار ، قاعد شاب مستني ميعاد طيارته ، يمسك الفون ويفتح الأنستغرام يكتب بوست )
البوست : فراق ايه ي جماعة دة الي اصعب حاجة بالكون انتوا مكبرين الموضوع اوي وهو سهل ، م انا عايش اهو ولسة بتنفس والله وزي الورد ، الورد الي اتزرع رباني وفضل يكبر بالبركة لحد م جت ايد وساقته وعودته ع لمستها ، ع حنيتها ، ع صوتها ، ع ضحكتها ، اتعود واتعشم إن كل يوم هتيجي نفس الأيد وتروي عطشه ، تونس وحدته ، وفجأة رجع تاني لوحده ، بس بعد م اتعود اوي واتعشم اوي وعشق اوي الأهتمام ، ف دبل فجأة ، دبل وهيموت قريب ، مع إنه كان عايش من غير ولا نقطة ماية او اهتمام من حد ، سهل الفراق مش كدة ، سهل اوي ونقدر كلنا نتحمله لحد م يقتلنا بالبطئ ، انا حرفياً بموت م الوجع ، حرفياً متفتت ، دة اصعب من اصعب حاجة عملتها ف حياتي ، حرفياً انتهيت .. 💔

*( فلاش باااااااااااااك )*

( الساعة تمانية بالليل ، ف الشارع ، بنت وولد بيتمشوا سوا )
منة بغرور : م انا هرفضك اصلاً
شادي وهو بيبصلها : والله !

*( ملحوظة .. منة بنت جميلة ، وشها مدور ، بشرتها بيضة ، شعرها بني فاتح وقصير ، عيونها دهبي ، طولها متوسط وجسمها مظبوط ، عندها ٢١ سنة ، بتدرس فنون جميلة ، من عيلة كبيرة اسم ومادة ، بباها ومامتها متوفيين لكن مرات بباها بتعاملها زي بنتها بالظبط وليها اخ واحد اكبر منها )*

*( ملحوظة .. شادي شاب وسيم ، بشرته خمرية ، شعره اسود ، لحية خفيفة مظبوطة ، طوله متوسط ، اطول من منة بشوية صغيرين ، جسمه رياضي ، عنده ٢٣ سنة ، بيدرس ف كلية طب ، ظروفه المادية كويسة ، ليه اخت بس عايشة ف طنطا مع جدته عشان دراستها هناك ، هو ومنة مرتبطين بقالهم سنتين )*

منة : ايوة هو انا مش عروسة ولازم اتقل ولا ايه !
شادي : تقومي تقطعي علاقتك بيا ، انا مبهور بيكي والله !
منة بضحك : هههههه ، لا طبعاً هو انا اقدر
شادي وهو بيقف : بجد متقدريش ؟
منة وهي بتقف قصاده : عندك شك ف كدة ؟
شادي بجدية : لأ نهائي ، بس خايف !
منة ب استغراب : خايف من ايه ؟!
شادي : ممكن اهلك يرفضوني مثلاً
منة : لا طبعاً إن ..................................
شادي : اسمعيني ، الموضوع دخل ف الجد دلوقتي ، انا معرفش اهلك هيقولوا ايه ، ممكن يوافقوا وممكن يرفضه ، دة طبيعي يعني
منة بقلق : شادي انت بتخوفني ليه !
شادي : مش بخوفك والله بالعكس ، بس انا مش عاوزك تزعلي لو رفضوا ، هنشوف وقتها المشكلة ونحلها ، وبرضو مش هسيبك
منة : انا عارفة دة ، وب اذن الله هيوافقه ، اتفائل خير تلاقي خير
شادي : ب اذن الله ، وبعدين انتوا تطوله واحد زيي اصلاً !
منة : هنبدأ الغرور بقااا !
شادي : طبعاً مش عريس ولازم اتقل
منة بضحك : هههههه انت قلود اوي
شادي : ههههه اوي
( ييجي الليل ، ف اوضة منة ، قاعدة منة مع مرات بباها وصاحبتها )
عزة ب استغراب : انتي ليه المرة دي وافقتي بسهولة ؟!
منة : عشان تعبت م الرفض
عزة : بس انتي عارفة إن الي انتي بتعمليه دة غلط ي منة ؟!
منة وهي بتضير وشها : عارفة
عزة : ي بنتي انا ممكن اكلم عمك وهو مش هيجوزك لحد غصب عنك واتكلم مع رامي وافهموا
منة بخضة : لا ﻷ متكلميش حد ، انا موافقة
عزة : موافقة كدة وخلاص لكن مش مقتنعة اكيد !
منة : ﻷ مقتنعة ي زوزتي ، انا كنت برفض عشان العرسان الي كانه بيتقدمولي مكانش فيهم المواصفات الي انا عوزاها
عزة : والعريس دة فيه المواصفات دي ؟!
منة ب ارتباك : اااا انا حساه ، حساه كويس يعني وكدة
عزة وهي بتقوم : خلاص ي منة زي م انتي عاوزة ، دة اختيارك انتي ف الأول والأخر !
منة ب ابتسامة : اكيد
عزة وهي ماشية : ماشي 
( تخرج عزة م الأوضة ، تنط صاحبتها تقعد قصادها )
أية ب اندهاش : يخربيتك سبكتي الدور صااااح !!
منة بضحك : اسكتي انا بتكلم وماسكة ضحكتي بالعافية من منظر زوزة الي متأثر
أيه : م عشان كل واحد بتطلعي فيه خازوق عشان سي شادي ، والمرة دي هو بنفسه ، لا جاحدة ي بت
منة بفرحة : ههههههه ، مش مصدقة إني هتخطبله خلاص بقا ، ينهار اسود بجد !
أيه : صوبورتي ونولتي ينشرااااح
منة : ههههههه
ايه : المهم دلوقتي ، هتلبسي ايه لما ييجوا بكرة ؟
منة بتفكير : لااااااا ادري
ايه وهي بتشد ايدها : طب قومي نخترع يلاااا
منة : يلاااا
( يقوموا بحماس يطلعه الهدوم كلها برة الدولاب ويكركبوا ويقيسوا مبسوطين ، ييجي الليل ، منة جهزت كل حاجة ، تمسك فستانها الي هتلبسه وتفرده ع الكرسي وتبصله وتبتسم وتحط الشوز بتاعها جنبه ، يرن فونها ، تجري ترد )
منة بفرحة : بيبييي
شادي : قلبي ، لسة منمتيش !
منة : نوم ايه مستحيل مش جايلي خالص !
شادي ب استغراب : ليه كدة ؟!
منة : من فرحتي
شادي : ربنا يفرحك دايماً ي روحي ، بس نامي عشان تقومي فايقة بكرة ومتناميش مني واحنا قاعدين
منة : هههههه ، حاضر ي قلبي هحاول
شادي : اوك ، تصبحي ع خير ⁦
منة : وانت بخير
( تقفل منة وتنام وهي مبسوطة ، تاني يوم ، تجهز منة وتلبس كأنه يوم فرحها مش لسة جاي هيتقدم ، يعدي الوقت ، تحت ف الأنتريه ، قاعد عم منة ومرات ابوها وشادي وبباه ومامته )
ابو شادي : الله يخليك مهو دة العشم ، إن شاء الله هنقرا فاتحة وتلبيس الدبل مع بعض عشان الولاد ينتبهوا لدراستهم لإن داخلين ع امتحانات
عم منة : إن شاء الله ، ربنا يقويهم ، بس انا برضو لازم اخد رأي اخوا العروسة وهو ع وصول دلوقتي
ابو شادي : اة طبعاً حقه
ام شادي : اومال فين العروسة ، م تندهوها ولا عملنا غرب ي جماعة
عم منة : لا طبعاً م غريب إلا الشيطان ، ي مناااا
( تتخض منة اما تسمع اسمها )
أية بحماس : جت اللحظة جت
منة بتوتر : ايه شكلي متظبط ؟
ايه : قمر يلا انزلي
( تاخد منة نفس طويل وتنزل بكل هدوء ، لابسة فستان ازرق نص كم ضيق لتحت الصدر ونازل بوسع لتحت الركبة وشوز بيچ وفاردة شعرها وميكب بسيط ، تقرب تسلم عليهم ، يشوفها شادي ، يفضل باصصلها من جمالها وكأن عيونه بتشوفها لأول مرة ، تقرب تسلم عليه وهي هيغمى عليها م الكسوف والفرحة ، يبتسملها ، تبتسمله ، تسلم وتقعد )
ام شادي : مشاء الله زي القمر ي حبيبتي ⁦
منة بكسوف : تسلميلي ي طنط 
( يعدي الوقت وكل واحد بيتكلم عن عيلته وتاريخها ، يرن فون منة بمسچ ع الواتساب ، تشوفها )
المسچ : شكلك زي القمر ⁦
( تبص ل شادي تلاقيه ماسك الفون ، يغمزلها ، تبتسم ، يرجع يبص للفون ، يوصلها مسچ تانية )
مسچ : م انتي بتتكسفي اهو وعندك خدود بتحمر ، اومال بلطجية معايا برة ليه ؟!
الرد : دة عشان انت ف بيتنا بس ⁦⁦
مسچ : من اولها غش كدة ، لا معلش انا عاوز البلطجية بتاعتي رجعيها ⁦
الرد : بمجرد م تخرج م الباب دة هتلاقيها رجعت ع طول 
مسچ : طب انا هقوم امشي بقا
الرد : لا اوعا والله ازعل ، افضل موجود عاوزة افضل شيفاك قصادي كدة ⁦
مسچ : طب عندك كنبة ف اوضتك انا هبات هنا انهاردة
منة : ههههههه
( يبصولها ، تتحرج ، يحط شادي ايده ع بؤه يمسك ضحكته )
منة ب احراج : احم !