قصة : ( كيف تذهب ) ل سهيلة سعيد المنجي

الحلقة ٥ و ٦

قصة : { #كيف_تذهب } 🌏💚

الحلقة الخامسة { ٥ } 🥀

رامي : في ايه ، انت بتزعقلها ليه ؟!
منة بخضة : رامي مفيش حاجة !
رامي بزعيق : لا فيه ، انا سامعوا بيزعق ، م تنطق يلاااا
( يزقه )
شادي بتوتر : مفيش حاجة !
رامي وهو بيبص ل منة : انا مش قلتلك اصلاً الولا دة ملكيش دعوة بيه ⁦!
منة ب ارتباك : اناااا ، انا بس كنت ...................................
رامي وهو بيبص ل شادي : مفيش فايدة ها ، طب تمام ماشي ، هات بطاقتك
( شادي يبص ل منة )
رامي وهو بيضرب شادي ف صدره : انجززززز
( يطلع شادي بطاقته يديهاله )
رامي وهو بيبص ف البطاقة : اممممم ، وبعدين طيب ، انت مش ناوي تلايمها معانا ؟
شادي : انا ................................ 
( ميحسش غير بقلم نازل ع وشه ف نص الشارع وسط الناس والي رايح والي جاي وقف يتفرج ، تتصدم منة من قوة القلم وتحط ايدها ع بؤها وتبرق ، شادي ع وضعه متحركش )
رامي : انت اييييه ، انت عاوز تتظبط صح ، طلع يلا كل الي ف جيبك طلع ، ليلتك سودة انهاردة
( وش شادي حرفياً بقا عبارة عن جمرة نار ، يطلع مفاتيح عربيته وفونه ومحفظته )
رامي وهو بياخدهم : دة كل الي معاك ؟
شادي : اة
( يشده رامي من بنطلونه ويفتشه هو بطريقة تهين اوي يبهدل فيها هدومه ، تنزل دموع منة )
منة : رامي خلاص بقا كفاية
رامي بحدة : ششششش مسمعش صوتك ، لسة حسابك لما اروحلك اتقلي بس ⁦
( يرجع يبص ل شادي )
رامي : اقلع
( يتخضوا )
رامي وهو بيضربه بالقلم تاني : يلا متبحلقش
( يحمر وش شادي من قوة الضرب والقهرة قدام حبيبته والناس )
شادي بهدوء وعينه مدمعة : اقلع ايه ؟!
رامي : بنطلونك ، انا حاسس إنك مخبي فيه حاجة ، اقلع
شادي بخضة : م انت فتشتني !
رامي بتهديد : اقلع احسنلك
( شادي يبص ل منة )
منة بعياط وانفعال : رامي بقا كفاية مينفعش كدااااا !!
رامي : اة حاضر معلش ، نسيت إن في بنات واقفين ، بس مفيش ف القسم
( ياخده من قفاه ع البوكس ، تتخض منة )
منة وهي رايحة وراهم : لا رامي والنبي !!
( يركبه البوكس )
رامي : روحي البيت
منة : عشان خاطري سيبه طيب هو عمل ايه معملش حاجة !!
رامي وهو بيمسك دراعها بعنف : سمعتي انا قلت ايه ، غوررري
( يزقها ويركب العربية ، تبص ل شادي تلاقي عيونه مدمعة ، تنزل دموعها مش عارفة تعمل ايه ، يعدي الوقت ، يوصله قدام القسم ، ينزل رامي ويدخل والمخبرين ينزله شادي ويدخله وراه ، يدخله مكتبه )
رامي وهو بيقعد : انت مش عاوز تتلم بقا وتسمع الكلام ؟
شادي : انا مش فاهم غلطت ف ايه !
رامي : اهو هنبتدي نستهبل
شادي : انت جايبني هنا ليه ؟!
رامي بعصبية : ايه انت دي ، بلعب معاك تحت بيتكم انا ي روح امك
شادي بضيق : لو سمحت متجيبش سيرة امي !
المخبر وهو بيضرب شادي بالقفا : رد ع الباشا عدل يلااااا
( يتخض شادي م القفا الي لوح رقبته من قوته ، يقوم رامي يقف قصاده )
رامي: م انت م الأخر مش هتطولها ، لفيت دورت مش هجوزهالك ف ابعد عنها احسنلك ، ي روح امك
شادي : انا بحبها ومش هينفع ابعد عنها ، مهما قلت ومهما هددت مش هبعد
رامي بشك : في بينكم حاجة صح ، قول احسنلك ، انت جيت جنبها ؟
شادي : عيبة ف حقك لما اكون انا واثق ف اختك اكتر منك !
( يستفز رامي ، يجيب اخره ، ينزل فيه ضرب بالبوكسات لحد م يوقعه ف الأرض ويكمل عليه بالشلاليط هو والمخبرين )
رامي بزعيق وغيظ : وحياااات امك لهبيتك ف المستشفى انهاردة
( يفضلوا يضربه فيه ، يعدي الوقت ، منة ف البيت قلقانة ، عمالة تتصل ع فون رامي مبيردش وفون شادي مقفول ، يعدي الوقت ، يوصل رامي البيت ، تسمع منة صوت عربيته تنزل تجري ع تحت ، يدخل رامي البيت ، تجري عليه منة )
منة : فين شادي ي رامي ؟
رامي : ف جيبي
منة ب انفعال : مبهزااارش !
رامي بزعيق : وانا ايش عرف امي ، حد قالك إني المربية بتاعته !
منة : كان معاك ودلوقتي قافل موبايله ، انت مروحتوش ؟!
رامي : روحته من بدري وموبايله وحاجته كلها معاه
منة : اومال قافله ليه ؟!
رامي : انتي بتسأليني انا ، وبعدين ايه البجاحة الي بتتكلمي بيها دي ، وبتسأليني عليه كدة عادي !
منة : معادش في حاجة عندي اخبيها ، انت عارف كل حاجة خلاص
رامي : واخرتها ؟
منة : اخرتها ف ايدك
رامي : هي فعلاً ف ايدي ، انا هسيبك تلعبي شوية ، بس لما وقت اللعب دة ينتهي متزعليش م الي هيحصل ، المرة دي سيبته وطلع ، المرة الجاية ورحمة اهالينا م هخليه يشوف النور تاني ⁦
( يمشي رامي ، تنزل دموع منة وتحط ايدها ع وشها وتنهار م العياط ، ف بيت شادي ، يدخل البيت بالراحة ، امه قاعدة ، تشوفه تتخض ، تقوم تجري عليه )
الام بخضة : مالك ي حبيبي ايه الي عمل فيك كداااا
شادي بصوت واطي : مفيش مفيش وطي صوتك عشان بابا !
الام : حصلك ايه قولي ؟!
شادي : ولا حاجة ، مكانش معايا الرخصة واتمسكت وظبطوني ، انتي فاهمة الأقسام بقا
الام : ازاي بس تمشي من غير رخصتك ي شادي ، وبعدين تنسى الرخصة يعمله فيك كدة ازاي ، هو انت مجرم !!
شادي بتعب : بصي انا والله تعبان ومش قادر اقف ، نتكلم بكرة واحكيلك ، ماشي
الام : ماشي ي حبيبي ! 
( يدخل اوضته ويقفل عليه ، يقلع هدومه ويدخل ياخد دش ويعيط )
شادي ف سره ودموعه بتنزل : هو الحب بيكسر كدة يارب
( تاني يوم ، تلبس منة وتروح كلية شادي تسأل عنه متلاقيهوش ، تطر تروحله البيت ، توصل عند العمارة وتدخل ، تدخل الأسانسير وتطلع تاني دور وتخبط ع الشقة ، تفتحلها ام شادي )
الام ب استغراب : منة !!
منة ب احراج : ازيك ي طنط ؟
الام : الحمدلله ، تعالي ي بنتي !
( تدخل منة )
الام : اقعدي ي حبيبتي
( تقعد )
الام : عاملة ايه ؟
منة : كويسة الحمدلله ، حضرتك عاملة ايه ؟
الام : انا بخير ي قلبي
منة : دايماً بخير ، هوااا شادي موجود ؟
الام : اة موجود
منة : اصل رحتله الكلية ملقتهوش !!
الام : بيقول إنه اتمسك ف القسم عشان نسي الرخصة ، ومن ساعة م جه امبارح وهو نايم مطلعش من اوضته ، ومش راضي يقوم يكلمني حتى !
( تفتكر منة رامي والقسم )
منة : طب هو ممكن ادخله ي طنط ؟
الام : اة اتفضلي ي بنتي ، الأوضة دي
منة وهي بتقوم : شكراً
( تقرب منة ع الأوضة ، تخبط ع الباب ، شادي قاعد ع السرير ، ينام ويحط الغطا ع دماغه اول م الباب يخبط ، تخبط منة تاني )
الام : ادخلي مش هيرد
( تفتح منة وتدخل ، تلاقيه نايم )
منة : شادي
( يتفاجئ اما يسمع صوتها ويقوم ، تتخض منه اما تشوف وشه متعور وحتت زرقاء م الضرب وعيونه مدمعة )
منة بخضة : ايه الي عمل فيك كدة !!
( ميردش ويقوم يقعد ع طرف السرير ويبص للأرض ، تنزل دموع منة )
منة وهي بتقرب عليه : شادي ، رد عليا ي حبيبي !
( يبصلها )
منة : ايه الي حصلك ، مين الي عمل كدة ؟!
شادي ب ابتسامة وجع : اخوكي
منة ب استغراب : اخويا !!
شادى : اة اخوكي
منة بعدم تصديق : رامي مستحيل يعمل كدة !
شادي : يعني انا كداب ؟!