قصة : ( كيف تذهب ) ل سهيلة سعيد المنجي

الحلقة ١٩ والأخيرة

قصة : { #كيف_تذهب } 🌏💚

الحلقة التاسعة عشر والأخيرة { ١٩ } 🥀

( يتخض شادي ويلف يبصلها )
منة : لحد م نزفت وكنت هموت ، ودخلت المستشفى ، رامي مقالكش الكلام دة ، مقالكش إنهم ضربوا بعض هناك !
شادي وعيونه بتدمع : مقاليش !
منة : لما رامي خدني معاه البيت بعد الي حصل ، جالنا ليث بعدها بالبوليس واخدني بما إني مراته ، رحت معاه غصب عني ، كنت عارفة إن الي حصلي هيكرره لإنه كان مبسوط وهو بيعذبني كدة ، قلت ف بالي لأ ، مش هيلمسني تاني ، مسكت منه الدركسيون وقلبت بينا العربية ، كان عندي اموت اهونلي من إني اعيش معاه ساعة كمان !
( تنزل دموع شادي ، تمسح دموعه )
منة : انا نسيت كل دة بمجرد م شوفتك
شادي بقهرة : والله العظيم ل اجيبلك حق كل الي فات
منة : انا عاوزة اكون معاك وبس
( ياخدها ف حضنه وتنزل دموعه اكتر ، تطبطب عليه ، تاني يوم بالليل ، منة وشادي ف العربية ماشيين ، وفجأة ، تتخبط عربيتهم جامد م الجنب ، يفرمل شادي ويتخض ، يبص يلاقي منة دماغها بتنزف ومغمى عليها )
شادي وهو بيطبطب ع خد منة : منة ، منة فوقي ي قلبي !!
( يلاقي الي فتح باب العربية من ناحيتها ، يتخض )
ليث : م كنت خليك بعيد احسن ، رجعت لقضاك انت هاا !
( ليث يفك حزام منة )
شادي بزعيق : سيبهاااااا !!
( ليث لسة هيشيلها ، يرجع شادي لورا وبرجله يضرب ليث ف صدره يوقعه ع الأرض ، ينزل شادي م العربية ويلف ل ليث وينزل فيه ضرب ، يردله ليث الضرب ويطحنه بعض ، يضربه ليث بوكس واتنين وتلاتة يدوخ شادي ويقع ف الأرض ، تبدأ منة تفوق )
منة بتعب : اااه !
ليث وهو بيمسح الدم من ع بؤه وبيزعق : دي بتاعتي انا ، فاهمممممم
( شادي بيحاول يقوم مش قادر ، يقرب ليث ع منة ، تتخض منة اما تشوفه )
منة بصدمة : ليث !!
( يجيبها من شعرها )
منة بوجع : اااااه !
( يجرجرها ع عربيته ويركبها ويلف حزام الأمان عليها يكتفها بيه )
ليث : عشان متفكريش تقلبينا تاني بس
( يضربها بالقلم بغل تنزف مناخيرها )
منة بصريخ : اااه شادييييييييي !
( يركب ليث ويمشي ، يقف شادي )
شادي بزعيق : مناااااااا !
( يسمعه ليث ، يبص ف المراية يشوفه ، يوقف العربية ، يجري شادي عليه ، يرجع ليث ع وراه هيدوسه ، يتخض شادي ميبقاش عارف يروح فين ، يجري يمين بسرعة ميلحقش يخبط ليث ف نص جسمه يحدفه ع الأرض من قوة الخبطة )
منة بصريخ وخضة : بتعمل ايييييه شاديييييييييي !
( يقوم شادي بالعافية يقف ، يبتسم ليث ويلفله بالعربية )
منة : شادي !!
( يفرمل ليث بالعربية تعمل صوت وتطلع دخان ، واقف شادي زي مهو متحركش ، ف باله بس كل لحظة حلوة مرت عليه مع منة ، تتجمع ف قلبه بغل إن هتروح منه تاني والمرة دي مستحيل ترجع )
منة بعياط : ليث بالله عليك كفاية والنبي كفاية !
( يبصلها بغيظ ويرجع يبص ل شادي ، وب اقوى م عنده يدوس بنزين تطير العربية ناحية شادي ، تصرخ منة ، يجري شادي بس ف اتجاه العربية ، يستغرب ليث ، يدوس بنزين اكتر ، تغمض منة عنيها بوجع عارفة الي هيحصل ، وفجأة ، شادي ينط ع العربية بدل م تدوسه يطلع فوقيها ويقع ع سقفها ، يمد ايده ناحية ليث ويضربه بوكس والتاني ، يفرمل ليث بسرعة ، ينزل شادي ويفتح باب العربية ويشد ليث يوقعه ف الأرض وينزل فيه ضرب بغل لما وشه ينزف ويغمى عليه ، يوقف شادي ضرب ويقوم يلف ناحية منة يفكها ، تترمي ف حضنه )
منة بعياط : كنت هتموووت !
شادي وهو بيحضنها : قلتلك مش هفلتك تاني !
منة ب اطمئنان : الحمدلله
( يمسك شادي الفون )
شادي : ايوة ي رامي
( يعدي الوقت ، اسعاف وبوليس ف المكان ، منة ف عربية الأسعاف وشادي معاها ، يحط البوليس الكلبشات ف ايد ليث ويركبه البوكس وطبعاً نهايته معروفة ، يبصله شادي وهو يبصله بغل ، يوصله المستشفى ، تاني يوم ، شادي ف اوضة ف المستشفى ، متجبسة رجله ودماغه ملفوفة ، تدخل شيماء )
شيماء : صباح الفل ي دكتور
شادي : الدكتور عيان دلوقتي !
شيماء : ههههههه مرة من نفسك بقا
شادي : هههههه ي كلبة
شيماء وهي بتقعد جنبه : عامل ايه انهاردة ؟
شادي بتعب : صداع رهييييب !
شيماء وهي بتحط ايدها ع دماغه : ي حبيبي دة بس عشان دماغك اتخبطت كتير جامد
شادي : اة ، شفتي منة ؟
شيماء : اة نايمة متقلقش
شادي : رامي معاها ؟
شيماء : لأ ، مكانش في حد جوة !
( يخبط باب الأوضة )
شيماء : ادخل
( لسة رامي هيدخل ينتبه للصوت ، يعرف إنها هي ، يتوتر ، يفتح الباب ، تشوفه شيماء ترتبك وتقوم تقف )
شيماء ل شادي : هجيلك بالليل اوك
شادي : ماشي ي قلبي
( لسة هتمشي يخرج رامي من سكوته )
رامي : ازيك ؟
شيماء وهي ماشية : كويسة !
( تفتح باب الأوضة وتمشي ، يبص رامي ل شادي بوجع ، يشاورله شادي إنه يروح وراها ، يطلع م الأوضة ويروح وراها )
رامي : شيماء
( تتخض شيماء وتقف ، يقرب عليها )
رامي : هو إن حضرت الشياطين ذهبت الملائكة !
شيماء ب ابتسامة : لأ !
رامي : للدرجة دي مش عاوزة مكان يجمعنا ، مش عاوزة تشوفيني ، موحشتكيش !
شيماء : .......................
رامي : طب انتي وحشتيني ع فكرة ، واوي كمان ⁦
شيماء : ........................
رامي : انتي ليه قاسية كدة ، دة ربنا بيغفر ، اختي واخوكي سامحوني ، انتي ليه مش عاوزة تسامحيني ، انتي لو كنتي بتحبيني بجد كنتي سامحتيني ونسيتي !
( تنزل دموعها الي حبساها )
شيماء بوجع وصعوبة : بيقوله إنك كل اما تحب بجد كل م كسرك يبقا اقوى ، كل م جرحك يبقا اصعب من إنه يتشفى ، كل م تحب بجد كل م بتتوجع اكتر ومبتقدرش بسهولة تغفر ، يعني كل الحكاية إني بس حبيتك بجد !
رامي بتحايل : عشان خاطري ي شيماء ، انا اتغيرت والله أسألي شادي هيقولك اتغير ، والله اتعلمت م الي فات واتغيرت ، عاقبتيني ببعدك بس كفاية كدة ، كفاية بُعد عشان خاطري !
( يزيد عياطها ، يقرب عليها )
رامي : انا مقدرش اعيش من غيرك ، لو انتي تقدري انا اقسم بالله م هقدر ولا قادر ، انتي الوحيدة الي طالبها م الدنيا دي ، متحرمنيش منك ، انا والله بحبك مكذبتش ف ولا كلمة قلتهالك ابداً ، بحبك ومقدرش اعيش من غيرك ، اديني بس فرصة ، فرصة واحدة وحياتي عندك ، بلاش وحياتي وحيات شادي عندك
شيماء ودموعها بتنزل : انتوا الأتنين غاليين عندي !
رامي وهو بيمسك ايدها : وانتي اغلى حاجة عندي ⁦
( تبصله بحزن وحب ، يبوس ايدها ، تعدي الأيام ، ف اوتيل كبير ، نازلة منة ع سلمه بفستان فرح منفوش كت ومفتوح من قدام وم الضهر وطرحة كبيرة بتتجرجر مع ديل الفستان الطويل وفاردة شعرها الأسود ع ضهرها بتاج بسيط ، وفوتوغرافر كتير بيصوروها غير ڤيديو القاعة ، وواقفين البيرايدز ميدز صف بنات لابسين فساتين بيبي بلو والناحية التانية صف شباب لابسين بدل سودة ومن ضمنهم شيماء ورامي وأية ، تنزل منة بهدوء وتقف ويكمل الفوتوغرافر تصوير فيها ، يتفتح باب كبير وراها ويدخل منه شادي لابس بدلة سودة وبيبيون اسود شكله يجنن ، وماسك بوكيه ورد ابيض وفيه لؤلؤ ابيض عليه وماس ، يقرب عليها يمشي ممر طويل بهدوء لحد م يوصلها ، شايفها من ضهرها ، تلف منة بهدوء ، يشوفها ، تبتسمله ، يبتسم وتدمع عيونه ، يقرب يبوس دماغها ، تهمسله ف ودنه )
منة : نفذت الوعد
( يرمي شادي البوكيه وياخدها ف حضنه يشيلها ويلف بيها وكأن مافيش غيرهم ع وش الأرض ، رامي يغمز ل شيماء ، تبتسلمله بكسوف )

*( جازف اوي وعافر ما دمت مأمن بحبك ، حب بجد من قلبك ، حب الي كل مرة يشوفك فيها كأنها اول مرة ، حب الي عيونه تلمع طول مهو جنبك ، حب الي مهما فات حبه ليك مش قليل دة بيزيد ، حب الي حارب عشان يوصلك ، مش الي اتحجج عشان يسيب .. 🌏💚 )*

*( النهاية )*

( متنسوش اللايك ورأيكم .. 💚✨ )

#قصة_كيف_تذهب_ل_سهيلة_سعيد

#sohila_sa3ed