إبنة شيطان وزوجة ملاك

💜الجزء 1💜

1
 
السبت 12 يناير 13.45
فوسط غرفة مظلمة متكونة من تلات الوان أساسية لي هوما الأبيض و الرمادي و البيبي بينك كانت ناعسة بنت فاواخر العشرينات بشرتها بيضا فحال الحليب وشعرها قصير فالبني مغلوق...حتا سمعات تيليفونها كيصوني مدات يدها وهزاتو من فوق الطابل دونوي وجاوبات بلاما تشوف شكون المتصل
اماليا-الو...واخا ساعة على الاكتر نكون تما
ناضت وتوجهات للحمام طرفات حالتها وغسلات سنانها..وبقات كاتشوف فراسها فالمراية عينيها لونهم اسود وفيهم الهالات السوداء ونيفها صغير وحتا شفايفها صغار...بقات مدة وهي ساهية فراسها من بعد توجهات للدريسينغ ولبسات جينز فالاسود و هودي فالابيض ومكتوبة فيه singularity بالاسود لبسات من الفوق جاكيط ديال الجينز وفرجليها لبسات كونفيرس فالابيض...وقفات قدام المراية وقادات شعرها و لبسات النضارات الطبية ديالها ودارت القب على راسها...رجعات قادات بلاصتها لي كانت ناعسة فيها وجمعات الروينة لي فالبيت بالزربة بحكم انها ديما كاتجمع بيتها بوحدها زائد انها كاتكره يدخل شي واحد لبيتها و ينتاهك الخصوصية ديالها..هي كاتعتابر غرفة النوم منطقة خاصة واي واحد كيفما كان ماعندوش الحق يدخل لغرفة نوم شخص اخر بدون الاذن ديالو...هزات سوارت اللوطو وهزات التيلي ديالها دارت الكيت وخرجات مع الخرجة لقات أمها و باها وخوها جالسين كيتغداو
اماليا-صباح الخير انا غادا للخدمة(وخرجات بلاما تسنا الجواب)
ركبات فاللوطو ديالها وكسيرات بأقصى سرعة حتا وصلات للكلينيك..نزلات ودخلات وكلشي حاضيها شي كايشوف فيها باعجاب وشي كايشوف فيها بكره وشي عزيزة عليه وشي حاسدها علاش لا وهي الوريثة ديال هاداك الكلينيك ولي هو  احدى اكبر المستشفيات الخاصة فالمغرب...دخلات للمكتب ديالها بلاما تهضر  مع شي واحد بدلات الحوايج ديالها ولبسات اللباس الخاص بالعمليات...توجهات بسرعة لغرفة العمليات و لقات طبيب جراح اكبر منها واكتر خبرة منها كيغسل وكيعقم  يديه باش يبدا فالعملية...وقفات اماليا حداه وبدات تغسل حتا هي يديها
طه(الطبيب الجراح)-بونجوغ اماليا صافا
اماليا-وي صافا الحمد لله ونتا
طه بتاسم ليها-وي صافا(بقا كيشوف ويحقق ليها فوجهها) عينيك كيبانو منفوخين لا ؟
اماليا جاوباتو ببرود-كنت ناعسة
طه-اه يالاه ندخلو أصلا العملية ساهلة ماشي شي حاجة
اماليا-اوكي