إبنة شيطان وزوجة ملاك

💜الجزء 7💜

7

  عند اماليا
فاقت وبقات فالفراش ديالها كاتأمل السقف...دازو ساعات وهي على نفس الوضعية حتا سمعات الأصوات ديال كرشها وهي تنوض...مشات للحمام قضات حاجتها وغسلات سنانها ووجها وخرجات للكوزينة باش تفطر...لقات الخدامة كاتوجد الغدا...حلات الطنجرة وهي تخسر وجهها...حلات التلاجة جبدات منها توست ودارت فيها الشكلاط وصيبات قهوة بالحليب وجلسات فالطابلة لي فالكوزينة حطات الفطور ديالها وشدات التيلي كادور فمواقع التواصل وكاتفطر على خاطرها...حتا قاطعات امها الهدوء ديالها وجلسات حداها
رقية(الام)-الزين صباح الخير
اماليا-صباح الخير
رقية-مافقتيش ليوم وفطرتي معانا
اماليا-البارح مانعستش بكري
رقية-اه هي غادا تغداي معانا
اماليا-لا مابغيتش أصلا عاد فطرت
رقية-على خاطرك
اماليا وقفات ورجعات لبيتها

عند غسان
من بعد مافطرو وسالاو لبس حوايجو وخرج باش يتلاقا مع صاحبو ويتغداو برا
غسان-ياكما تعطلت عليك
مهدي-اه تعطلتي وتعطلتي بزاف او
غسان ضحك وكذلك مهدي ناض وتسالمو مع بعضياتهم
مهدي-فين العشير غبورات هادي
غسان-غي الدنيا وصافي
مهدي غمزو-غي الدنيا ولا ياكما شي دُنيا
غسان-ايوا صافي داك الشي لي بقا لي
مهدي-ههه غي ضاحك ونتا داغي قلبتيهم
غسان-كيدايرا الأحوال ديالك
مهدي-الأحوال ديالي كيفما هي نتا باقي فنفس الشركة ديال المحاماة
غسان-لا تحولت هادي عام ونص تقريبا وناوي قريب نفتح المكتب ديالي ولكن خاصني الخبرة شوية عاد نزعم ونفتح المكتب ديالي وديك الساعة مرحبا بيك
مهدي-ويلي الله يسترني هههه
غسان-هههههه
مهدي-ايوا كاين شي جديد
غسان-واحد البنت
مهدي ضحك-هادي هي ماكاينة حتا دُنيا ايوا الله يغصبك اسميتك
غسان شاف فيه زعمة واش من نيتك
مهدي جمع الضحكة-مالها ؟
غسان- شفت واحد البنت عمرني شفت فحالها مثيرة للاهتمام وباينة فيها مريضة نفسية
مهدي-وشنو كيأكد ليك
غسان-راني محامي وقاري لغة الجسد ومجرد الشوفة فيها خلاتني نستنتج ولكن كاين لي اكد لي الاستنتاج ديالي
مهدي-لي هو ؟
غسان جبد من جيبو نفس الورقة لي طيحات اماليا وعطاها ليه-انا مأكد بلي عندها شي صدمة أولا عقدة من الطفولة أولا شي حاجة فحال هاكا
مهدي قرا الورقة-مثير للاهتمام....ونتا مالك معاها
غسان هز كتافو-شفتها مرة وحدة وصافي
مهدي صغر فيه عينيه
غسان-الأرواح كاتنجاذب لبعضياتها وحسيت بلي هي محتاجة وفنفس الوقت ماباغاش ومامحتاجاش المهم ماعلينا قلب الموضوع وعطيني ورقتي