4
دازت مدة وهي كاتمشا فالغابة حتا عيات فاللخر رجعات للوطو ديالها...وكسيرات حتا وصلات لنفس البناية لي فيها غسان وبثينة نزلات ومشات ضومونضات كافي و تشيز كيك وطلعات للطبقة لي فيها الكافي حيدات القب من على راسها وجبدات واحد الكتاب وبدات كاتقرا حتا حط ليها النادل الطلبات ديالها ومشا
بثينة صغرات عينيها وبقات كاتشوف-هي واللهيلا هي
غسان-شكون هي علامن كاتهضري
بثينة-غسان شوف راهي البنت لي عاد كنا كانهضرو عليها
غسان ضور وجه وجيهتها بزربة ولقاها دايرة الكيت و كاتقرا ومرة مرة كاتشرب من القهوة
بثينة-شفتي ماشاء الله كاتحمق دابا نتفاهم مع داك بوراس حيت ماعرفنيش عليها
غسان سها فيها لوهلة و هضر بينو وبين نفسو-الهدوء ديالها غير طبيعي والبرود لي فعينيها غير طبيعي وحتا الهالة ديالها غير طبيعية انا متأكد كاين بركان خلف هاداك الهدوء
بثينة وقفات-خويا انا غانمشي نضرب طليلة لتحت ونجي
غسان-ماتعطليش حيت خاصني نمشي
بثينة-كون هاني(ومشات)
غسان هز التيلي ديالو وبقا كايبقشش فيه اما اماليا كانت مركزة فقرايتها ومامسوقاش للعالم الخارجي...بقات كاتقرا واحد الشوية وهي تحس بالملل وجبدات ورقة صغيرة ملونة وكتبات فيها "كنت عاقلا ومثقفا وطالبا في الدراسات العليا وكل شيئ على مايرام وفي الداخل صحراء فيها كائن قاعد على ركبتيه في الفراغ 'وياكل قلبه'...كما يقول الشاعر الإنجليزي فسألته 'هل هو مر ؟' 'مر جدا ياصديقي '" بقات مدة وهي كاتشوف فديك الورقة ببرود فاللخر كمشاتها ودارتها فجيبها...جمعات اغراضها ودارتها فصاكاضو ديالها وتمات خارجة شوية وهي تسمع صوت كينادي عليها
غسان-ختي...وا الأخت
اماليا ضارت وشافت مصدر الصوت-وي عيطتي عليا
غسان-السيور ديال السبرديلة ديالك محلولين صايبيهم باش ماطيحيش
اماليا نزلات راسها لرجليها ورجعات شافت فيه وفهاد اللحظة عاد حققات ليه فوجهو بقات مدة وهي ساهية وكاتشوف فيه بانت واحد اللمعة غريبة فعينيها من بعد ماكان طاغي عليهم البرود وحسات بالوقت حبس عندها حتا سمعاتو كيعيط ليها مرة أخرى ورجع داك البرود مرة اخرى
غسان-كوكو
اماليا نزلات صايبات السيور ديال سبرديلتها وفاللحظة لي حنات طاحت ليها الورقة من جيبها...صايباتهم ورجعات وقفات ومشات خرجات فحالها بدون ماتلتافت ركبات فاللوطو ومشات متوجهة للدار اما غسان غي خرجات نتابه للورقة لي طاحت لاماليا هزها وحلها وبقا كيقراها بتمعن وهنا قطع الشك باليقين وعرف بلي البرود ديال اماليا غير طبيعي...طوا الورقة ودارها فجيبو وخرج متوجه للدار
أنت تقرأ
إبنة شيطان وزوجة ملاك
Storie d'amoreابنة شيطان و زوجة ملاك للكاتبة خطيئة يناير اهلا بكم حبيباتي بعد اكتر من اربع سنوات ديال القرائة قررت باش نكتب هاد القصة ...ربطو الاحزمة باش تقلعو معايا فهاد الرحلة وتغوصو معايا فثنايا هاد القصة لي خدات مني مجهود ووقت كبير..قصة لي كتبتها بكل حب ولي ب...
