13
عند غسان
غي وصل للدار عطا الأغراض لمو ورجع كمل الخدمة ديالو عادي...شوية وهي تبان ليه بثينة جايا وولدها جاي قدامها...جا كيجري وتلاح عليه
احمد-خالوووو توحشتك
غسان خربق ليه شعرو-حتا انا توحشتك البطل كيدايرلاباس عليك ؟
احمد-لاباس فيناهي روزا ؟
غسان-ناعسة
جلسات بثينة حداه وبقات كاتنش على راسها
بثينة-اوووف الموت اسيدي ربي
جات السعدية وجلسات معاهم وبقاو كيهضرو حتا جا جلس معاهم معاذ وحتا محمد...بقاو كيتبادلو اطراف الحديث....حتا ناضت السعدية وبثينة حطو العشا...تعشاو وسالاو وكل واحد مشا للغرفة ديالو
الأربعاء 16 يناير 07.15
ناضت اماليا من فوق الكرسي كاتكسل من بعد ليلة بيضاء بلا نعاس ودخلات للحمام قضات حاجتها ورجعات لبسات حوايج الصبور...هزات قرعة الما ودارت الكيت فودنيها وركبات فاللوطو فاتجاه الغابة
ماهي الا دقائق حتا وصلات ونزلات وبقات كاتجري...حتا عيات وهي ترجع للدار دوشات ولبسات حوايجها ومشات للمستشفى...وفالطريق دازت على مطعم وخدات الفطور....وغي وصلات مع الدخلة مشات نيشان للاستقبال وسولات البنت لي خدامة تما
اماليا-بونجوغ
البنت-بونجوغ دكتورة نهري
اماليا-واحد الدري عندو تقريبا عشر سنين عندو فشل كلوي حاد...بغيت معلومات عليه
البنت-اه بلاتي واحد الدقيقة نقلب(بقات كاتقلب فالحاسوب)الدري سميتو ريان هادي خمس اشهر باش جا لعندنا
اماليا-بغيت رقم الغرفة
البنت-471
غي خدات اماليا المعلومات لي بغات ومشات نيشان للغرفة لي فيها ريان...دقات جوج دقات خفاف وحلات الباب وطلات من الجنب
اماليا-نقدر ندخل
ريان ابتاسم- اه تقدري تدخلي
اماليا جلسات حداه-صباحو
ريان-صباح الخير
اماليا ابتاسمات ليه-كيصبحتي مزيان
ريان-الحمد لله
اماليا-فيك الجوع ؟
ريان هز راسو بالإيجاب
اماليا جبدات من صاكادو ديالها بتيبان بالشكلاط وكوكيز وعصير ديال الليمون....عطاتو قريعة ديال العصير وبتيبانة ديالو
ريان خداهم من عندها-شكرا
اماليا بتاسمات ليه-العفو
خدات حتا هي الماكلة ديالها وبقاو كياكلو في صمت حتا سالاو
ريان-شكرا
اماليا خربقات ليه شعرو-ماكين لاش تعاودها جوج مرات
ريان هبط راسو
اماليا-ممم وماشي قلتي بلي هنا أصدقاء وانا لي عارفة انه الأصدقاء الحقيقيين ماكاتكونش بيناتهم هاد الرسميات أولا
ريان حرك راسو بالإيجاب
اماليا-هاكا نبغيك اريان والمرة الجاية بقا ديما هاز راسك الفوق
ريان وسع عينيه-كيفاش عرفتي سميتي
اماليا-شفتي انا عارفة سميتك ونتا لا
ريان شاف البطاقة لي معلقة اماليا فعنقها-سميتك زوينة اول مرة نسمعها
اماليا بتاسمات ليه
ريان-انا ديجا عارف امل ولكن اماليا عمرني سمعت بيها
اماليا وقفات-المهم انا خاصني نمشي ومرة مرة غانبقا نجي ونهضرو بجوج
ريان-بسلامة
اماليا-بسلامة
ناضت اماليا ومشات للمكتب ديالها باش تبدا الخدمة
أنت تقرأ
إبنة شيطان وزوجة ملاك
Romanceابنة شيطان و زوجة ملاك للكاتبة خطيئة يناير اهلا بكم حبيباتي بعد اكتر من اربع سنوات ديال القرائة قررت باش نكتب هاد القصة ...ربطو الاحزمة باش تقلعو معايا فهاد الرحلة وتغوصو معايا فثنايا هاد القصة لي خدات مني مجهود ووقت كبير..قصة لي كتبتها بكل حب ولي ب...
