إبنة شيطان وزوجة ملاك

💜الجزء 3💜

3
 
  مشاو هبطو بجوج للقهوة لي فالطابق لي لتحت وجلسو فبلاصة مطربة على الناس
بثينة-غسان عرفناك كاتشغل وقتك باش ماديرش شي حاجة خايبة ولكن ماشي لديك الدرجة
غسان-بثينة ختي راكي عارفاني واقيلة حياتي عبارة عن خدمة والسبور
بثينة-ولكن
غسان قاطعها-خليني نكمل انا الحمد لله عمرني درت شي حاجة فمي ولا دخلت شي حاجة لداتي سوا شراب سوا مخدرات وهاد الشي حيت معمر وقتي باش مانلقاش وقت لي نمشي نسهر فيه فالبيران
بثينة-خويا عيش حياتك شوية اه عرفتك عندك صحابك وكادير السبور وخدمتك  ولكن هاد الشي ماكيعنيش بلي تبقا هاكا...واش صافا با لا راك وليتي الة عمل اخويا...دابا بالله عليك واش كين شي دري عندو 29 عام وعمرو رتابط بشي بنت همم
غسان-بثينة انا نهار غادي نحس براسي واجد نفسيا وجسديا وماديا غادي ندخل فعلاقة جدية ولي هي الزواج...عرفتي وتشوفي عدد حالات الطلاق غادي يضرك خاطرك
بثينة-وايمتا غادي تزوج
غسان-راني جاوبتك واقيلا
بثينة-قلتي ملي غادي تكون واجد من جميع النواحي
غسان-هانتي فهمتي وحتا يتزوج داك بوراس ديال معاذ
بثينة-هاداك غي خليه انا لي عارفاه
غسان-مالو(صغر عينيه)ياكما
بثينة-وييي معاذ باينة كيبغي شي وحدة
غسان-باش عرفتيها
بثينة-هادي شي عام تقريبا شفت بالصدفة التصويرة ديال واحد البنت دايرها فالخلفية ديال تيليفونو وملي سولتو مابغاش يجاوبني...ودازت المدة وانا نشوفها جات للكافي هنايا وجلسات كاتقرا هي كايبان يالاه عندها ديك 20عام فحال هاكاك ولكن حق الله يتقال هي زوينة بزاف كاتبان هادئة وفنفس الوقت قاصحة
غسان بفضول-ورجعات مرة أخرى ؟
بثينة-نادرا فاش كاتجي ولكن لي لاحضتو انها كاتجي فالاوقات لي كاتكون فيهم الكافي شبه خاوية
غسان-ماعلينا قلبي الموضوع