إبنة شيطان وزوجة ملاك

💜الجزء 12💜

12

بقات كاتمشا وبالضبط بعد خمسة دقايق وهي توصل للوجهة ديالها دخلات وهزات داك الشي لي خاصها ومشات للاكيس باش تخلص...دار ليها داك الشي فلي صاشي وملي جات تقلب لقات  راسها ماهازة والو لافلوس لا كارط بونكير وحتا من التيلي خلاتو كيتشارجا فالدار...شوية وهي دير ليها طن فراسها
اماليا-ولد لحراااام دا لي رزقي
وفهاد الاثناء كان غسان من موراها ملي جات تخلص والفيلم كامل داز قدامو
غسان-ختي واش كاين شي مشكل ؟
اماليا ضارت وشافت فيه وهي تعرفو بلي نفس الشخص لي تلاقاتو فالكافي ولكن هو ماعرفهاش حيت كانت مهبطة الكاسكيطة وعاد القب لي دايرة
اماليا-لا ماكاين حتا مشكل
وجهات الهضرة لهاديك لي فلاكيس-مابقيتش غاناخد نسيت الفلوس فالدار (ومشات)
اما غسان غي مشات اماليا وهو يهز لي صاشي ديالها وخلص وتبعها كيجري
غسان-عافاك حبسي
اماليا ضارت شافت فيه ببرود-نعام شنو كاين
غسان مد ليها الصاشي-هاكي هادو ديالك عتابريهم هدية
عطاهم ليها بلاما يتسنا منها الجواب ورجع كيجري للوطو ديالو وكسيرا اما اماليا فبقات كاتشوف فيهم وابتاسمات بغباء وبانت واحد اللمعة فعينيها...فاللخر وهي ترجع للدار وغي وصلات حيدات الكبوط والكاسكيطة وجبدات الشيبسات والموناضة والشكلاط قاداتهم فالتلاجة....وجلسات فوق الكرسي وبقات كاتبتاسم غي بوحدها شوية وهي تجمع الضحكة ديالها
اماليا-اش هاد الأفكار زعمة واش هادو كاملين صدف(دلات شفايفها بحزن) ولكن علاش....بفففف هاد الشي لي بقا ناقص..بغيت غي نفهم واش هو كيتعامل مع البنات كاملين فحال هاكا...باينة فيه زير النساء
بقات مدة وهي ساهية فاللخر نزلات دمعة ساخنة على خدها وهضرات
اماليا-توحشتك اماما توحشتك بزاف كون غي كنتي معايا كون راكي كاتجاوبي على التسائلات الغبية ديالي ...انا وحيدة بزاف حتا واحد ماكيحس بيا...واخا عمرني شفتك ولكن انا مأكدة بلي نتي كاتشوفيني...علاش متي...علاش خليني بوحدي فهاد العالم القاسي..علاش خليتيني بوحدي مع بابا وخليتيه يدير فيا مابغا
مسحات الدمعة لي نزلات و خدات ورقة صغيرة ملونة وكتبات فيها "كلنا وحيد منفرد ، كلنا سر خفي، كلنا محجوب بألف نقاب ونقاب، وما الفرق بين مستوحد ومستوحد، سوى أن الأول يتكلم عن وحدته والثاني يظل صامتًا، وقد يكون في الكلام بعض الراحة  وقد يكون في الصمت بعض الفضيلة"
طوات الورقة وحلات المجر وحطاتها مع بقية الأوراق لي تما ورجعات سداتو...ورجعات كملات القراية ديالها