إبنة شيطان وزوجة ملاك

💜الجزء 15💜

15

بثينة-نعام ماسمعتش ؟
غسان-راك سمعتيني
بثينة هبطات راسها-كانبغيه اخويا ومانقدرش نسمح فيه
غسان-ولكن نتي عارفة الخطورة ديال الخدمة ديالو
بثينة-توحشتو بزاف هادي سبع اشهر ماشفتو مشا وخلا روح واحلة فعنقي
غسان-ختي عارفك كاتبغيه وعارفو حتا هو كيبغيك ولكن نتي عارفة فاي لحظة ممكن يوصلك اخبارو بلي مات وغاتولي ارملة وولادك غادين يوليو يتامى
بثينة-عارفة اخويا ومن الأول انا لي قبلت بيه
غسان-خاصكم تشوفو حل
بثينة-انا ميمكنش لي نمشي عندو وهو راه ملي كاتسمح الفرصة راه كيجي عندي والحمد لله راضية بالقدر ديالي وكانآمن بلي المسافات عمرها كانت حاجز
غسان-نتي عارفة مصلاحتك اختي المهم الى حتاجيتي شي حاجة قوليها لي
بثينة-ضروري الى ماقلتهاش لي أولا لمعاذ لمن غادا نقولها ؟
غسان وقف-المهم انا غادي للخدمة يالاه نخليك(ومشا)

عند اماليا
دوزات النهار كامل فالخدمة حتا سالات وهي تحيد الطابلية ديالها وهزات صاكادو ديالها وركبات فاللوطو وكسيرات حتا وصلات للدار ودخلات بخطوات مسرعة لغرفتها باش تفادى تلاقا مع شي واحد...غي دخلات حيدات حوايجها كاملين ولبسات بيجامة دافية وقادات مسلسل فالتلفازة باش تدوز بيه النهار...تلاحت فوق الناموسية وتغطات وبقات كاتفرج...دازو ساعات حتا طلات فالساعة وهي تلقاها وصلات العشرة ديال الليل
اماليا-دابا مشا الحال غادين يكونو تعشاو ومشاو ينعسو
حبسات المسلسل و طلعات للكوزينة ومن حسن حظها مالقات حتا واحد...حلات التلاجة و بقات كاتقلب على شي حاجة تاكلها فاللخر ماعجباتها حتا حاجة ورجعات للغرفة ديالها وبقات كاتفرج حتا داها النعاس

عند غسان
حتا هو بدورو دوز النهار كامل فالخدمة وخدم لساعات متأخرة من الليل حتا كمل خدمتو كاملة...ناض كيتجبد فبلاصتو حيت النهار كامل وهو جالس فالكرسي...ضور عيني فالمكتب بان ليه خاوي يعني هادوك لي كانو خدامين معاه سالاو خدمتهم ومشاو....هز المونطو ديالو لبسو ومشا رجع للدار ونعس

الخميس 17 يناير 9.30
فوسط المكتب ديال باها ديال اماليا كانو جالسين جوج اشخاص كيهضرو
فادي-بابا كاين واحد الموضوع بغيت نهضر معاك فيه...صراحة كان خاصني نقولها ليك هادي يوماين ولكن ماجابتهاش الفرصة
خالد-اييه كانسمع
فادي-كاتعرف معاذ داك الدري صاحبي
خالد-مالو
فادي-بغا يتوزج باماليا
خالد هضر بعصبية-وشنو قلتي ليه
فادي-انا وافقت وقلت ليه بلي القرار كيبقا ديالها
خالد-وانا شنو..ديكور هنا...لي نتا جالس كاتخطط وتفصل غي بوحدك بلا خباري
فادي-بابا هادا راه الزواج ماشي اللعب وماكين ما احسن منو لختي
خالد غوت بعصبية-نوض خرج عليا