أختطاف متكرر.

وصال وايوب 😂🔥

أختطاف متكرر(5).
Sajdah ahmed almozge

نور:اني في قرية قعدا مكملتش كلامه لعند في حد ضربه على رأسه وداخت.
أمجد: وأخيرا لقيتها وين لقيتها ياخالتي.
العزوز: من أنت ومني هادي .
امجد: هههه نسيت أنتي عندك الزهايمر نهض نور وطلع بيها.
العزوز: من هادم
توضيح.العزوز تكون خالة أمجد جاي بيشوفها لقي عندها نور .
أمجد: حطها في السيارة ورجع حطها في مستودع قريب من قرية سينا
وقريب من الحوش وسكرلها فمه وربطها بي حبل.

______________________________

رنا: حي فصل الخط وعلي جيت أيوب. ..أيوب ياااايوب توا اتصلت نور.
ايوب: شن شن وين هيا
رنا: قتله وين قتلي في قرية بعدين فصل الخط
أيوب :ضرب الكرسي برجله بقوة..كيف علاش فصل الخط ياااربي
ميه ميه شوية بس وركب يجري لي بوه في دار ...بوووي نووض
عمار: خيرك شن فيه .
ايوب: مشاء الله راقد وجوك مريقل.
عمار: شن تبيني ندير نرقص .
ايوب: منسالك سؤال بس وياريت تجاوبني .
صغاار عمي ناجي وين سكنو بعد ممات بوهم ؟
عمار: في الجبل تقريبا في قرية .
ايوب: كويس ..باهي شن اسمه
عمار: تقريبا سينا .
ايوب: ميه ميه اني غدوه ماشي اني ورجالة.
عمار: علاش.
ايوب: نوور اتصلت بينا قبل شوية وقالت أن هيا موجودة في قرية لاكن بعدها فصل الخط.
عماار: كويس شن غدوة برا من اليوم وخليك على تواصل معانا .
ايوب: ميه ميه ومشي يجري لي داره جهز حوايجه وطلع يجري كلم الرجالة الي معاه
وطلعو طول .
عمار:  ياانورية ياانورية.
نورية:هااا شن في .
عمار: وصلنا لي دليل نور قعدا في قرية وتقريبا في سينا وتوا أيوب مشي.
نورية : الحمد لله ياااربي... من قالكم.
عمار: هيا اتصلت وقالت ان في قرية وفصل الخط .
نورية: الحمد لله الحمد لله يااارب.

__________________________________
ايوب: لازم نرفع معاي وصال باش تسهل عليا المهمة
طلع يجري درس عند حوشه ونزل.
طق طق طق .
وصال: هيا هيا منني.
ايوب: اني أيوب .
فتحت الباب
وصال: تفضل .
أيوب :نبيك تجي معاي توا ضروري .
وصال: وين نكون مرتك توا نجي معاك .
ايوب: لقينا دليل نور موجودة في قرية بعيدة من المدينة ولازم تمشي معاي باش تمشي الخطة في الطريق نحكيلك.
وصال: شوية بس خلي نشوف أهلي قبل.
الهادي: تفضل ياايوب شن تبي.
ايوب: .....الخ
الهادي : مستحيل بيكون خطر عليها.
ايوب : مش على اساس بنتك متعلمة كاراتيه .
وصال: إني يابوي بالنسبة ليا نقدر نعتمد على نفسي ومتعلمة الكاراتي وواخده الحزام الاسود يعني ميقدر حد يقتلني او يخطفي او يمسني.
الهادي:اي عارفه بنتي الجدعة مشاء الله عليها.
ايوب: حسيت روحي بين عيلة جونسينا.😃
وصال: ههههه المهم شن يابوي تخليني.
الهادي: وصال أمانة عندك ياايوب كان تصيرلها حاجة نهارك زي راسك.
وصال: يسس وخشت تجري لبست سروال تجينز ولبست كابوطه وطاقية للمطر.
ايوب : الدنيا صقع في ليل جيبي بطانيتك.
وصال: به. خشت تجري جابت البطانية وحدفتها في سيارة.
الهادي: كم يوم بتقعدو.
أيوب : تقريبا يومين.
الهادي: خليكم على تواصل معاي .
وصال: انشاء الله ادعيلنا يابوي نلقوها.
الهادي: إنشاء الله .
نجية: جت تجري من الكوجينة. ..وين وين بتمشو.
وصال: بوي احكيلها وطلعت تجري ركبت في السيارة.
أيوب : مع السلامة وطلع .
الهادي: ...إلخ.
نجية : باعتها هكي بروحها .
الهادي: الولد نعرفه وواثق فيه وكويس .
نجية: وكان تصيرلها حاجة  تجيها رصاصة او  يخطفوها.
الهادي: الي كاتبه ربي بيصير.
_________________________________